|
بصراحة مستوى يفشل لا في دفاع ولا وسط الحمدلله على الاربعة بس ما زادت. يا أعضاء..... استراليا لها أكثر من 30 سنه ما شارك في كأس العالم وقدمت مستوى أكثر من رائع. والسعوديه الي شاركت أربع مرات وأخذت أكثر من 40 مليون عشان كأس العالم ما سوت شي. وللمعلومية أنا في استراليا والاعب الاسترالي لا يجد كل الدعم المادي الذي يجده الاعب السعودي |
وحتى صلحهم كوووووووورة ههههههههه |
مشكوووووووور اخوي والجماعه ماقصروا بس كائني شيفهم مرتبكبن |
عفوا الى كل من قال السبب التحكيم فهو مخطئ 100 % بالله اعطيني خطأ بسيط من الحكم غير بلنتي الجابر ياخوي لو حسبها وش اللي بيصير واللا لايكون في 3 بلنتيات ماحسبها وانا مو داري لوتعتبر بلنتي الغامدي فكله تمثيل فتمثيل واذا كان بلنتي القحطاني فلم يكن بلنتي الحكم كان حازما مع السعوديين والاوكران وأنا لم أرى بطاقة صفراء من الستة الا وكانت في محلها وكلن دقيق 100% وانا اعتبره من أحسن حكام المونديال وانا كنت بعطيه 10/10 لولا بلنتي الجابر الغير محسوب ولذلك فهو يستحق 10/9 بالله هذي الحجج عن أسباب خسارة المنتخب فهي واهية خلكم واقعيين........ |
اسمحولي اليوم احمل مسؤلية الخسارة اليوم اللاعبين كلهم بدون اسثناء لان بصراحة لا المسؤولين ولا الجهاز الاداري ولا الفني ماقصروا مع اني الوم باكيتا بشيء واحد انه ماحط الدعيع اساسي لانه بصراحة شفنا مبروك اليوم مرتبك وخايف وهاردلك............................ |
رايكم في مبارة اوكرانيا بسم الله الرحمن الرحيم 1/هارد لك لكم جميعا 2/ابيكم تعطوني اراكم في مبارة اوكرانيا ونا هذا راي وانشاء لله توافقوني عليه اسمحولي اليوم احمل مسؤلية الخسارة اليوم اللاعبين كلهم بدون اسثناء لان بصراحة لا المسؤولين ولا الجهاز الاداري ولا الفني ماقصروا مع اني الوم باكيتا بشيء واحد انه ماحط الدعيع اساسي لانه بصراحة شفنا مبروك اليوم مرتبك وخايف وأتمنى ان باكيتا يستمر مع المنتخب في كاس اسيا والخليج لانه غير كثير في اداء المنتخب. وهاردلك............................ |
بصراحة الدفاع مضيع يتركون الاعب الأوكراني يلعب داخل منطقة الجزاء على كيفه وهالمدرب :wallbash: المهم يدخل الدعيع أساسي أزين من مبروك زايد وليش مادخل سامي الجابر من أول الشوط الثاني وبصراحة أول مادخل الخثران حرك اللعب وحتى مالك معاذ المهم يدخل من أول والحكم الله لايوفقه نصاب ويغلط أغلاط غريبة تلقى المنتخب الأوكراني راشينه |
لا تغشووون ارواحكم بالتحكيم والارضيه والجو والاتحادييين صحيح كان التحكيم ضد المنتخب وفيه ظلم واجحاف لحق لعيبتنا لكن مو لدرجة اربعه صفر وبس |
بصراحة الظروف كانت ضد المنتخب السعودي وهي حالة الجو (المطر) وهذا الاهم وتتكون هنا قوة منتخب أوكرانيا يتميزون بوجود الارضية الرطبة الباردة وخيرها بغيرها للحين عندنا امل للتأهل اولها تعادل تونس مع أوكرانيا وفوز المنتخب السعودي بأي نتيجة ثانياً فوز منتخب تونس بنتيجة مثلاً 1ــ 0 وفوز منتخب السعودية 3 ــ 0 وهذي اشبه بالمستحيل |
المنتخب السعودي نص لاعبينه خوال وش ترجون من خوال |
هذه هي الخلاصة رضا تكر: اخطاء متكرره قلة تركيز وردة فعل بطيئه حمد المنتشري: اكثر من علامة تعجب على مستواه المتدني فلينظر من اختاره افضل لاعب اسيوي الى مستواه كريري : تمريرات خاطئه -كره تائهه مابين رجليه يحاول التخلص من الكره بأي طريقه مبروك زايد اكثر لاعب اضع بجانبه علامه استفهام مستوى غريب وهزيل |
بكل ألم وصراحة انا ما ودي أتكلم بهالموضوع عشان ما يقولون تعصب للأندية وغيره بس عندي سؤال بسيـــــــــط لكم:-:no: تخيلوا ان هدف تونس الثاني وهالاربعة دخلوا بنفس الطريقة لكن على الدعيع ؟؟ الدعيع الا الان متهم بانه سبب الخسارة من هولندا عام 94 :nono: وبعد هالمهزلة من مبروك زايد ولا سمعنا احد يطالب بتغيرر الحارس على الاقل شئ عجيــــــب;) ... |
الحكم انجليزي اوروبي واوكرانيا منتخب اوروبي وما هذا الظلم يا فيفا |
المدرب ما يتحمل أي شيء داخل بالتشكيلة صح بالله تبي المدرب يقول لمبروك زايد صك رجليك لا يجيك كوبري !!!!!!!!!!!! بالله هو اللي قايل لمبروك ازلق إذا جت شوته من بعيد !!!!!!!!!!!!!! هل المدرب قايل اتركوا شفشنكو يسجل الهدف الثالث ويصنع الرابع !!!!!!!!!!! المدرب ممتاز 100% شف نور ومزاجيته تكر ومنتشري ..... لو تبيني أحلف لك أنهم يبون يهزمونا !! كريري ما أدري وش دوره بالملعب ؟؟!! يا أخي بالله وشلون لاعب محترف ما يبي مطر واللي ما يبي شمس واللي ما يبي برد !!! يا أخي وش ذا المفروض اللاعبين يلعبون في أي جو مناسب غير مناسب !!! وبعدين النفخ الاعلامي للاعبين .. والمكافآت على تعادل !! اسف على الاطالة .. لكن والله فشيلة وفضيحة ....... هزايم × هزايم |
رايي المتواضع هدف شيفا فاول لانه دف المنتشري وهناك ضربة جزاء صريحه للسامي سامي |
| الوقت المعتمد في المنتدى بتوقيت جرينتش +3.
الوقت الان » 06:10 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd