بصراحه ماعرفنا لكم ( انتم ) !!؟!! - نادي الهلال السعودي - شبكة الزعيم

ebda3club · #1 20/06/2006, 04:50 AM

بسم الله الرحمن الرحيم

السلام عليكم ورحمة الله وبركاته

اخواني الغالين

جمهور الزعيم ..

تحيه لكم واشكركم لروحكم الرائعه لمساندة الاخضر..

لكن ليش ياشباب كلامكم متناقض..

ولابعمركم اتفقتوا على شيء..

هذا يقول الخطأ من مبروك والثاني تكر والثالث منتشري وو وو وو ..الخ

ياشباب تخيلوا نفسكم مكانكم ..

قسم بالله انا يوم بدت المباراة خايف مثل الاعبين وكأني معهم ..

وتعادلنا مع تونس وصرتوا تقولون منتخبنا بطل لكن قهر عادلونا وو وو وو..الخ

ومع اوكرانيا فاشلين واغبياء وو وو ..الخ

ياخي روح العب ثم تكلم ..

وفي التسجيل الصوتي مع ياسر قبل بدايت المباراة ..

قال المقدم انت مثل شفشينكو ..

واعترف ياسر وقال لا انا مو مثله لكن اتمنى اوصل لمستواه ..

صحيح مستوى السعوديه مع تونس سيء واكثر من سيء..

لكن هناك اخطاء تحكيميه واضحه ولانريد قولها لا الجميع شاهدها ..

واهمها بلنتي سامي..

وانا اقدر احلف بان اكثر الناس لم يذهبوا للصلاة فالمباراة بدة..

في وقت الصلاة تماماً والكثير لم يذهب ..

والله ماوفقنا وخلاهم يدخلون في الدقيقه الرابعه..

ولكن ياشباب مافيه منتتخب عربي حقق مع السعوديه هذا النجاز الا القليل ..

وخاصه بأن المنتخب وضع اسمه مع افضل منتخبات العالم..

واذا لم نتأهل لدوري الـ16 هل انتهت الدنيا ..

الدنيا ماهي كوره وبس ..

وليش المنتخب فاشل هذي الكويت ومصر ماتأهلوا لكأس العالم ..

والفرق بيننا وبينهم مو كبير 11 لاعب يقابل 11 مو 20 على 2 ..

يناس خلاص المباراة انتهت وكثرتوا مواضيع وشتم وسب..

والاعبين ماعطوكم وجه وياخذون حسناتكم ..

كل لاعب قدم اللي يقدر عليه ..

واللي يقدر يسويه..

السؤال بعد هذا المقال..

سؤالي يقول جاوب بأمانه وصدق..

هل ذهبت للصلاة في مباراة السعوديه واوكرانيا ؟؟

اتمنى مااشوف مثل العاده المشاهداة 50 والردود 1 او 2 ..

اتمنى الكل يجاوبني وبصدق وانا بجاوب اول..

وانا الحمدلله رحت اصلي..

اتمنى الموضوع اعجبكمـ وخفف زعلكمـ ..

والسلام عليكمـ ..

Pharma D · #2 20/06/2006, 04:57 AM

ana fi CANADA

el mobarat kanat el saba7
el 7amd lellah 9alleet el FAJER

اللمبي السعودي · #3 20/06/2006, 05:05 AM

وربي تفتح النفس يازعيم واضح إنك راااااااايق على العموم الصلاة إنشالله الكل صلى

بس والله منتخب يرفع الضغط والله يستر من

< أسباااااااااانيا>

3

ياقاهرهم يالهلال · #4 20/06/2006, 05:15 AM

جزاك الله خير اخوي على التنويه بس ياليت ماتقول الله عاقبنا وجابوا الهدف في الدقيقه الثالثه...الواحد مايدري علم الغيب

عالعموم انا مايقهرني الا اللي يقول المنتخب اليوم لعب مباراة سيئه واقل مجهود
ياخي الا متى ونلعب على انفسنا
هذا لعبنا ماتغير هو هو
من لعبنا الوديات الى اوكرانيا هذا هو لعبنا

عالعموم مشكور مره ثانيه على التنويه على الصلاه واتمنى والله كل الشباب المتعصبين يصلون مهيب نافعتهم هالكوره اذا دخلوا القبر

ebda3club · #5 20/06/2006, 05:17 AM

إقتباس


	ana fi CANADA el mobarat kanat el saba7 el 7amd lellah 9alleet el FAJER

الحمدلله وشاكرلك ردك

ebda3club · #6 20/06/2006, 05:19 AM

إقتباس


	وربي تفتح النفس يازعيم واضح إنك راااااااايق على العموم الصلاة إنشالله الكل صلى بس والله منتخب يرفع الضغط والله يستر من < أسباااااااااانيا>

اكيد بروق لاني اخذت درس من مباراة تونس وان فرحتي كان مالها داعي

يرجال وسع صدرك على هالصبح ولايهمك المنتخب

من عرفناهم وهذا مستواهم وايضاً شكراً على ردك

ebda3club · #7 20/06/2006, 05:23 AM

إقتباس


	جزاك الله خير اخوي على التنويه بس ياليت ماتقول الله عاقبنا وجابوا الهدف في الدقيقه الثالثه...الواحد مايدري علم الغيب عالعموم انا مايقهرني الا اللي يقول المنتخب اليوم لعب مباراة سيئه واقل مجهود ياخي الا متى ونلعب على انفسنا هذا لعبنا ماتغير هو هو من لعبنا الوديات الى اوكرانيا هذا هو لعبنا عالعموم مشكور مره ثانيه على التنويه على الصلاه واتمنى والله كل الشباب المتعصبين يصلون مهيب نافعتهم هالكوره اذا دخلوا القبر

كلامك كله رائع وصحيح ولا أحد مننا يعلم الغيب

لكن اخوي هذا من باب التنبيه للشباب

وكلامك وردك بصراحه كان قمه في الروعه شكراً لكـ

wail357 · #8 20/06/2006, 05:23 AM

المستوى كان سيئ
وبالنسبه لسؤالك الحمدلله كنا اربعه وكلنا قمنا قبل الاقامه
والله يجزاك خير على التنويه
وانا اريد وانت تريد والله يفعل مايريد

ebda3club · #9 20/06/2006, 05:30 AM

إقتباس


	المستوى كان سيئ وبالنسبه لسؤالك الحمدلله كنا اربعه وكلنا قمنا قبل الاقامه والله يجزاك خير على التنويه وانا اريد وانت تريد والله يفعل مايريد

الحمدلله بصراحه كلكم حلوين وردودكم

احلى

والله يوفقنا ويوفقكم ويفق صقور المنتخب

zaee9eem · #10 20/06/2006, 04:19 PM

اخوي الزعيم.كوم احنا بصفتنا جمهور وعشاق للأخضر جميعنا عاطفيييييييييين لا بد ان ننتقد وووووو صح ؟ولكن قدر الله وماشاء فعل

فيصل الهلال999999 · #11 20/06/2006, 07:26 PM

هذا منتخبك وش نسوي

ebda3club · #12 23/06/2006, 07:25 AM

تسلمون على التفاعل يالغالين والردود الحلوه

SUPER HAMOODY · #13 23/06/2006, 07:33 AM

هل ذهبت للصلاة في مباراة السعوديه واوكرانيا ؟؟

اذا تبي الصراحه .... والكذب حراام

انا واربع من اخوياي ما صليناها الا بين الشوطين

يارب تقبلها

يارب

ebda3club · #14 25/06/2006, 02:12 AM

إقتباس


	اذا تبي الصراحه .... والكذب حراام انا واربع من اخوياي ما صليناها الا بين الشوطين يارب تقبلها يارب

يسلام عليك والله تعجبني

وهذا اللي نبيه نبي الصدق شكراً على صراحتك

ندفيد الهلال · #15 25/06/2006, 02:29 AM

الله عليك وعلى الموضوع الرائع زيك يازعيييم

والله مارحت اصلي في المسجد للأسف

لكن والله العظيم صليتها بين الشوطين

وان دل على شي اخوي فإنما يدل على حرصنا على منتخبنا

وعلى انه يظهر بالمستوى الجيد

لكن ارجع واقول مو عذر

الله يسامحنا ان شاء الله ولعلها تكون لنا درس