قبل كل شي احب اقولك الله يجزاك خير على كلامك الحلو واسلوبك الراقي جدا الي يدل على التربية السليمة جدا الي

نشأت فيها ............................. وبعدين مبدأ الي اذا انتقدت لاعب او مدرب او اداري حتى نجي ونسبه ونشرشحه

ونقول انه (مندس) وانه نصراوي او اتحادي اعتقد دار عليه الزمن الناس وعت وتثقفت فالنقد البناء وليس التجريح اصبح

الان دافع للتطوير .................................... بعدين قولة اني نصراوي هذي ضحكتني كثير ايه والله كثير لاني ما قد

شفت نصراوي او اتحادي ينتقد نواف التمياط لانه نواف الشي الي طلع فيه في الملاعب برستيجه واخلاقه وغير كذا

ما يقدم شي في المستطيل الاخضر فانا اتحداك باي نصراوي يسب التمياط لان زي ما قلتك ما يحرك مشاعرهم

ويغارون منه زي الاسطورة ( سامي الجابر ) نعم شف سامي كل منتدياتهم وسوالفهم او حتى احلامهم كلها فيها

سامي سامي سامي في الحلم وفي العلم اتمنى انك فهمت الفرق عشان تعرف المندس والي تهمه مصلحة الهلال قبل

النجوم الي نحبهم فانا لما انتقد نواف فهذا في مصلحة الهلال يعني تبينا ندفع له 30 مليون ونسبب مشاكل للنادي

من الناحية المادية والمعنوية يعني بعد حرام اعطي نواف 30 مليون وما اذكر له الا هدف في كاس اسيا وهدف في كاس

ولي العهد فقط والانانية في لعبه ولا تروح بعيد انت شفته في كاس العالم كيف يلعب لنفسه فقط انت تدري ليش

زودها في هذا المونديال عشان يجيه عرض ثمن يساوم الهلال من جد عاد والله ان يدبل 30 مليون عموما انا ماابي

اطول لان اعتقد الصورة وضحت ................................................................................