دراسة في المملكة او خارج المملكة - نادي الهلال السعودي - شبكة الزعيم

بوجاسم الهلالي · #1 01/07/2006, 06:17 PM

بسم الله الرحمن الرحيم
اخواني الزعماء
ياليت تقدمون لي شوركم في مرحلة ما بعد الثانوي
اولا انا قررت دخول الكلية البحرية ولاكن حسبت حساباتي وطلعت
=====================
البحرية
3 سنوات الكلية
الشهادة بكالوريوس علوم عسكرية
والرتبة ملازم ( نجمة )
والترقية بعد 4 سنوات
والمميزات
راتب حلو + بدلات حلوة + الترقيات لازم تعدى الفترة المستحقة بـزيادة سنة او سنتين
======================
الجامعة
5سنوات دراسة جامعية >>> طبعا خارج المملكة وعلى حسابي
الشهادة بكالوريوس (طب وجراحه عامه + هندسة شبكات الحاسب )
البحرية 1 سنة أو اقل من سنة
والرتبة ملازم أول ( نجمتين )
والمميزات
راتب حلاوة + بدلات حلوة + الاولوية في الترقية
والترقية بعد 3سنوات
==========================

وانا الحين محتاس
وتكفون تشوفون لي حل
لاني خائف بالمرة

هلالية حرة · #2 02/07/2006, 01:25 AM

انا اقول ادخل البحريه احسن من الدراسه بالخارج

عاشق الفيلسوف 15 · #3 02/07/2006, 04:52 AM

بو جاسم الهلالي ،

في البدايه من يشوف هالاسم يقول إنك شايب ابيلس ومتزوج وعندك بنت وولد

هههههههههههه

أمزح معك ، بس الغريبه أخوي أن معلوماتك غلط في غلط

وانك لم تبحث عن المعلومه الصحيحه وسوف اساعدك على تصحيح معلوماتك واي استفسار انا جهاز .

إقتباس


	والرتبة ملازم ( نجمة ) والترقية بعد 4 سنوات

حبيب قلبي القطاع العسكري باكمله سنتين ويعلق النجمه الثانيه وليس كما ذكرت أربع سنوات ، زملائنا الي دخلوها الان معلقين ملازم أول (( يعني نجمتين ))

يعني بعد الكليه فقط سنتين وتعلق النجمه الثانيه .

إقتباس


	الجامعة 5سنوات دراسة جامعية >>> طبعا خارج المملكة وعلى حسابي الشهادة بكالوريوس (طب وجراحه عامه + هندسة شبكات الحاسب ) البحرية 1 سنة أو اقل من سنة والرتبة ملازم أول ( نجمتين ) والمميزات راتب حلاوة + بدلات حلوة + الاولوية في الترقية والترقية بعد 3سنوات

هنا مصايب متلته على قوله أخواننا المصريين

الدراسه خارج المملكه 5 سنوات للاقسام الادبيه
وذلك لان السنه الاولى راح تكون لغة . واربع سنوات دراسه

اما اذا كانت طب أقل شي 7 سنوات .

وصفقني اذا جبت طب من برى السعوديه

اما اذا كنت تفكر انك تاخذ طب وترجع للعسكريه فأقول اسمحيلي ما عندك عقل احد ياخذ طب ويرجع عسكري والاومر العكسريه ورفعت الظغط والسكر .

انت بتكون يا حبيبي دكتوووووووووووووور .

وبعدين يا حبيبي مافي شي بالعسكريه اسمه (( الاولويه )) بالترقيات في شي أسمه مده تقضيها تترقى ولو أنك (( غبي )) ما تفهم شي . اخوي اتكلم على الناس عامه مهو لك .

واذا عندك استفسار راسلني خاص وانا تحت امرك بالي اقدر عليه .

البارق · #4 02/07/2006, 05:42 AM

الله يعينك أخوي وتختار اللي فيه خير لك ..

أخوي أنا مع كلام أخوي عاشق الفيلسوف ..

إذا تخرجت من الحربية كلها سنتين وأنت مستحق الترقية لملازم أول .. بعد كذا أربع سنوات حتى تعلق نقيب بعدين ست سنوات عشان تعلق رائد .. بعدها كل سنتين ترقية ..

ممكن تتأخر على حسب الأرقام المتواجدة لكن ما يميز الضباط إنه ما يفوت عليهم شيء ..

يعني ممكن تتأخر الترقية سنة أو حتى سنيتن .. لكن عند ترقيته يتم حساب المدة للترقية القادمة من تاريخ (((( استحقاق )))) الترقية ..يعني يمكن ما تقعد بالرتبة الجديدة ولا سنة ..

وكذلك الراتب عند الترقية المتأخرة يجيك الفارق في الراتب بأثر رجعي ..;)

يعني ما يضيع عليهم شيء ..

عموماً إن كنت تنوي الدراسة العسكرية أو إنك تدخل جامعة بعدين تجي للعسكرية هذي يبي لها حسابات دقيقة جداً..!!!وأنت اللي بيحددها ..!!

يعني إن دخولك الكلية على طول لها مميزات إنها عبارة عن ثلاث سنوات أو أربع وأنت معلق النجمة ومنتهي من الدراسة وغثاها..!!

وأيضاً خذ ببالك إن مستواك الثقافي بيكون أعلى في الدراسة الجامعية مع احترامي لجميع الكليات العسكرية إلا إنهم ما يدرسون ذيك المعلومات العامة كلها مختصة بالعسكرية البحتة ..!!غير إنك بتجي للعسكرية أو الدورة وأنت معين ضابط يعني بتكون السنة عبارة عن دورة وأنت على وظيفتك ..وبتجيهم عقب ما تكبر شوي ويركد مخك

..

يعني كل شيء له مميزات وعيوب ..

وكل ذا راجع لك أنت وميولك وحساباتك ..لكن عشان تحدد مثل هالأشياء المصيرية لازم تتوضأ وتصلي لك صلاة استخارة والله بيحدد لك الصالح والأفضل .. وإن شفت إنها ما بينت لك وش الأصلح عد الصلاة مرة ومرتين وعشر وإن شاء الله إنه بيوفقك ..

وأرجع وأقول الله يكتب اللي فيه الصالح الخيره لك ..

تحياتي لك ،،،

مجنونة القحطاني · #5 07/07/2006, 11:44 PM

اقول خليك ببلدك وبين اهلك احسن من البهدلة برا