السلام عليكم ورحمة الله وبركاته
جماهير الهلال العزيزة ...
قبل كل شي أحب أوضح لكم نقطة وهي إني رايق
ثاني شي اللي موب رايق تكفى وسع صدرك قسم بالله إني أحبك لا تسوي لي قلق
بعدما طلع منتخبنا من كأس العالم <=== فيه كلمة غلط بالجملة
كل أبونا قلنا قهر ... فشيلة .. والله حرام ... واللي يسمعكم يقول بناخذ كأس العالم برضا تكر وشلته ...
موب موضوعنا المنتخب ... الحين يتشوت موضوعي
خلوني بتكلم شوي بالهلال ثم نبي نرجع للمنتخب .. نلعب على المشرفين يعني
موضوعي هو تضرر الهلال من المنتخب ... والله بقلبي غصة للحين ...
إعداد 3 شهور للمونديال .. حرمونا منافستنا على الألقاب المحلية والخارجية ...
لعبوا بانسجام فريقنا .... ياخذون لاعب يرجعونه مصاب وياخذون غيره ...
ونلعب ببطولة بفريق والنهائي بفريق ... وكل خمس مباريات لها فريق مستقل .. مرة نلعب بفلان ومرة بفلان...
كنا نقول ذيك الأيام المنتخب ماراح يفيد ولا يستفيد ... بس ماحد سمع كلامنا ...
من أبسط حقوق النادي الإستفادة من لاعبيه في البطولات اللي ينافس عليها خارجيا على الأقل ...
نادي يدفع ملايين ... ولايستفيد منها شي ... ولا حتى تعويض مادي للنادي من الإتحاد السعودي ...!!
تعويض مادي مو عشان المنتخب أخذ لاعبين ... لأ .. تعويض لأن المنتخب حرم نادي من لاعبيه في بطولة خارجية ...
أكيد بتقولون وش يبي أبو ساري صاج روسنا بكلام مايقدم ولا يأخر... خلاص شي عدا وراح ....
أنا أقول عدا ولكن بيصير مرة ثانية وثالثة ورابعة ... والهلال الخاسر ...
اتمنى مايتعودون لها مرة ثانية ... لأننا ملينا بصراحة موب حالة ... <=== مشكلة لا مليت عاد هههههههههههههه
نرجع للمنتخب السعودي بس دقيقة يامشرف <==== يدري ان المشرف يطالع الموضوع يقول وبعدين معاه ذا
أنا أقول نفتح باب التجنيس للاعبين ...
وخلونا من كلام مايرفع راسك إلا ولد بلدك ....
شفنا ولد البلد بكاس العالم .... ماظنتي سوى شي !!!
يكفينا تصنيف الـ 80
.. قسم بالله منتخب نيبال مايسويها
باستثناء بعض اللاعبين الغيورين على بلدهم .. ويكفيني حرقتهم على منتخبهم ...ويالبى قلبك يابو عبدالله
تجنيس اللاعب المبدع راح يضمن لنا منتخب عالمي ....
اليابان جنّست أليكس ... تونس جنّست دي سانتوس .. ألمانيا جنّست أسمواه ... وغيرها من المنتخبات العالمية .جنست..؟
وش معنى حنا اللي ننرقع بالثمانية والستة والخمسة والاربعة ....
التاريخ مايرحم ...
هل شرط للسعودي أن يكون مولود بالسعودية وعايش فيها سنين طويلة تصل لـ 100 سنة ؟
شوفوا لاعبين السعودية .. نصفهم موب سعوديين الأصل ...
خلونا واقعيين .. هذا منتخبنا موب يعني كلهم سعوديين سعوديين .. يعني شسمه ذا فيه شوي يعني
السعودية بحاجة لتفاريز في الدفاع بصراحة .... وتجنيس لاعب بإمكانيات تفاريز أتوقع قوة ضاربة في الدفاع ...
أن تكون سعودي يكفي حبك للبلد اللي عايش فيه اللي هو السعودية ...
إنتماءك للبلد اللي تدافع عنه لأنك تحمل جنسيته ... ماقول لعبوا تفاريز وهو برازيلي ...
راح يلعب وهو سعودي ...
الصويلح راح وأتمنى نجاحه أوروبيا ... وأبو حميد يقدر يسوي الهوايل ...
لاعب بموهبة أحمد قادر بإذن الله إنه يقدم شي يرفع الراس ...
بالتوفيق يابو حميد وربي إني أحبك من كل قلبي ...
ظلموك بعدم ضمك للمنتخب في المونديال .. الحارثي يلعب والصويلح لأ ..!!
قسم بالله منتخبنا منتخب واسطات ...
لكن ردك يابو حميد بيكون أوروبيا .. لأن سمعت إن الفريق النمساوي مشارك بدوري الأبطال ....
أتمنى نشوفك .. عشان تكون أول لاعب سعودي يلعب بدوري الأبطال ..
تكفون ياجماهير الهلال ... خلوكم ورى الصويلح ... آزروه .. والله اللاعب إمكانياته كبيرة ...
بس الإعلام ظلمه .. والجماهير ظلمته .. حتى المدرب ظلمه ...
رودريقو .. وويلتون ...
مااااااش عجزت أعبّرهم ... أشكالهم موب أشكال كرة قدم ...
بس ياليت يفاجئونا ... ومايصيرون من شلة باولو ديسلفا ... قسم يانا كرهت كلمة هجوم أجنبي من ذاك الخبّاز
بالتوفيق للاعبي الزعيم الأجانب والمحليين ...
بالتوفيق للزعيم في الموسم هذا ..
نهاية
أتمنى وقوف الجماهير مع فريقها في المباريات اللي على أرضه .. والله حرام عندنا دوري بهالقوة ... ونتركه
صدمه أشوف الدوري الكويتي ضمن أفضل 5 دوريات عربية ...!!!
سلاماااااااات يالفيفا ..
أتمنى ماطولت عليكم ... بس بخاطري كلام وقلته ..
أبوساري
سوالــيــــف من الــخــاطــر <= موب سبيت 
.. !! ..
الوضع العادي
