شفنا المباراة وليتنا ماشفناها حاجه تقهر والله تقهر
اولا قبل اتكلم عن نور او ماطر او عبيد ودي اسال هم ملعبينهم غصب؟
محمد نور يتمشى بالكورة انا ما ادري اذا احد قايله لعبك زي لعب فيرون؟؟ فعلا محمد نور يقلد اللاعب الارجنتيني سباستيان فيرون حتى بالتمشي بالكورة لاكن فيه لاعب يدري متى يتمشى ولاعب يدري متى يلعب الكورة هاذا غير النكبه فعلا نور كبنا بمعنى الكلمه تمنيت انه هو اللي جايب الهدف ولا يذبها ذبات فيرون علينا والله حاجه تقهر
ابراهيم ماطر:اذا انت خايف من الاصابه لاتلعب كورة مالك الا سحبه وتمريره بكل المباراة صح والباقي تتهرب انك تشترك وتراك نكبت الدوخي لحاله يغطي اثنين خايف من الاصابه توكل على الله وشف وظيفه ثانيه والا اعتذر عن اللعب غيرك كثير لاعبين
عبيد الدوسري: الكل يجمع على شين لعبك انت كما يعلم الكل احسن لاعب مهاري (شاطر بالفرفره) لاكنك لاعب تكتيكي صفررررر (بالعربي اسلوبك شبيه بلعب الحواري) بكل صراحه اتمنى من كل قلبي اشوفك تلعب متحمس حرام انت تلعب جنب سامي والله حرام
اتمنى اني اداري بالمنتخب عشان الفت نظر المدرب لحاجه وحده بس (اللي ماله نفس يلعب يتوكل على الله ويلعب بناديه لايحرق دمنا وزي ماتكلمنا على سامي كثير وانا اكثر واحد يزعل على سامي اذا لعب غلط نتكلم عليكم انتم الثلاثه بالذات لانكم تلعبون من غير نفس وبرودكم يصيحنا والله

حسين عبدالغني ارجوا انك ماتتقدم يعني خليك راجن بمكانك احسنلك واحسنلنا يعني انت اوكي تتقدم صح لاكن دايم اللي يلعب ظهير سعد الدوسري وطبعا الله يستر عليه

كلمة اخيرة سامي الجابر احمد الدوخي سعد الدوسري الحسن اليامي محمد خوجلي عبدالله الواكد مشكورين وماقصرتوا انتم المنتخب وناقصكم نواف وطلال ويوسف اللي اتمنى انه يلبس شعار المنتخب عن قريب لاننا بصراحه ناقصنا كبتن يهاوش وسلامتكم

كلامك صحيح اخوي بالنسبة ل عبيد و محمد نور..بس ترى ماطر مستواه كان زين افضل من المباريات الماضية..

هلا اخوي طربوش
ما تلاحظ انك ثقلت على الاعبين شوي
صحيح انا معك بلعب نور لكن عبيد لعبه لا اقول ممتاز ولكن حسن ولابد من الاخطاء لكل اللاعبين
وبالنسبه لماطر المنتخب بحاجه له لذلك لعب ولا تنسى انه راجع من اصابه
على العموم الله يوفقهم جميعا .

السلام عليكم ....


اخوي طربوش ....

من ناحية عبيد يذكرني بلعيبة الحواري او الاستراحات اذا خانهم عمرهم وكبروا وصارت الياقة ماعندك احد ..... تلقاهم واقفين عند الحارس وداقينها سوالف الين تجية الكورة ويسجل الهدف ...( كل اهدافة ما فيها اي مهارة او بذل جهد يعني الولد يتمركز صح ) ....

اما ماطر مع انة قدم افضل مباراة لة الا انة صاير ماصل مايستاهل الانظمام للمنتخب ( المسئلة موازنة مع الاندية الاخرى )....


اما محمد نور فكلام الحمادي عنة يكفية .

بأختصار لعيبة شبعانين لم يعد يهمهم اي شي اخر - خاصة عبيد ( جاري با الحي ) كل يوم اشوف معه وحدة اطلق من الي قبلها ( اقصد السيارة ) ...!!!!!!!!

وما اقول الا :
سلامي عليك يا :

الواكد ............
الجابر .....
عبد الغني ...............
سليمان .......

شباب خلاص فكرو في اللي جاي مو في اللي راح كلنا محترقين من نار القهر بس محمد نور ماكان قصدة ..افهمومها عاد..صحيح انا قلت لان محمد غلط بس الواحد لازم ينسى الماضي ويفكر في اللي جاي ولا تخافون ترى الفرصة لازالت قائمة وانشاء الله البطاقة الاولى الى المنتخب بس على ابراهيم معاك حق يا طربوش اما بالنسبة الى الواكد ما اعتقد انو كان مثل اول اما حسين فاالاخ حامل مكان سعد ولاعب دور هجوم ودفاع وووسط وكل شي فلا تلومونة ابداااا..
ومع دلك يتحمل المسؤالية كل اللاعبين لانو لو الهجوم استغلوا تكتيكات سامي كان من المستحيل انو ايران تقدر تعادل النتيجة بس انشاء الله نتاهل ..



وانسووووووووووا الماضي اللي فات مات واحنا عيال اليوم ..

احلى تحيى الى:
1- محمد نور..
2- محمد الخوجلي ..
ولا تسالوني عن سر هاذي التحية..

Redheart