|
السالفة ماهي حلق أشناب ولبس حلق !! @ هل تذكرون لجنة تطوير الكرة السعودية المنبثقة بعد فضيحة الثمانية ؟؟ الله و أعلم انها ستجتمع بعد مباراة سبانيا ويا من يرد العلم عن هاك الأحباب @ السالفة ياجماعة الخير ليست في حلق الأشناب ولا في لبس الحلق !!! السالفة ررروح و اخلاص وووطن @ شفت ولاحظتوا معي كم لاعب حااالق الشنب عالزيييرو :d ولابس الحلق ونافخ الشعر :d مدري من ضحك عليه وقالوا له انك نجم ؟!!!! @ بقاء الحارثي ومالك معاذ وسامي في الاحتياط أمر عجيب غريب معيب !!!؟؟ أشباه لاعبين يسرحون في الملعب ونجوم ععلى الدكة يحترون نص فرصة !!! @ في لاعب يحرث الملعب طول وعرض ولا تستفيد منه شي وفي لاعب من كرة واحدة يصنع الفرق هذا الأخير معدوم حاليا في الأخضر @ للأسف أن الإعععــــ لااام والجماهير له دور كبير في ذلك وإلا ما تفسير ما أقرأه يوميا في الصحف بل ما أقرأه هنا تصوروا ( ياسر مثل رونالدو ) ( متى نشوف ياسر مع رونالدينهو ) ( وسامي في الريااال ) و وووو الخ :d @ يا جماعة الخير خلوكم منطقيين ترى- نجومنا - حدهم الملز وملعب عبد الله الفيصل وكبير في حقهم باختصار فقاعات صنعها الاعلام وصدقها الجماهير ومع الخيل يا شقرااااا @ اللاعب السعودي يفقد مقومات الاحتراف الكاملة وقبلها يفقد العقلية الذكية !! كم شاهدنا لاعب اليوم يلعب بدون كررررررة ؟؟ كم شاهدنا لاعب يسلم ويستلم صح ؟؟ كم شاهدنا لاعب اليوم يقرأ ويتوقع حركة اللاعب والكرة قراءةسليمة !! كم شاهدنا اليوم ثلاثة لاعبين يندفعون على اللاعب ويتركون اللاعب الغير مراااقب ؟؟؟ كم شاهدنا اليوم لاعب يخاف أن تمرر أو تصل له الكرررررة ؟؟؟ كم شاهدنا لاعب يشتت الكرررة كيفا ما أتفق ؟؟؟؟ @ عموما البلى والعلة في ان اللاعبين الحاليين هم أفضل الموجودين بكل أسف تدرون ليش ؟؟؟!!! اختفت المووواهب تماما من ملاعبنا بكل أمانة لايوجد حاليا لاعب يستحق ان تضيع وقتك في مشاهدته والبركة في اداريي الفرق وادارات الاندية @ أحيانا الروووووح والقتالية تعووووض النقص الفني لكن هل شاهدتم ولو جزء بسيط منها ؟؟؟ نعم أنا شاهدتها في وجه عبد الغني والباقين يخلف الله ومن أمن العقاب أساء الأدب وياخوووفي بكرة يعاقبون ححسين عشان اللقطة الأخيرة في المباراة @ ( يداك أوكتا ياسلطان وفوك نفخ يا نواف ) أحد يفسر لي هالمثل ؟؟ بسهلها عليكم من يزرع الشوك لايجني العنب @ اتحاد كروووووي هش يمسي على قرار ويصبح على آآآخر !! سأذهب لبعيد واقول اتحاد فااااسسسد :clapping: وليس لجنة الكشف عن المنشطات ببعيد @ دوررري ضعيف للغاية ونظام غبي وحيد في العالم يحوله الى بطولة كؤوووس !!! ليش مدري ؟؟ يمكن عشان يحضر راعي البطولة !! @ مواعيد بطولات ومباريات تتغير مثل عقارب الساعة وتوزيع ظالم للبطولات الخارجية !! تذكرون يوم جاء وفد فريق انجليزي يتعاقد مع سامي وطلبوا موعد المباراة النهائية وقتها ؟؟؟ - طبعا لم تحدد - آنذاك ختاما قالوها الأولين ( الجود من الموجود ) @ |
صح كلامك |
و الله أنت كتبت كل ما في القلب و الله لاعبينا زبدة وأي زبدة ؟؟؟ لاعبينا لاتعقد عليهم عزائم الرجال في هالمونديال نكون قد فرطنا في أثمن فرصة للظهور فمجموعتنا ضعيفة و المنتخبات حولنا ولكن ؟؟؟ لعيبتنا خياس |
انا بس اتخيل موقف منتخبنا لو جا مكان اليابان ... !! أتوقع في هذي الحاله الانسحاب افضل حــل 0000 كوريا سوت شي .. واليوم تونس كادت ونحن عايشين على مستوانا اما تونس (طبعن النتيجه كانت تعادل ) ما أقول الا ياحسافة الـ 45 مليون |
السلام عليكم ورحمة الله وبركاته هلا بالغالي وتوأم الروح الكنز نواف ما اقدر اقول الا الله يعطيك العافيه وماقصرت يالغلا وعلى قولتهم الهرج واجد لكن ( في الحلق غصه ) هذا اكثر مايمكن ان يقدمه منتخب الاهواء منتخب يفرض على المدرب الاعبين حسب الرغبه الميول ويتدخلون في تشكيلته تبيهم ينافسون على بطاقة التأهل الاولى او حتى الثانيه ؟؟؟؟ بالطبع لا وبالعاميه او البدويه (( معصي )) اليوم في اول الدقائق تمريره سهله الدوخي لايستطيع السيطره عليها فتخرج لرمية التماس المفهوم منها انو المنتخب دخل المباراة وهو مشحون وامام اعينهم اللعب للتعادل فمني بالاربعه تنفض غبار عرين مبروك زايد فالى متى اللعب في عقول الشعب السعودي ؟؟ ان لم يكن هناك ترتيب وجدوله سليمه للدوري المحلي فكيف تطالب المدرب واللاعبين بما هو فوق طاقتهم ؟؟؟؟؟؟؟؟ اسف عالاطاله ونورتنا ياتوأم الروح يالكنز نواف |
نواف اخذتلي فره على المنتدى ابي اطلع حرتي مالقيت مواضيع زي الناس موضوعك هو الافضل .. متالق دائما يالغالي ياخي تعبنا .. ما بلانا الا الاعلام .. الاتحادي يمدح لاعبيه .. والهلالي يمدح لاعبيه .. والنصراوي يتشكى من جلوس سعد صرنا مسخره للعالم اجمع .. حسين عبدالغني .. اقف تحيه كبيره لهذا البطل .. حسين يبكي حرقه .. وكم لاعب حزين .. وتكر يطلعلي بعد المباراه بكل حماقه .. يقول قدمنا اللي علينا .. وش قدمت يا مال العمى !! .. لا تعرف تراقب .. ولا تعرف تقطع كوره .. حتى التكسير ما تعرف تكسر زين !! الحمدلله ان شيفا لعب بنصف مستواه اليوم .. و فورنين كان منهك .. وضايع .. زايد .. كنت ماخذ فيك مقلب .. اساسيات حراسه المرمى ضيعتها .. يابنى آدم .. كوره عرضيه قريبه لك انت تطلع .. اما انك تحتري الدلوخ اللي قدامك .. لا والله اللي ما فلحت . باكيتا لا يلام .. والله مالومه بأي شي .. ياخي مسكين .. ان لعب باربعه اربعه اثنين انفتح دفاعه العقيم .. وان لعب بمهاجم واحد جلس على مزاجيه نور او نواف واختار الحل الصح .. انهزم 4 ولا انهزم 8 . طبعا اعتب عليه فقط بأنه واضع الدعيع بجواره .. الدعيع طويل وممتاز بالكرات العرضيه .. ومبروك ايديه يتصافقن مايعرف يمسك كوره .. اسحبه ومنت خسران شي سلطان و نواف .. هم اساس البلى .. ياخي 8 سنين ما فيه جديد .. تأهل لـ كأس العالم .. هالمجموعه اسهل من كل المجموعات .. ولا راح تكون بهالسهوله في القادم .. خلاص استقيلوا و ريحونا !! التجديد مطلب .. وسلطان و نواف لازم يرحلون .. اذا ما أرادوا تصحيح مسار المنتخب .. يجب ضخ دماء جديده تملك خبره و درايه .. وشخصياً أرشح خالد بن عبدالله .. رجل نزيه .. وسينظف الكره السعوديه من عبده الأموال اللي دمرو كرتنا ولاعبينا ودلعوهم !! ياخي .. اللاعبين زي ماتحاسبهم بعد الفوز .. حاسبهم بعد الهزيمه .. ياخي امسك ذا الخوال لا بارك الله فيهم ومحط فيهم لين يعرفون ان الله حق .. ياخي لعيبتنا تحس انهم طلاب ابتدائي .. اذا جلدتهم يتعدلون اما مكافأه فوز 100 الف .. على ايش !! .. تعادل مع منتخب تونس اللي ما كان بمستواه الله كريم .. يمكن اكون قسيت .. بس ملينا .. كوريا و اليابان كانوا متخلفين كروياً .. الحين صرنا حنا المتخلفين .. يا خي تعلم منهم .. اختر لك 20 لاعب سعودي و فر فيهم السماسره .. خلهم يلعبون برى ويستفيدون .. دوري نرويجي روماني بلجيكي هولندي .. المشكله لاعبينا طموحين .. البحري يقول ابي احترف بريال مدريد قبل المونديال .. والله ما حطوك مع ريال مدريد البراعم انت وكراعينك نواف .. اعذرني .. وتشكر على موضوعك فـ مان الله ,.,., |
بااختصار منتخبنا فااشل وحده كاس الخليج مصرقع شطف من هنا ... |
@ دوررري ضعيف للغاية ونظام غبي وحيد في العالم يحوله الى بطولة كؤوووس !!! ليش مدري ؟؟ يمكن عشان يحضر راعي البطولة !! خخخخخخخخخخخخخخخ الله يهديك |
كل مافيني هلالي : شكرا على مرررررررررررررررررررورك @@@@@@@@@@@@@ المنصف الخبير : هلا فيك ومشكووور إقتباس:
ولا كانت فضاييييح |
صح لسانك وفعلا اذا اختفت الروح سلملى على اللعب وامس ماكان فيه لاعبين فيه اشباح بدووون روووح ولا وطنيه ولاغيره على الفانيله بس هاذا اخر النفخ الاعلامى والدلع دخلوا قدام اوكرانيا كنهم يلعبون ضد فريق درجه ثانيه ولا الاخ مبروك جاى يجرب مهاراته الفرديه يعنى بيتحداء رونالدينهو الاخ ماقول الى حسافه الفلوس الى عطوهم . |
صدقت والبلى كله من الاتحاد السعودي بل ليسوا افضل الموجودين ففيه لاعبين تركوا ولاعبين ماادري كيف ضموهم ==== عندنا حسن العتيبي افضل حارس العام الماضي وبعده فهد الشمري وضامين الدعيع اللي منقص من عمره 10 سنين والثاني على مااعتقد اسمه خوجة ولو لقى مبروك منافسة من حسن وفهد لشفته مثل العام الماضي _____________ الاتحاد لم يحقق اي بطولة وجميع لاعبيه اساسيين والمشكلة كلهم افارقة وحتى موقع الفيفا يقول ان محمد نور نيجيري والحضرة يقول ما حنا مستعدين ننهزم من منتخب مهزوم بالاربعة _____ واحسن شيء للمنتخب ان ننوع من الاندية ونعيد نظام الدوري السابق ومثل اوربا يلعب اللاعب جميع مباريات نادية حتى لو كان عند المنتخب مباراة مهمة ونلعب مع المنتخبات الكبيرة في يوم الفيفا لا المنتخبات الصغيرة مثل اليمن سوريا ولبنان ==== تغيير المدرب والتعاقد مع مدرب كبير ولمدة 4 سنوات وحتى لو ساءت النتائج فالمهم الصبر ماهو كل سنة مدرب فباكيتا ليس ذاك المدرب والدليل الوديات التي كلها هزائم ____ ان يتحمل الاتحاد الجديد المسؤلية وان يكون هناك انتخابات للاتحاد القادم |
إقتباس:
|
المنتخب لن يقدم اي شيء حتى 2050 الا اذا تغير الفكر المطروووح في الاعلام وعند الجماهير والاتحاد السعودي المستوى لا ياتي الا عندما يكون هناك هدف تسعى اليه ............ من عام 1998 ونحن نبي مستوى مشرف ولم ياتي الى هذا اليوم لاننا طالبنا بالمستوى فقط ......... وانا كتبت قبل كاس العالم موضوع يشرح المنتخب السعودي من مدرب واعلام ولاعبين لو كان طموحنا التاهل الى الدوور الثاني لكنا لعبنا افضل ولربما حققنا نتائج افضل... عندما اردنا الفوز على تونس ولعبنا من اجل الفوز حققنا التعادل الظالم لان كان طموحنا كبيرر ......... وعندما اردنا التعادل مع اوكرانيا حسب راي المدرب والاتحاد السعودي اتت الطامة وانهزمنا ........ اسباب خسارة المنتخب كثيرره جدا جدا ومهمة ليست كاس العالم 2006 بل من بعد تطبيق الاحتراف ونحن ضائعوووووووووون.. ولي وقفه مع الاحتراف في موضوع مستقل تحياتي للجميع................ |
| الوقت المعتمد في المنتدى بتوقيت جرينتش +3.
الوقت الان » 11:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd