ابي مساعدتكم للمستقبل !؟
 

السلام عليكم شباب

بختصار انا واحد متخرج من الثانوية العامة بنسبة ممتازة :d

وناوي ان شاء الله ادخل كلية العلوم الإدارية لأن تخصصي في الثانوية علوم إدارية

وبالضبط قسم المحاسبة أو قسم إدارة الأعمال في جامعة الملك سعود

وابي استشيركم المحاسبة ولا إدارة الأعمال

ابي آرائكم لا تبخلون علينا :D

بحكم اني خريج جامعة الملك سعود كلية العلوم الادارية تخصص محاسبة 1424هـ فإن أغلب دفعتي توظفوا حتى الذين تقديرهم مقبول والذين تقديراتهم مرتفعه فابحث عنهم في سابك والاتصالات السعودية وهيئة سوق المال ومعادن ومعيدين بنفس القسم .. .. التخصص ليس سهلاً وخاصة بجامعة الملك سعود .... بالنسبة لإدارةالاعمال فالتخصص رائع ولايقل عن تخصص المحاسبة ولا اعرف عنه شيئا بالنسبة لسوق العمل ... واعرض لك تجربتي ... والقرار لك

وتقبل ارق التحايا

اخوك

السلماني .

مشكور اخوي السلماني والله انك ريحتني مع قرب موعد التقديم للجامعة

وانتظر مشاركات الباقين لا يبخلون علينا

لو عندي خبرة في هالقسم كان ما بخلنا عليك ,و لكن تجربة السلماني مفيدة جداً ,, ويكفي إن إلي تقاديرهم مقابيل لقوا وظايف هذا دليل على إن قسم المحاسبة مطلوب بشكل كبير ويحتاجه سوق العمل ,:)

تبي نصيحتي أنا

بحكم اني متخرج من كلية العلوم الاداريه مع وقف التنفيذ

أولا / اذا كنت راعي دراسه فخلي ادارة الاعمال جنب وخلها الخيار الاخير .

يعني اذا كنت طالب مجتهد وعندك نية تدرس

فعليك بالقسمين هذين المستقبل قدامهم .

القاانون / قسمي والي متخرج منه بتقدير (( مقبول )) مع مرتبة الشرف :clap: :clap: :clap: :clap: :clap:

بصراحه القسم صعب مره ومعروف من بين أقسام العلوم الادرايه أنه دراسة القانون صعبه ومعقده .

ولكن الي يبي يدرس ويوفقه الله والله بيبسط والقسم مطلوب .


اما المحاسبه / أيضا ما عليه قسم حلو ومرغوب أيضا وراح تحصل وظيفه براتب من 5500 الى 6500 ريال هذا الراتب بالنسبه للشركات .

اما مثلا في البنوك مثلا بنك الجزيره يوصل الراتب الى 9500 ريال شهريا أول مربوط و5500 وقت التدريب فترة 6 اشهر
ونفس الكلام هذا ينطبق على تخص ادارة أعمال , ولكن يحتاج الى تقدير (( جيد )) .

والله يوفقك .