صانع ألعاب متميز ؟؟؟؟؟؟؟!!!!!!!!!!..
 

السلام عليكم ورحمة الله وبركاتة
في رحلاتي الإستكشافيهs29s على ملاعب الحواري لقيت لكم صانع ألعاب متميز له عيوب وله مميزات بذكرها لكم ..

مميزاته
-يسدد الكرات الثابته والركنيات وهو بارع فيها جدا جدا ..
-جسمه يذكرني بخالد عزيز ..
- طويل القامه وعمره مازال تحت العشرين يعني بيطول زياده عمره 16وطوله تقريبا 174 ..
- ذو أخلاق عاليه جدا جدا ..
- مايحتفظ بالكره كثير يعيني مايمديه يستلم الكوره إلا ملقي نظره على الملعب ومرسلها علطول مايخليها تطول ..
عنده نزعه هجوميه مطعمه بدفاعيه ويصلح محور إرتكاز .. وصانع ألعاب ..
يسدد تسديدات جميله على المرمى ..
تلقى عرضين السنه الفائته واحد من الشباب وواحد من النصر ورفضها علشان الدراسه ..
( هذا مايحضرني من مميزاته )

عيوبه
- ليس بذاك السريع ولا ذاك البطيئ ..
- فيه كرشه خفيفه خفيفه يعني ..
- مايلعب كثير مع حارتهم .. هو عنده حلقه ومشغول العصر .. ونادر يلعب في الحاره -- لو يلعب دايم والله يصير أفضل لاعب مر على تاريخ الكره السعوديه في المستقبل .. طبعا بعد سامي الجابر ..
-لايملك تلك المهارات الفرديه بس يحرك اللعب الجماعي ويخليه ممتاز جدا ..


يذكرني بصانع ألعاب منتخب هولندا ذاك الطويل اللي آخر سمه باستن بس لاأحد يقولي فان باستن لا واحد توه لاعب مع منتخب هولند كاس العالم 2006


وهو حتى الآن يرفض أي عرض يجيه بس أحاول فيه يروح للهلال
بالمناسبه تراه هلالي:D :thumbup:

التفريط فيه أكبر حرااااااااااااااااام (وش نفعنا نواف )
لكن أذكر إني عرضت مايقارب خمس لاعبين من الرائد والتعاون ولم أعرضهم إلا بعد طول متابعة ولا أحد عطان وجه بس فيه واحد جلس يستهتر ثم قال : جبهم للنادي يحسبن مغبيهم عندي ومن ضمنهم ناشي العرماني وقرأت قبل فترة إن النصر متفاوضين معه ومنهم حارس الرائد محمد عسيري شبيه جدا ب(ديدا) شكلا وحراسة وهذا اللقب أطلقه جمهور الرائد وفي كل مباراة يتطور مستواه مع العلم أنه يفتقد لمدرب حراس فما بالك عندما يذهب للزعيم.............
(خله على ربك وخلهم يدورون من هالشيبان اللي يبون يهدون مابناه الزعيم منذ زمن طويل مايدرون إن اللاعبين الصغار لك وللزمن ................وعدين وشرايك بقتل الموهبه ياسر الياس

الله المستعان