أخطاء المشجعين السعوديين التي أدت لتدهورنا!
 

السلام عليكم ورحمة الله وبركااته :

والله يا ناااس ترى طفح الكيل من اللي يصير في السعودية ..هذا ردي على موضوع واحد من الاعضاء كتب عن سعد الحارثي أن فريق شيكاغوا الأمريكي يبيه يلعب معاه بعد ما ضيع الانفرادة وطااح بالملعب .. والله والله مو عشان سواد عيون سعد بس لان هذي الظاهرة مع كل لاااعبين المنتخب اللي نطالب فيهم ونصر عليهم بعدين اذا أخطأوا تخلينا عنهم . وأنا حطيت ردي موضوع أساسي مو عشان أحرج راعي الموضوع بس لأنه من أول ودي أتكلم عن ذي المناقضات اللي تصير فينا ....

ردي على الموضوع


هذا إحنا نبي نغلط على غيرنا ونضحك ولا حد سب بسامي زعلنا يا عالم مو منطق ذا ؟؟؟

ونحكم على الاعب من مبارة ونسبه ونهزئ في اللي حطه بالفريق واذا سوى مباراة وحدة زينة نفخناااه..

أعطيكم مثال: مبروك زايد كان مستواه متدني في المونديال وبصراحة ولمبارتين مو وحدة.. ويوم بدع مع أسبانيا لانه صد كم كورة قلتوا والله انه تمام .. أنا معكم تمام بس وش تغير النظرة من مباراة لمبارة وبشكل سريع ..؟؟؟يهم كاتب

سعد الحارثي كل العالم وبما فيهم كاتب الموضوع وأنا بعد بعد أهداافه في الدوري الموسم اللي رااح وفي تصفيات كاس العالم وهدفه اللي سحب في حارس الكويت أو أوزبكستان ( والله نسيت) .. كلن قال هذا ظاهرة جديدة قادمة لنا
وكلن قام يعطيه القاب ويتامل فيه خير من ( ايتو العرب ) الى ( راؤل العرب)........ بس خليه يخطي خطا وااحد كل العالم تخليه كنه زبااااال ولا يستاهل يلعب بالمنتخب..أنا أدري مباراة حساسة والمفروض ما يضيع بس يا عالم ترى أحسن لاعبين العالم يضيعون يعني وش فيها!! وبعد إنتم من أصر عليه بالاعلام والمنتديات أنه لاعب مميز والحين أنوااع النكت والاستهبال عليه . وبالمناااسبة مو هو وبس أكثر الاعبين مثل (نواف ) (الدعيع مع العلم أن الكل أشاد بمستواه الذي أدى الى 8 الشهيرة وكاس العالم ذا لأنه ما حرس قالوا هو احسن وسبوا مبروك ولو حرس قالوا ليه ما يغيرون ذا الشايب وحطوا مبرووك) حنا للاسف نطالب ونصر لشهور ونطيح فيهم سب بعد 90 دقيقة ( ياناااس الاعب مستواه يختلف من مباراة لمباراة )
اذا الواحد أعجب بلاعب عشان مباراة وطالب فيه عشان مبارة لا يروح يسبه بعدها بمباراة ولا يسكت الله لا يهينه ويعرف إنه ما هو مدرب عشان يقيم لاعبين منتخب ويختارهم .


هذي مشلكة اعلامنا الخايس بصراحة يكبر الاعب الصغير ويصغر الاعبين الكباار (اااااه ياساامي بس ) وااااه يا تفكيرنا الكروي اللي الملااااين والمعسكرات ما راااح تطوره ..

معليه على الفلسفة الزاايدة بس اعذر وني هذي نظرتي لنا كمشجعين نبي ونبي ونبي وبعدين نسب نسب ونهزئ
أرجوا بمن يشعر بنفس الطريقة أنه يوضح ذلك لكي أعلم كم مشجع سعودي قد عرف خطأه..

سعد الحارثي كل العالم وبما فيهم كاتب الموضوع وأنا بعد بعد أهداافه في الدوري الموسم اللي رااح وفي تصفيات كاس العالم وهدفه اللي سحب في حارس الكويت أو أوزبكستان ( والله نسيت) .. كلن قال هذا ظاهرة جديدة قادمة لنا
وكلن قام يعطيه القاب ويتامل فيه خير من ( ايتو العرب ) الى ( راؤل العرب)........ بس خليه يخطي خطا وااحد كل العالم تخليه كنه زبااااال





جبتها عالجرح .:)

جمال الله يعطيك العافية على المرور والتعليق .


ياعالم ردوا ولا وش بلاكم تدخلون وتمشون معقولة إنتم كذا وتبونا نستمر كذا ؟؟؟

معااااااك حق اخوووي 00

واذا قعدنا على هالحال مستحييل تتطور الرياضه السعوديه 00

تحيااتي 00

مشكورين على الردود ويعطيك العافية

عطني صحيفة وحده تكتب بحياديه ومن دون ميول
أو قناة تتكلم بحياديه
مستحيييييييييل ما دهورنا إلا الاعلام المنحاز كل واحد يتكلم عن لاعبه المفضل ويسب اللاعب الي في النادي المنافس
مع الأسف الإعلام السعودي أعتبره أسوأ إعلام حول العالم

وهو هذي المشكلة :
أعلام خاايس ومنحاز + محللين ولاعبين يقرون ويسمعون = منتخب فااااشل .
ودي المنتخب يصير زي (الحكومة )ماحد يقدر يتكلم على لاعبية ولا يعترض على مشاريعه وخططه وأي واحد متخلف يسب بلاعب ولا بمدرب ينسجن .<<<<<<<<<<<<<( فلها زيادة )بس من جد هذا الحل والا كلن يبي يسوي في امها أنا اللي أعرف أحلل مشاكل الاعبين وأعرف أختار أحسن من المدرب اللي ممكن بعمر جده ..

ملاحظة على منتدى الزعيم:
أدري كل المنتديات تسب لاعبين المنتدى الأخر وبما فيها منتدى الزعيم اللي أحيانا أشوف فيها بعض الأعضاء يقول لأخوياه يا عيال لاحد يصير زي المنتديات الثانية ارتقوا بتفيكركم بس شفت واحد في منتدى مو رياضي بس توقيعه كان مشاركة واحد من الأعضاء هنا كان كاتب ( الله يلعنك يا مبروك ) !!! افرحووا بأسلوب الشوارع .

اذا إعلامنا صلح والتحيز رااح من عقولنا قولوا صقور السعودية ولا غيره سوقووووهااااا.

ياعالم ردوا وش ذا الكلام 350 قراءة و7 ردود ؟؟
والله الموضوع مهم من جد ونبي كل واحد يعرف هو بنفسه وبطريقة تشجيعه كيف أثر على منتخبنا!!!

تحياتي لكم

والله ما أدري وش أقول

معك حق اخوي ..وانا من الي ردوا على موضوع العضو الي تكلم
على سعد وقلت انكم تبالغون في مدحكم لسامي وتواقيع وتصاميم
واشعار وغيرها وكأن المنتخب كله سامي ونسوا الاعبين الثانيين
ورد علي واحد وبدأ يقول ان هناك مندسين في هذا المنتدى كله
علشان قلت اتركوا اعجابكم بسامي الى بعد المونديال ..والجمهور
السعودي اسمحوا لي على هذه الكلمه انه جمهور عنصري متخلف
وعقله ناقص وتفكيره الرياضي ناقص ..طبعا مو الكل لكن الاغلبيه
ومشكور اخوي مره ثانيه على موضوعك الاكثر من رائع وبالنسبه
لردود المواضيع الصحيحه والي تحاكي الواقع ما أحد يرد عليه
وأكبر دليل موضوعك الرائع مشكور اخوي ولا تحرمنا من ابداعاتك

شوووف سعد الحارثي لاعب ممتاز ومعروف ولا انا ولا اي واحد يقدر يعارض على الكلام

بس ابي اقولك شغله اذا ضاع سعد الحارثي مو احنا ضيعناه الي يبي يضيعه جمهوره


وصدقني جمهور النصر هو الي دمر سعد الحارثي

ومن ناحية كلامك وانا اضم صوتي لصووووتكـ والله يوووفق الجميع

مشكورة آشلي :
والله انتي قلتيها وانا ما كنت بأقولها :

"وبالنسبه للردود المواضيع الصحيحه والي تحاكي الواقع ما أحد يرد عليه
وأكبر دليل موضوعك الرائع مشكور اخوي ولا تحرمنا من ابداعاتك"

الواحد بس يبي يقول اللي بخاطرة مهما يكون فهمه أحد أم لا .

ومشكور يا (كلنا لك يالهلال ) على تعليقك.

تحياتي ::::

والله الي تفضل به

ياهلال عمري هو عين العقل

ومشكور

يسلمك ربي ويخليك