مشــكلة القـرن الجــديدهـ ((كووول مي)) - نادي الهلال السعودي - شبكة الزعيم

هلاليه2005 · #1 26/06/2006, 02:23 AM

مرحبااا

طبعا من ذو زمن لم اكتب هووون مواضيع تفتح النفس

<==تسمع بالثقه هع

هذا الموضوع برعاية :

5- شراب موديا الجديد .. مع شراب موديا البس جزماتك بكل امان

94- بطاطس فاين الجديد .. مع بطاطس فاين لا احراج بعد اليوم

70- لبان ( أعلك وألصق ) المنتاز .. فقط ما عليك سوى العلك والمضغ وفي حال مللك تستطيع إلصاقها في شماغ من أمامك ..

بعد هذا الفاصل نعود لنواصل <<<<<<<< وش تواصلين ؟ انتي قلتي شي اساساً !!

خوييني خوياتي .. صقيقيني صقيقاتي .. الكرام والكريمات

كيف الحال ؟ قسم بالله الحمد لله ؟

مثل ما تعرفون سدد الله خطاكم <<<<<<< جملة استاذة قواعد صف 3 ابتدائي

ان هالايام قلة الامطار .. وكثرت الاقاويل ..

اللي يقول أن كثرت البدع والفتن وراء قلة الامطار ..

واللي يقول أن الربا واكل مال اليتيم وراء قلة الامطار ..

وأنا بنفسي سامعه حسن كراني حق الاحوال الجويه يقول :

إقتباس:
اقتباس من مشاركة حسن كراني

الجو غائم إلى غائم جزئي .. ولكن لا أتوقع هطول أمطار ..

ولا شك أن للأسهم دور كبير جداً في توقف الامطار

بصراحه الوضع ما يطمن يا أخوان ..

الأرض صايره تقول .. ساق باكستاني له شهرين ما اغتسل !!

النباتات ماتت <<<<<<<< ياشيخه اروح مرقوق بالمربي عند النباتات

طبعاً مثل ما تعرفون .. أنا مثل هالأمور ما تطوفني ..;)

يعني أستخدمت محاليلي الكيميائيه .. واخذت عدة الاستكشاف ..

ورحت اتجول في شتى بقاع المعموره .. أجوب الشعوب بحثاً عن السبب !! <<<<< وش عندها ذي ؟

المهم يا أخوان أنا عندي إحساس كبير جداً <<<<< بامبرز مو احساس !!

أن السبب ورا قلة هطول الامطار هي :

يا أخوان Call ME سببت لنا ثقب في طبقة الأوزون ..

بالإضافه أنها السبب وراء غرق العباره المصريه السلام وعليكم السلام هلا والله

والحين عرفت وتوصلت إلى انه هالكول مي (الدب) هو السبب ورا مشكلتنا العويصه ..

قبل كم اسبوع سويت فرمته للجهاز .. كله بسبب رسائل الكول مي هذه ..

وابشركم بعد ما سويت الفورمات .. أول رساله جاتني كول مي

بصراحه صارت هالخدمه حجر عثور أمام تقدم الشعوب <<<<<<<< وشو ؟

أنا عن نفسي واصاله عن اخواني ( حسن كراني ،، كويكر الشيباني )

قلت لازم اني ما اسكت عن هالمشكله .. لازم اشوف طريقه نتخلص من الرساله هذه ..

اتصلت على البلديه 996

وقلت يا أخوان ارجوكم من هذا المنبر انكم توقفون أو تلغون رسائل Call ME
قالوا : ياهلاليه والله انتي تامرين وتمونين .. بس الامر مو بيدنا ..
قلت : ايه وبعدين ؟ بيد من ان شاء الله ؟

قالوا : الحل عند المباحث للعلاقات العامه ؟

قلت : معقوله ؟ هههه الله يرجكم

واتصل على المباحث للعلاقات العامه 999 اكيد تعرفون رقمهم

رد علي الموظف : الو
قلت : مرحبا انا هلاليه2005 انت القهوجي ؟
قال : ايه سمي .. امري

قلت : ياخوي انا عندي مشكله وابي اعلن عنها .. مشكلة رسائل الكول مي هذه لازم تشوفون لها طريقه

ألغوها احسن شي ..
قال : والله ياهلاليه خدمتك شرف لنا .. بس الامر مو بيدنا

قلت : مو بيدكم ؟ اجل بيد من ؟

: حل مشكلتك عند امن الطرق للرئاسه العامه وهذا رقمهم 993

وانا اللي اشمر عن ساعدي .. ويوم هممت بالاتصال الا صوت رساله ..

يوم فتحتها .. الا Caaaaaaaaaaaaaall ME
:sad:

وانا اللي يوقف شعري وتسود وجنتاي الورديه .. وأصبح السعير يتقاطر من فمي تقولون تنين ..

وكنت ناويه ارمي بالجوال ..

لولا ان امي تدخلت ورمت مسفعها علي وقالت داخله على الله ثم عليك هالمره امسحيها بوجهي ..

وانا اللي ألعن أبليس وارد الجوال مكانه ..
وها أنا أطرح مشكلتي بين يديكم .. وكلي أمل وحصه أن أجد الحل عندكم

أختكم المقهورهـ <<<<<<<<<< بفتح الصاد

Ćяisтiaŋo Roŋaℓdo · #2 26/06/2006, 02:34 AM

هههههههههه

الله يرجك .. يالله خمس مرات اقرأ الموضوع يالله فهمته

بس انا اعتبر هالخدمة حلووة خصوصا لي .. لاني بصراحة رصيدي يطير بأسبوع

الحمد لله .. انا من هذا المنبر اشكر الاتصالات على هذه الخدمة

..
أبو سارونه

الكلاسيكي · #3 26/06/2006, 07:59 AM

وانا من هذاك المنبر .. اقول الله يرجك يالدبه ..

كل هذا ورئاسه ومني عارف على شان كول مي ..

بعدين الظاهر انها ثلاث مرات في اليوم للشخص .. وحنا الحمد لله ماعندنا ازعاجات

بس شكل خوياتك 24 ساعه جوالاتهم مقطوعه .. وانتي الضحيه ..

شكرا ياالاتصالات على هيك خدمات ..

ومع هذا عندي راح اقول لك حركه ما تخلي كول مي تجي لك .. وهي

انك تروحين للوضاع وتضغطين على اغلاق وترتاحين ويرتاحون الناس منك ..

<< وش رايك بالخطه ..

دمتي بخير

هلاليه2005 · #4 26/06/2006, 04:56 PM

[COLOR="Magenta"]
الشمري,,

إقتباس


	الله يرجك .. يالله خمس مرات اقرأ الموضوع يالله فهمته

اهم شي انك فهمته في النهايه هع

إقتباس


	بس انا اعتبر هالخدمة حلووة خصوصا لي .. لاني بصراحة رصيدي يطير بأسبوع

حلوو غيرك يطير بيووووم

إقتباس


	الحمد لله .. انا من هذا المنبر اشكر الاتصالات على هذه الخدمة[/COLOR

]

كل واحد ووجهة نظره

ثاااااااانكس خيوو ع المرور الحلوووو

=====
الكلاسيكي

إقتباس


	]وانا من هذاك المنبر .. اقول الله يرجك يالدبه .. كل هذا ورئاسه ومني عارف على شان كول مي

ويرجك معي رج البيبسي والميرندا

هههههههههههه افا علييك الكول مي مو سهله هع

إقتباس


	بعدين الظاهر انها ثلاث مرات في اليوم للشخص .. وحنا الحمد لله ماعندنا ازعاجات بس شكل خوياتك 24 ساعه جوالاتهم مقطوعه .. وانتي الضحيه ..

لا مو الظاهر اكييييييييد

اي والله مزعجيني كنهم ماقد شافووا خدمه مزعجه

شفت شلوون ياعمري انا اناقز اذا شفت مسج وبعدين يصير كول مي حرام والله

إقتباس


	شكرا ياالاتصالات على هيك خدمات ..

العفوووو هلا وسهلا

<== فاهمه غلط هع

إقتباس


	ومع هذا عندي راح اقول لك حركه ما تخلي كول مي تجي لك .. وهي انك تروحين للوضاع وتضغطين على اغلاق وترتاحين ويرتاحون الناس منك .. << وش رايك بالخطه ..

ارتاح انا من الناس ممكن لكن هم يرتاحوون مني ما اعتقد

الا مايقدرون يستغنون عني <== ماخذه مقلب بعمرها

إقتباس


	<< وش رايك بالخطه ..

خطييييييييييييييييييييييييييييرهـ بس لاتعيدها مره ثانيه

مشكووور يالغلا ع الرد والمرور العسسل

الجاحظ · #5 26/06/2006, 08:14 PM

أسلوب طريف في عرض الموضوع
شكرا لك،،

أما بالنسبة لخدمة "كووول مي"،
فلم تصلني الا مرة واحدة .. فأصحابي والحمدلله ليسوا "مطفرين!!"

على أي حال، أعتقد أنها خدمة مفيدة وتنفع وقت الضيق ..
اما من يتجاوز الحد في استخدامها، فأعتقد أنه لابد من المواجهة !!

وبشل عام، لكل خدمة جانب ايجابي وآخر سلبي ..
وكما أن العنب فاكهة لذيذة، لكن تخميره ينتج المسكر..
(تشبيه متطرف، متأسف، لكن هو الوحيد ببالي الآن!)

دمتم بخير..

الهنوووف · #6 26/06/2006, 09:57 PM

اسكتي توني ادري وش قصتها هالرساله

ماقد جتني الا مرررررررررررررررره
واقول لاختي وش ذي

فهمت عاد وش هي

بس احس الخدمه حلووووووووووووه مررررررررررررره بس ماقد جربتها اسدد اول باول

ياختي فيه ناس طفرانين تساعدهم

وياهلا فيك

دمت للزعيم

هلاليه2005 · #7 27/06/2006, 04:20 AM

الجاحظ

يسلمووو على ابداء رايك ومروورك الرائع

مشكووووووور وماقصرررت

هلاليه2005 · #8 27/06/2006, 04:23 AM

إقتباس


	اسكتي توني ادري وش قصتها هالرساله ماقد جتني الا مرررررررررررررررره واقول لاختي وش ذي

افاااااااا الله يفشل العدوووو زين انك عرفتيها

إقتباس


	بس احس الخدمه حلووووووووووووه مررررررررررررره بس ماقد جربتها اسدد اول باول ياختي فيه ناس طفرانين تساعدهم

حلووه اذا كانت مره او مرتين

لكن مو دااااااااااااايم عاد

تسلمين ياقلبي على مروورك وردك العسسل

منوووووره خيتوو

رعبوبة الزعيم · #9 27/06/2006, 04:40 AM

الـ ((COL ME ))ومــا أدراك مالـ((COL ME))
الصديق وقت الــــضيق

الله يرجـــك يالهلاليه ع الموضووع الشيق <<الله ع المصطلحااات

انا وصديقاتي الـ((COL ME)) عندنا لعبه نتسلى فيها

يعني هي تسويلي ((COL ME))وانا اسويلها ((COL ME));)
بس احيـــان تقهر

يعني تجيك رساله وتكونين مبسوطه وبالأخير
تفتحيــنها الا هي هالـ((COL ME))

والله جد مشكله ولازم نلقا لها حل بأسرع وقت ممكن

وتسلم يمنـــاكـ ع الموضوع

عريب عبدالله · #10 27/06/2006, 05:27 AM

تدرين عمري ما اتصلت على أحد يرسل لي كول مي
لأني بساطه حتى رقم بيتنا ماحفظته
معتمده على ذاكرة الأجهزه وطريقة القدماء ورقه وقلم
ولايمكن اتصل بشخص ما اعرفه
وإذا يبوني ظروري على ماتقول اختي بيلقون طريقه يتصلون مثل كل البشر
لذا تطنيش مثل هاللي مايسددون الفواتير افضل

بالحب والإشراق

الـنـادر · #11 27/06/2006, 06:31 AM

call me

والله انها مشكله

المشكله ما تجيني الا من شخص واحد و يا كثر ما يرسلها لي

و المشكله بعد اني ما ادق عليه

و الا انا قد جتني فتره الـIn Box حقي كله رسايل call me

بس الحين اشوى ما عاد فيه رسايل و لا هم يحزنوووا

ما فيه الا دق الرقم و كلم الين تقول بس

تغريد · #12 28/06/2006, 02:42 AM

تصدقين نفس الحاله!!

دايم اسب في الي اخترع هالخدمه

خخخخخخخخخخخخخخ

المشكله نص الانبوكس عندي كول مي وانا ولااعرف اسويها

يعطيكي العافيه

هلاليه2005 · #13 28/06/2006, 06:55 PM

رعــــبوبــــــه

إقتباس


	الـ ((COL ME ))ومــا أدراك مالـ((COL ME)) الصديق وقت الــــضيق الله يرجـــك يالهلاليه ع الموضووع الشيق <<الله ع المصطلحااات انا وصديقاتي الـ((COL ME)) عندنا لعبه نتسلى فيها يعني هي تسويلي ((COL ME))وانا اسويلها ((COL ME))

اجـــل مثــل اختــي هي ووحــده مـن صديقاتــها

ترسل لها كول مي معناتها((هاااااااي)) ترد البنت كول مي يعني (( اهليييين))

وعلى هـ الحااااااااال

إقتباس


	بس احيـــان تقهر يعني تجيك رساله وتكونين مبسوطه وبالأخير تفتحيــنها الا هي هالـ((COL ME)) والله جد مشكله ولازم نلقا لها حل بأسرع وقت ممكن

اي والله شفتي شلون ؟!!

هههههههههه يلا احط يدي على يدك ونتفق هع

تسلمييييين ياقلبي ع المرور والرد الحلوووووو

رائـــــــدهـ

إقتباس


	تدرين عمري ما اتصلت على أحد يرسل لي كول مي لأني بساطه حتى رقم بيتنا ماحفظته معتمده على ذاكرة الأجهزه وطريقة القدماء ورقه وقلم ولايمكن اتصل بشخص ما اعرفه وإذا يبوني ظروري على ماتقول اختي بيلقون طريقه يتصلون مثل كل البشر لذا تطنيش مثل هاللي مايسددون الفواتير افضل

تعجــــــــبينــي والله

مشكووره حبيبتي ع المرور منووووووووره

النــــــــــــادر

إقتباس


	والله انها مشكله المشكله ما تجيني الا من شخص واحد و يا كثر ما يرسلها لي و المشكله بعد اني ما ادق عليه