السلام عليكم ورحمة الله وبركاته
هذا حصل ليلة زواجي انا ارسلت لهلالي الجوف رسالة ادعوه لحضور زواجي وكان ماصارلي اني شفت ابو عبدالرحمن وجها لوجه يعني اللي بيني وبينه كان مكالمات ومع الزحمة وكثرة الحضور اتفاجي برجل جاء وسلم علي وطول وهو يبارك لي الا ويقول اكيد ماعرفتني وانا قاعد احاول اتذكر الا وقلت له لاوالله ماعرفتك الا ويقول انا هلالي الجوف صراحة احسن مفاجاة كانت لي ومن المفاجاة بغيت احضنه واشيله على راسي وقعدت اسئله وشلون عرفتني لان انا واخوي كان زواجنا بنفس الليلة قال سالت الناس وين سليمان ودلوني عليك وفعلا ابو عبدالرحمن ماقصر وحضر ولكن بعد مامشي ارسل لي رسالة وباركلي وقال في الرسالة هذي تذكير لك باني حضرت زواجك انا قريت الرسالة وتبسمت وقلت في نفسي مستحيل انسى شخص حضر مناسبة لي وخصوصا زواجي ولكن كان مع ابو عبدالرحمن حق
ثاني ليلة طبعا عندنا عشاء وشفت ناس وصراحة صرت متفشل منهم لانهم من الجماعة وقلت معقوله مشيت و لا سلمت عليهم لاني مشيت بدري من العرس وفعلا الواحد ليلة عرسه من كثر الحضور والارتباك ينسى ولولا الله ثم التصوير والفيديو كان الواحد كل شوي ماسك خويه ليش ماحضرت عرسي

على طاري هلالي الجوف الله يذكره بالخير
اقسم بالله انه خسارة ان تفقدة الشبكة لانه يعتبر انسان قمه في الاخلاق وحب الخير
والطيبه واتنمى انه يرجع لشبكة

وتقبلوا تحياتي اخوكم
سليمان