|
اعضاء منتدى شبكة الزعيم الكرماء ( حياكم الله اقلطوا ) السلام عليكم ورحمة الله وبركاته اعضاء منتدى شبكة الزعيم الاحباء الاوفياء بعد السلام عليكم واخذ العلوم والاخبار احببت اشارك معكم ببعض الكلمات او النقاط سموها كما تحبون ,, اولا : بالامس جاني خبر صراحة احزنني كثيرا وهو وفاة احد شباب الحارة في حادث مروري وصار هالحادث قبل اسبوعين وحنا يا غافلين لكم الله مادرينا الا امس , احد اصداقاءه يوصف لي الحادث ويقول : اخوي ناصر الله يرحمه كان في سيارة خالي هو واخوه تركي الصغير عمره تقريبا 14 سنه راجعين من الاحساء وكانوا في السيارة قرابة 10 اشخاص من اولاد خال وعم وجميعهم صغار السن قدر الله ويصير عليهم حادث شنيع ذهبت فيه ارواح الاطفال المساكين بمافيهم خالهم الاكبر ولم يبق سوى تركي على قيد الحياة .. كان هو الوحيد الناجي من الحادث علما انه رابة 12 نفس توفيت في ذلك الحادث الله يرحمهم ويلهم اهلهم الصبر والسلوان والله يرحمك يا ناصر لقد كنت عزيز على قلبي ثانيا : نطلع من اجواء الحزن ونبي نرفهه عن قلوبنا شوي وودي اسألكم بحكم سكني بالرياض والاهل مسافرين وتعرفون اني عزوبي ماودكم تدلوني على اماكن خاصه بالشباب ولا مانع من وجود العوايل :D بس اهم شئ نبي فله وسعه صدر لان جلسة البيت بتقتلني ثالثا : احب اشكر بعض الاعضاء المشاركين معنا بس ودي اعطيه نصيحه لكي نرتقي بهذا لمنتدى وهي انهم يحاولون يبحثون عن مواضيع تكون جديدة بالاحرى لاني صراحة بعض الاحيان اشوف مواضيع والله قديمة جدا جدا جدا انا ماودي احطمهم بس ودي اشوف مواضيع تكون جديدة او نافعه ومفيدة وشيقه ,, ارجوكم نبي شئ جديد لكم اجمل وارق تحية <<< بإنتظار النقد والاطراء [/COLOR] ملحوظة صغيرة : اعذرونا اذا فيه اخطاء املائية او نحوية واستروا ما واجهتم |
هلااااااااااااا بك مرسول الهلال وعظم الله اجرك اخوي والله يرحمه ويغفر له انشالله :sad: بعدين الله يعينك على الرياض وحره ومالك الا الثمامه وخذ معك مكيف صحراوي بعد :d تحياتي مرسووووووووووولs60s |
@ عظم الله أجرك اخوي مرسول الهلال في ولد حارتكم وأســأل الله أن لا يريكم مكروه . @ بالنسبة لملاحظتك وكلمة الحق تم تحريرها لمخالفتها الواقع وياليت يالغالي تعمل بنصيحتك وتطلع على الصفحة لكي تراء كم كنت مخطئ ..!! |
الله يرحمه ويغفر له الاماكن اللي فيها سعه صدر طريق التحليه والثمامه وشارع التخصصي والفيصليه والمملكه وان كانك تبغى كوفي عندك الضوء الخافت caffe day ولاتنسى طريق الملك عبدالله اللي كل شي فيه وان كانك تبغى الاماكن الشعبيه عندك البطحاء والمعيقليه واوشيقر وحلة القصمان ههههههههه وسوق الزل والله فيه اشياء واجده |
هلا والله ابي قهوووووووووووووة بس مع حلى:d الله يرحمه ويغفر له اماكن بالرياض اذا لقيت شي للعوايل تعال كلمني :d شوف الرياض مو مكان سياحي مافيه الا الاسواااااااااق تقريبا او ماتسمى بالمنتزهات بالثمامه اممممممممممممممممم اصبر بسالك واذا لقيت برجع واذا مالقيت اعذرني عاد وش اسوي:d يعطيك العافيه |
السلام عليكم مشكورين اخواني واخواتي على تعطيركم للموضوع بالنسبة لك اخوي حبي تيماوي انا قلت رائي والمفروض تحترم الرأي وحتى لو ماعجبك اما انك تروح وتحررها تر والله مايصير المفروض تخليها وتشوف مين من الاعضاء يؤيدني ومين يخالف اخوي حبي تيماوي مو انت اللي تتكلم بلسان الاعضاء وانا اتوقع ان مالك حق تحررها وخلينا نرجع لانظمة وقوانين المنتدى العام ونشوف وش كاتبين فيه !! |
حبي تيماوي .. يالغالي.. ترى الاخ ابدا رايه وان كان غلطان نبين له .. |
غفر الله لصديقك والهم اهله وذويه الصبر السلوان ... واما الاجازة فمثل ما قالوا (( صيفنا مع اهلنا احلى )) :) !؟ شكر لك اخي مرسول الهلال ,,,, |
الله يرحم من مات ويغفر له ..ويصبر اهلهم واقاربهم وجيرانهم ... والله عبر ..فالدنيا بس من يتعظ ؟؟1 عالعموم ... اذا بغيت اماكن شبابيه في الرباض ... كثييييييييييييييييييييييير.. عندك البقاله اللي فالحاره .. وفيه دكة الرصيف .. وموجود سوبرماركتات كثيييير.. امسك لك عربه .. وروح اشتر وتقضى .. وقبل لاتحاسب ..سيب العربه واطلع .. اما اذا حاسبت وبقي لك نص عنده ..قل له .. هات به علك .. <<<<عمره ماطب الرياض.. لكن قريب ان شاء الله .. المهم /:انصحك تتزوج .. وتدور لك وحده ماتخليك لحالك ... بس اعزمنا .. بعدها ..قولي اكثر اماكن العوايل والا الشباب .. والمنتدى بدت الروح تعود اليه.. والمكرر والقديم شر لابد منه ... تحياتي,,, |
السلام عليكم و رحمة الله و بركاتـــــــــــــه .. صراحة كنت المفروض اطلع بدون ما ارد لاني ما عمري طبيت الرياض لا اقدر افيدك ! لكن حبيت اعزيك في اصحابك :( رحمة الله عليهم :( و الله يسكنهم فسيح جناته :( و هذا قضا و قدر :( |
اولاً .. الله يغفر لهم ويرحمهم ويدخلهم فسيح جناته .. بس قويه ولد الجيران وماتدري عنه <<اللييسمعه يقول يعرف الجيران كلهم في الحقيقه كل الجيران مقصرين مع بعض معادهم مثل اول .. الشكوى لله ثانياً .. من ناحية تبغى اماكن فأنا اقول لك كل شي عوئل .. الا الصالات الرياضيه والكوفي شوب فقط .. وانا اقول لك صيفنا في بيتنا احلى واحلى وتشوف مواضيع ان شاء الله احلى واحلى |
عظم الله أجرك اخوي مرسول الهلال في ولد حارتكم وأســأل الله أن لا يريكم مكروه والله ماني من الرياض عشان كذا اسفه |
أحسن الله عزاك وعظم أجرك في عيال جيرانكم ..:( والله قصة الحادث مفجعة .والدنيا الحين تخوف ..:( ما نقول إلا الله يغفر لهم ويرحمهم ويسكنهم فسيح جناته ..:( - - - - - - - - - - - - - - - - - - - - - - - - - - - - - - - - - - بالنسبة لأماكن العوائل ..والله يالحبيب خابر لك مكان ..لكن يبغى له أدوات ..!! أول شيء تروح لأقرب مكتبه وتشتري لك كراسة رسم + علبة ألوان ( خشبي أو مائي ) كله واحد ..:) تروح فوق أحد الجسور حقات المشاة في طريق الملك فهد ..ويفضل إنه يكون بعز القايلة ..:D تقد هناك وترسم ..وأكيد بتجيك دوخة وضربة شمس !! بعدها بيشيلونك ( هذا إن كان فيه أحد يمر من فوق الجسر ) ويودوك المستشفى وهناك بتغير جو ..:D:D وش رايك عاد ..:D والله يالغالي الشباب ما أحد معطيهم وجه ..:D يعني لا يمكن إنه يوسع صدره في هالديره إلا بأماكن محدودة ..ولا بفلوس بعد ..!! مثل الكافي شوب أو الصالات الرياضية ..!!! وما نقول إلا الله يعيننا ..:D تحياتي لك ،،، |
السلام عليكم قرأت جميع الردود اعلاه واستنتجت ما يلي : 1- يا زين ايام الدراسة زيناه 2- يا زين الاجازات اذا كنت متزوج وغيرها مافيه اي شئ زين سلامتكم |
يا هووووووووووو شرفنا جدة بيتك ومطرحك يامرحبا بالصروب مس روما |
| الوقت المعتمد في المنتدى بتوقيت جرينتش +3.
الوقت الان » 05:23 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd