هذي محاورة بين تركي ومستور اتمنى ان تعجبكم ابي رايكم فيها

ياجماعة وين الردود الي يحمل يكتب كلمة شكر

اعتقد إن عنصريتك الزائدة وتعاطفك مع إبن عمك المطيري هي سبب هجر الكثير لموااضيعك ... يا خي تراء اكثر الأعضاء عيال قبايل مثلك وما يرضون باللي تسويه موضوعك يقول محاوره بين مستور وتركي والمرفقات مختارات فقط لتركي دون الشاعر المنافس اين العدل والحيادية في مواضيعك ؟؟؟؟؟؟؟؟؟؟؟؟؟؟؟ اخي العزيز هذه عنصرية بغيضه اتمنى ان تبتعد عنها ...

السلام عليكم ورحمة الله وبركاتة
وبـعـد ,,
ياجماعة هذي محاورة شعرية قوية جداا والي عنده ضغط او قلب لا يقرى ويتوكل على الله لانها الي راح يفهمها عدل يعرف هي قوية شلون والشعار هم تركي 2000 , مستور العصيمي , حمدان العصيمي , فيصل العية
وهي مكتوبة كتابة والي يبي يرد جزاه الله خير والي ما يرد الله يسامحة لاني تعبان على الموضوع وعلى فكر المحاورة هذي عبارة عن 2 ضد 2 وهم تركي2000 وفيصل ضد مستور وحمدان وهذى هي المحاورة ولا أحد يزعل ترى هذا كلام الشعار مو كلامي

البداية

مستور العصيمي
يا تركي اسمع كلامي روح في حالك
لا تشتري الغلب بجنيهك وبريالك
يا صغير السن في عقلك يورالك
سبحان رب السما والأرض سبحانة

يالا لاله يلال يامدبر يا معين .......... يالا لاله يلال علم الي ما درى

حمدان العصيمي
اليل يا فيصل العية سرا ليلك
المعركة حامية وقف على حيلك
يا ويل تركي كذلك وانت يا ويلك
سبحان رب السما والأرض سبحانة

يالا لاله يلال اسمعوا يا حاضرين ........... يالا لاله يلال ابتدا رد البغا

تركي2000
عقلي دليلي وانا ماني بمتحير
لكن مستور تالي الوقت متغير
صحيح شايب ولكن عقلة صغير
سبحان رب السما والأرض سبحانة

يالا لاله يلال وين يا مستور وين ............ يالا لاله يلال قدم لا ترجع ورا

فيصل العية
المعركة توها بأول مراحلها
والي ما يعرف مراحلها لا يدخلها
نبغي الرؤوس النووية نشغلها
سبحان رب السما والأرض سبحانة

يالا لاله يلال اربعة ولا اربعين ............... يالا لاله يلال ما يذريكم ذرا

مستور العصيمي
ماني بظالمك روح ودور الظالم
لا تتهمني وانا من تهمتك سالم
وانشد من الناس غيري والله العالم
سبحان رب السما والأرض سبحانة

يالا لاله يلال اقضب الدرب اليمين ...........يالا لاله يلال والوعد بأم القرى

حمدان العصيمي
الكل ياصاحبي واقف على ساقة
الراس يخضع ويعرف موس حلاٌٌٌٌٌٌٌُقة>>>> شدة
والباب مقفول لا تنقز مع الطاقة
سبحان رب السما والأرض سبحانة

يالا لاله يلال ندحم بجنب(ن) متين ......... يالا لاله يلالفي مشايخ وأمراء

تركي2000
انته علومك على الوجهين ممشاها
لكن طالع حدودك لا تحداها
ويصير لك ساعت(ن) ما عاد تنساها
سبحان رب السما والأرض سبحانة

يالا لاله يلال تدري انه جاهزين ............... يالا لاله يلال وانت بعيونك ترى

فيصل العية
عان القمر فوي يا ساري على القمره
لكن لا تخلط البيضة على السمرة
كيف القيامة وكيف آياتها الكبرى
سبحان رب السما والأرض سبحانة

يالا لاله يلال وين يا حمدان وين .......... يالا لاله يلال يالغصين الأخضرة

مستور العصيمي
يا مطير يا أهل الشجاعة والشهامية
أكلتوا البيضتين اكلتكم الحية>>>>>>> لاتعليق
لا خير فيكم ولا في فيصل العية
سبحان رب السما والأرض سبحانة

يالا لاله يلال أعرفك يا أبا الحصين ......... يالا لاله يلال يالحصين الأزهره

حمدان العصيمي
نور القمر يا الرياحي نور الديره
لكن يا جارنا يا طيب الجيره
وقته وانا اعرف خياله من معاصيره
سبحان رب السما والأرض سبحانة

يالا لاله يلال من قديمات السنين ....... يالا لاله يلال خبرك عقرب ثرا

تركي2000
من يوم هذا العصيمي طول لسانه
يا اصحابنا يا عتيبة مالكم خانه
بالله كم واحد(ن) رحتوا بحذيانه>>>>>> لا تعليق
سبحان رب السما والأرض سبحانة

يالا لاله يلال لو يطول(ن) السنين ............ يالا لاله يلال هرجكم تحت الثرى

فيصل العية
مادام حمدان ماشي معيف الذمة
أقول ما عاد يعصيني وانا عمة
شاعر وطيب بعد وخفيف(ن) دمة
سبحان رب السما والأرض سبحانة

يالا لاله يلال بايعونا يا ثنين ........... يالا لاله يلال فارضين السيطره

مستور العصيمي
حذيانكم يا مطير وقرطوا فيها
لحد(ن) على الدرب لعتيبة يخليها
معروف حاضر ليا ليها وما ضيها
سبحان رب السما والأرض سبحانة

يالا لاله يلال بين حين وبين حين ................ يالا لاله يلال وانتحى اليل و سرا

حمدان العصيمي
ترى الفلك يا وسيع ال معرفة جاري
يالي تعمعم ترا عم(ن) على غيري
أما على حضرمي ولا على مطيري
سبحان رب السما والأرض سبحانة

يالا لاله يلال انت يا فيصل فطين ........... يالا لاله يلال غني وعيونك ترى

تركي2000
ترا السوالف يوثقها موثقها
ومطير ما فوقها إلا وجه خالقها
وانته وش الي تريده يوم تسرقها
سبحان رب السما والأرض سبحانة

يالا لاله يلال لوتجرون الوين ............... يالا لاله يلال فالسواليف أخبره

فيصل العية
يا عاقل المرة أركد لا تخربها
تلحقك شرهه على اللحيه وشاربها
وانت يا حمدان نق و عطني أطيبها
سبحان رب السما والأرض سبحانة

يالا لاله يلال واقفوا يا مسرعين .................... يالا لاله يلال ولع النور أحمره

,,,

وانتهت المحاورة ولحد يعصب ترا هذا مو كلامي كلام الشعار و أبي ردود لاني والله تعبان عليه انا الي كاتبه
والي يبي مقتطفات من المحاوره صوتيه يقولي
والسلام عليكم ورحمت الله وبركاتة

الله يعطيك العافية اخوي....دائماً متميز ومبدع محاورة قوية بكل معنى الكلمة.... ياليت ترسلها صوتية لي على الخاص..والف شكر.