تحياتي ,,,

لم ارى أناس يهاجمون الاخرين مثلهم!! ولم ارى في حياتي أناس يستعطفون الاخرين مثلهم !!

ولم ارى أناس يتظلمون بشكل دائم مثلهم !! ولم ارى أناس يحرفون في القول مثلهم!!

ولم ارى أناس لم يسلم بنو البشر من اذاهم مثلهم !!!!!!!!

@ .. المظاليم ,,,

كل يوم شكوى وكل يوم بكاء وعويل وكل يوم يظهرون لنا انهم ( المظاليم !!!!) ,,,

ليه يالطيبين ؟؟ انتم اول من يهاجم الناس , واللي يهاجم ويبدأ بالهجوم مايصير مظلوم حتى لو شقو راسه!!

انتم اول من يقلب الحقيقه , واللي يقلب الحقائق لايمكن يؤخذ له رأي ولايمكن يكون انسان سوي !!!

انتم اول من يحب الظلم ويدعمه ويؤيده , واللي يحب الظلم لايمكن يكون عادل في يوم من الايام !!

اقول هالكلام بعد ما قريت اقوالهم وشفت افعالهم !!!!!!!!!!!

الصحفي اللي يقول رأيه بتجرد ياويله إذا انتقدهم او مدح الهلال !!!!!

المعلق اللي ( يرفع ) صوته اذا جت هجمه او هدف عليهم او صاح بأعلى صوته إذا سجل الهلال هدف يااااويله!

الحكم اللي يطبق القانون ضدهم أو يطبقه في صالح الهلال يااااويل ويله !!!!!

مقدم البرنامج إذا ماأظهر لهم الولاء ومدح لاعبينهم وصار ضد الهلال ولاعبيه يااااويله !!!!

& انا عندي سؤال هم وش حضرتهم وليه وعلى ايه يسوون هالحاجات ؟؟ ووش ميزهم عن

غيرهم من البشر وليه دائما حالهم كذا مايل ؟؟؟؟؟

& دائما يتباكون ودائما لهم نحيب واللي يسمعهم او يشوف حالهم يقول ياحراااااااام !!

لكن اللي يعرفهم يقول ( رمتني بدائها وانسلت !!!!!!!!!!!!)

إذا اخطأ شخص قومو الدنيا , وخطاياهم ( حريه وديموقراطيه !!!!),,,

كبيرهم يقول عن رسم كاريكاتير انه مخل بالوطنيه وعيب على كاتبه !! وفي نفس الجهه منتداهم يكتب

ويعلن ( بالصوت الرفيع ) انهم من الوطن براء , وين راحت وطنية الكبير ؟؟؟

& يتكلمون عن واحد من المعلقين يوم سب الحكم الياباني في مباراة الهلال والعين ويذكرون انه اهان

الشعب السعودي بتصرفه هذا اللي كان منقول لدول العالم عبر الفضاء !!!

طيب وين كلام الكبير اللي وصف البشر ( بالذباب الازرق ) ووصف البشر( بخفافيش الظلام) , واتهم وسب

ناس وبالجمله وعلى الهواء مباشره !!؟؟ ليه ماطلعت الغيره إلا على هالمعلق بس وإلا الدعوى خيارات !!!!!.

@ .. سامي وليت كل الاسامي سامي ,,,,

ماصار في التاريخ ان استمر الهجوم على لاعب بعينه من يوم طلع وبرز الى اليوم وماصار بالتاريخ ان

لاعب بعينه يصفع خصومه كفوف لو انها ضرب في جبل كان طاح وانهد !!!!

ماصار في التاريخ تجني عيني عينك مثل اللي حصل لسامي , وماصار في التاريخ ان فيه لاعب يفضح

من يسبه وفي نفس اليوم إلا مع سامي , ماصار في التاريخ ان فيه لاعب ( يهين ) جمهور فريق ( ويحبطهم)

إلا سامي , وماصار بالتاريخ ان فيه نجم طلع وبرز في جو رياضي غير صحي إلا سامي ,,,

وش سوييييييت ياسامي ووش فعلت ؟؟؟ هبلت بالجماعه وخبلت بهم

& . كلمه بقولها ,,,,

لولا الله ثم سامي ومستوى سامي في التصفيات الحاليه كان مافاز المنتخب في ولا مباراه

كان كل المباريات ياتعادل او هزيمه , يعني إذا فيه سبب للفوز فهو ( سامي ومجهود سامي )

مهما يقولون ومهما يصير اللي سوّاه سامي ماسوّاه غيره ولولا موهبته كان ماوصلنا وصار عندنا امل

خلو عنكم الكلام اللي ماله زبده وخلو عنكم ( المثاليه ) واعلنوها كاااااش وقولو الحقيقه

سامي هو سبب تميزنا وسامي هو اللي وصلنا للي حنا فيه وليغضب من يغضب ,,,,

ارجعو للمباريات وتسلسها وبتشوفون يعيونكم وبتتأكدون وبتعترفون بالحقيقه ( لو كان سامي خارج الملعب)

كان مافاز المنتخب وكان ماحصّل ولا فرصه , هو اللي صنع وهو اللي ارهق المدافعين وهو اللي سجل

ليش مانعترف بالحقيقه ونعلنها ونقول ان عندنا لاعب من ذهب ولاعب نادر ونعطيه حقه,,

@ .. فيصل والاحتراف ,,,,

اخيرا اعلن فيصل ابوثنين ان نظام الاحتراف لا يمكن ان ينجح في محيطنا وفي مجتمعنا

نعم اعلنها وبثقه اننا ماحنا وجه احتراف , وحنا جيدين في العزايم واكل المفاطيح ,

واننا اهل دعوه وغيره يفتح الله , لا احتراف ولا تقدم رياضي ولاهم يحزنون , هو

يبيها كذا ويبينا نهون من شيء اسمه احتراااف,,,

لكن الغريب انه وبعد دقيقتين صار يتكلم عن دخل اللاعب المحترف وانه ما يكفي ولا

يؤمن مستقبل ,

ياخي ارس على بر حنا وجيه احتراف وإلا لا , يعني لاتقعد تخبصنا ولاندري وين ودك توصل ؟؟؟؟

يعني عطنا كلمه اخيره نواصل احتراف وإلا نعود زي قبل ( اللهم لك الحمد والشكر )!!!!!!!.


تحياتي ,,,
العوّاااام ,,,