الهدف الاول فلسفه من البدايه من مبروك زايد يلعبها للمنتشري والمنتشري يرجعها وزايد بيسحب وبعدين ركنيه وجا الهدف يعني من بدايتها غلطة زايد لاتقولون سوء تغطيه بالدفاع... الهدف الثاني لاتعليق زايد تظاهر بالسقوط لانه ماقدر يردها. يعني مهزله دفاعيه والحارس مشتت ... واللي بيقول انت عشان تحب الهلال تبغا الدعيع اقوله يحقلي لان بصراحه المنتخب مافيه الا عزيز .. والقحطاني ماتجيه كور لان اللي وراه نور وامين وكريري والغامدي .. الدعيع ظلمتوه وقلتو صار كبير وان زايد احسن منه ؟؟ وينكم الحين يامن تطاولتو على الدعيع وشككتو بمستواه؟ هذا زايد حقكم شوفوه. والله قاعد اشوفها بتعليق معلقين انجليز يقولون وش ذا الحارس مايعرف يمسك الكوره يشتتها بالقاضيه الاجانب يستهزئون فينا ...
صحيح ان نواف لم يبدع بالمباراه الاولى ولكن مب عشان امين سحب بلاعب ومرر الكوره تلعبه اساسي.. نواف كان وجوده ضروري ..
امس اشوفكم تمدحون بعبدالغني واليوم تسبونه ... وانا كنت مقتنع بأن الخثران افضل منه ولكن
كتبت بموضوع سابق ان الدعيع المفروض يكون بالتشكيله وبهذلتوني بالردود تقولون زايد افضل والحين اشوف العكس ؟؟

اكثر شي رفع ضغطي يوم سمعت المعلقين البريطانيين يستهزئون بالمنتخب وخصوصا بمبروك زايد ( وكانو يقولون ان الدعيع بالاحتياط ومستغربين )

اعذروني كلامي ملخبط وكل شوي مدخلكم بسالفه بس والله من القهر اكتب اللي على لساني

امام اسبانيا المفروض ( الدعيع - تكر(الشكوى لله مافي غيره) - المنتشري - الخثران - الدوخي- عزيز - نور - نواف -الغامدي - سامي(الحارثي) - القحطاني)