>< يداً بيد .. للقضاء على القلـــق>< - نادي الهلال السعودي - شبكة الزعيم

هلالي و مانشستراوي · #1 14/07/2006, 05:14 AM

بسم الله الرحمن الرحيم

اولا تعريف القلق :

القلق هو (الظاهر كلكم تعرفونه مايحتاج اشرح

)

مالكم بالطويله ..

تعرفون الاجازه وباقي عليها تقريبا شهرين الا اسبوع .. وطبعا الاجازه وناسه لكن اغلب الوقت قلق ومافيه شئ والواحد

يضيق صدره ومايدري وش يسوي .. والحل الوحيد لدى الاغلبيه (انترنت - انسداح او انضجاع بالبيت

)

لكن ماصارت حاله هذي الواحد ماغير مجلس ماعنده لا شغل ولا مشغلـه ؟؟؟؟

فبعد هذي المقدمه <<<<< كل هذا مقدمه

اتمنى من كل نفر يكتب حاجه او شئ او فكره نستفيد منها وتقضي على القلق بالإجازه ..

فياليت تكرمونا بأفكاركم وخططكم العلميه المدروسه

لنقضي على القلـق

وتقبلوا تحياتي اخوكم هلالي و مانشستراوي

عريب عبدالله · #2 14/07/2006, 05:32 AM

أنا عندي ضيوف مستمرين الى مالا نهايه
مايعطونك فرصه تفكر فيها
لا وأوقاتهم الزياره مفتوحه
ناس العصر وناس المغرب وناس بعد العشا
وهاك ياشغل طبعاً الشغل أمي وخواتي الله يخليهم أنا برا الحسبه
المشكله مايطلعون الا بطلعة الروح خصوصاً ضيوف مابعد العاشره مساءً
هذولا يالله عشر الصبح ولا أنسى ضيوف الظهر
مسكينه أمي ماعندها وقت تنوم
أنا كالعاده مطنشه بأبو العالم ولا احد يشره علي
واللي يشره شي راجع له
وأنصحك بالنوم قدر الإمكان بعد العطله مافيه نوم

والنصيحه الأهم لاتسمع من نصايحي شي بتوديك فداهيه

بالحب والإشراق

hilalemooot · #3 14/07/2006, 05:40 AM

السلام عليكم

هلا بالمانشستراوي ;) .. يعطيك العافيه

شوف .. انا اتوقع انك تقصد الملل بس من الفضاوه المخ يقفل وما يعرف الواحد يجمّع

اول شي حاول تغير الروتين اليومي بين فتره وفتره .. الواحد منا اغلب جدوله نوم و نت و سهر بالعطله .. العطله طويله واذا تبي تجلس كذا ثلاث شهور شي طبيعي راح تملّ .

السفر مفيد كثيير ويغير الموود او المزاج دائماً

هذا اللي عندي .. وجرّب وماراح تندم

فـ مان الله ,.,.,

الكلاسيكي · #4 14/07/2006, 10:27 AM

نصيحه .. انا اكثر اوقاتي اقضيها بالصالات الرياضيه

مثلاً صالات الحديد .. او صالات التنس والبلياردو .. أو قضاء وقتي بالاستراحه مع الشباب

وزيارة الاقارب في مناطق ثانيه ترى مو شينه ..

دمت بخير

=مـاجــد= · #5 14/07/2006, 11:08 AM

أنا والله ماني راعي طلعات كثيره فدايما يا نت او أفلاام مشترك انا في محل أفلام

وكل ما طفشت رحت أخذت لي شريطين ثلاثه وبسطت :p وعندي جهاز سير امشي عليه يوميا حوالي ساعة

هذا شي اساسي عندي وأحيانا أطلع وتجي الطلعات مفاجئه أما طلعه مع الاهل او الاصدقاء

أو انا أشري جريده وأرح أجلس بكفي يعني على حسب المزاج وأنا طبعي ما أحب الطلعات

وخاصه مع الزملاء يعني أنت عارف غالبا هذي الصدقات ما تنتهي با الفشل ويكون فيها مشاكل

فأنا ما أهتم للأصدقاء كثير ولا أحاول أطلع معهم كثير يعني يتصلون علي لكن انواع التصريف

يعني أصرفهم

SUPER HAMOODY · #6 14/07/2006, 11:14 AM

والله مدري وش اسوي ..

افلها وربي يحلها

ولا طلعات البحر وما ارجع الا وقسايم ماالية السيارة

رضيو · #7 14/07/2006, 11:22 AM

مسلسلي بعد كأس العالم تغير

وهو بختصار

اصلي الصلوات المفروضة==>اشاهد شويه==> اطلع شويه==>اقعد على النت شويه ==> انام شويه==>آكل شويه ==>انام شويه

شوي= قليل