هام لكل الزعما ( سجل رايك ) - نادي الهلال السعودي - شبكة الزعيم

أخطر زعيم · #1 09/07/2006, 01:35 PM

السلام عليكم ورحمة الله وبركاته

يا جماعة الخير انا بتخيل وانتم تخيلو معاي وخل نشوف وش الي بنوصله في الاخير

1- تخيل ان الاتحاد السعودي اصدر قرار تخصيص الانديه

2- تخيل ان الاتحاد السعودي الغى نظام المربع الذهبي واضاف ناديين لدرجة الممتازه

3- تخيل ان الانديه راح تلعب في الدوري 26 مباراة ولكن بدون اي تاجيل للمباريات ( موب زي السنه الي راحت الهلال يلعب 17 مباراة ونادي الاتحاد مالعب الا 7 مباريات) مع العلم انه 9 لاعبين من الهلال في المنتخب بينما لايوجد ولا لاعب من نادي الشباب !!!! وحنا نلوم الهلال ليه ما قدر ياخذ المركز الاول او يتأهل لنهائيات اسيا وكلنا ندري وش صار للهلال من ظلم قدام العين وغيره من الانديه !!!! (شي غير منطقي )

4- نقول عشان المنتخب والمنتخب اهم من الهلال اوكي بس موب معناته ان الهلال بحريقه !!!!

طيب خل نتخيل انه اذا صار في دوره وان المنتخب بيشارك فيها انه راح يتوقف الدوري الين ما تنتهي الدوره ويرجعون لاعبين لمنتخب لانديتهم ويستكمل الدوري بدون اي مباريات مؤجله

5- تخيل ان التحاد السعودي خاطب الاتحد العربي و الاسيوي وطلب منهم انهم يرسلون مواعيد مباريات الانديه السعوديه في البطولات الاسيويه والعربيه وعلى ضوئها يسوون جدول الدوري ( اكيد انه بيكون افضل من هالجداول الي قاعدين نشوفها كل سنه )

انا اقسم بالله انه لو تطبق هالاساسيات بس…….. راح يتبعها اشياء كثير وكلها راح تكون في صالح المنتخب والهلال والانديه كلها واكيد انه راح يزبط وضع الاحتراف ومفهومه عندنا و راح يكون مستوى الدوري اقوى واكيد انه اذا صار اقوى ان مستوى المنتخب راح يكون اقوى وراح يكون مستوى باقي الانديه زي الهلال الحين ومستوى الهلال زي الانديه الاوربيه ( ماودي اسمي انديه معينه عشان مايغارون الاتحاديه والنصراويه )

أتمنى من كل زعيم يهمه امر الهلال انه يرد على موضوعي واذا كاني غلطت في اي شي فسامحوني ترى هذا اول موضوع لي وادري ان الاسلوب مهنااااااااااااااااااش

والله يوفق الزعيم

مجنونه بوجود الزعيم · #2 09/07/2006, 02:58 PM

كلام حلو أخوي ومنطقي

وأنا معك أخوي في ان لويرسل

الأتحاد السعودي للأتحاد العربي بشأن مواعيد مباريات الفرق السعوديه

وعلى ضوئها يحدد الأتحاد السعودي جدول الدوري

وشكررررررررررررررررررررا

أبو ميار · #3 09/07/2006, 03:27 PM

ما قلت الا 10% من السلبيات وباقي الكثير الكثير

المحبوب2005 · #4 09/07/2006, 04:52 PM

مشكووووور

الرصيص-مشاري · #5 09/07/2006, 05:43 PM

مشكور وماقصرت

لكن أنا كنت متحمس مثلك أوأكثر لاكن مافيه فايده

قد أسمعت لوناديت حيا لكن لاحيات لمن تنادي

أخطر زعيم · #6 09/07/2006, 07:21 PM

اختي مجنونه بوجود الزعيم شاكر لك على المرور

اخوي مولع بالهلال السلبيات كثيره مره وصدقني لو هالسنه عدلنا 10 % منها السنه الجايه نعدل 15 % ولا تنسى انه احنا من عام 94 وحنا مكانك سر ولا تنسى اني قلت في البدايه (تخيل ) وشاكر لك على المرور

اخوي المحبوب 2005 شاكر لك

اخوي مشاري الرصيص انا أكثر واحد جاني احباط خاصه بعد ما صرنا نتابع الدوري الاسباني والايطالي لكن يقولون مالك الا خشمك لو هو عوج وصدقني لو تحمست انا وانت وكل الاخون الي لهم غيره على السعوديه بنقدر نغير شي وما تدري يمكن بكرا ابو سلطان يقرا كلامي وكلامك ويقدر يوصل الفكره للاتحاد السعودي عموما شاكر لك هالطله الحلوه والله لا يحرمنا منكم يا الزعماء

رضيو · #7 09/07/2006, 07:23 PM

بصراحة كلام منطقي

سام 6 الهلالي · #8 09/07/2006, 07:46 PM

1- تخيل ان الاتحاد السعودي اصدر قرار تخصيص الانديه

2- تخيل ان الاتحاد السعودي الغى نظام المربع الذهبي واضاف ناديين لدرجة الممتازه

هذي اهم شئ في االي انت ذكرته

وكما ذكر الاخوان باقي 90% عن الاسباب اللي مدهوره الكرة السعودية

مجنون الزعامه · #9 10/07/2006, 01:58 AM

يعطيك ربي ااااااااالف عافيه على موضوعك وصدقني كلامك منطقي .........................

وصدقني مشوار الف ميل يبدا بخطوه............................

وان شاءالله موضوعك يكون فاتحة خير للموضيع الجيده المفيده............................

أخطر زعيم · #10 10/07/2006, 08:29 AM

شاكر لكم على المرور يا زعماء

الزعيمه آشلي · #11 10/07/2006, 02:47 PM

معك حق اخوي ..ان المشكله في الاتحاد السعودي نفسه
اذا تعدل الاتحاد السعودي السلبيات ان شاء الله كلها تروح.

( القلب الشجاع ) · #12 10/07/2006, 02:48 PM

لاحياة لمن تنادي

الخطط المدروسة لم ولن تتغير

وشكرا

أخطر زعيم · #13 10/07/2006, 03:05 PM

مجنون الزعامه و الزعيمه اشلي و قاهر الاتحاديين الله لا يحرمنا ومشكورين