اللي عنده خبرة بأجهزة اللابتوب وأنواعها وش رايكم بهذا الجهاز ؟! - نادي الهلال السعودي - شبكة الزعيم

زمان الود · #1 16/06/2006, 07:56 PM

أولا : السلام عليكم

...

ثانيا : قيمة الجهاز 3690 ريال سعودي

وهذا هو الجهاز ...
http://www.jarirbookstore.com/catalo...EW876EAABV.asp

يعني هل سعر هذا الجهاز معقول وممتاز

ولا ما يستاهل

...

وشكرا مقدما للجميع

...

M O U R I N H O · #2 16/06/2006, 08:03 PM

مواصفاته لاباس فيها ..

لكن إذا تبي نصيحتي .. خذ لك Dell أو Toshiba ..

لأن HP ماينفع ..

وانت حر ..

زمان الود · #3 16/06/2006, 08:26 PM

أخوي أنا معك أنه Dell و Toshiba أحسن من Hp
بس dell ما عمري جربته وأنا خايف من الشيء هذا ..
و Toshiba أسعاره غالية , صحيح الزين غالي , لكن نمد رجلينا على قد لحافنا

أما HP فأعرف كم شخص معاه HP و يمدحون فيه خاصة إذا كان استخدام شخصي فقط تحميل برامج قليلة وتصفح الانترنت وتنصيب برامج على الجهاز مهمة مثل الوورد والانتي فايروس ... فقط هذا الاستخدام ...

وثانيا انا راح أشتري 3 أجهزة مو جهاز واحد ...

وشكرا على إبداء رأيك والمشاركة

M O U R I N H O · #4 16/06/2006, 09:59 PM

عندي 3 أجهزة Dell .. كلها ماشية معي تمام ..

Dell تقريباً سعره نفس سعر HP أو أغلى بشوي ..

زمان الود · #5 17/06/2006, 02:04 PM

يعني قصدك Dell أحسن من HP ولا كيف ؟!

رأيك أنت وغيرك يهمني لأنها صراحة ثلاث أجهزة ... ما ودي أشتريها وأتحسف

ومثل ماقلت من السعر من 3000 إلى 3700 ...

وشكرا

M O U R I N H O · #6 17/06/2006, 02:56 PM

ايه هذا إي أقصده ..

Dell أفضل من HP وسعره أغلى بشوي ..

holly_kisss · #7 17/06/2006, 05:59 PM

شوف ... انت اهم شي الحين عندك بالمواصفات لان الحين انا بالنسبة لي كل الاجهزة واحد بس الاختلاف بالمواصفات و طريقة الاستعمال ...
زي ما انت عارف الحين بينزل ويندز جديد اللي هو فيستا انت لازم تاخذ جهاز يتوافق معاه او تنتظر لمن ينزل و هو بينزل بداية عام 2007 ...
انا انصحك مواصفات :
السرعه من 1.86 او اكثر ,,, الرام 512 و طبعا الاحسن 1 جيجا طبعا .. انا انصحك 1 جيجا
كرت الشاشة لا يقل عن 128 لان الفيستا ركزوا على الجرافيكس ...
دايم فكر بالمواصفات ...
وشكرا و بالتوفيق لك ....

زمان الود · #8 18/06/2006, 07:01 PM

مشكورين أخواني ..

طيب عندي سؤال ألحين المواصفات مثل الرام
والهارديسك
وكرت الشاشة مو ممكن توسيعها بعد الشراء ؟!

holly_kisss · #9 18/06/2006, 08:11 PM

بالنسبة للرام طبعا يمكن توسيعه و سعره مو كثير مره يعني اتوقع اذا انت عندك 512 و تبي تخليه 1 جيجا بيكلفك حولي من 170 - 220 على حد علمي يعني .. و بالنسبه للهارد ديسك بصراحه ما اعرف لكن اسهل حل روح اشترلك هارد ديسك خارجي السعه اللي تبيها ( خويي عنده 320 جيجا ) !! و بأستعار جيده ... و بالنسبه لكرت الشاشه ما عندي خبره و الله فيها ..بالتوفيق

الـنـادر · #10 19/06/2006, 05:36 AM

انا عندي acer و عند اخوياي نفس الكمبيوتر وبس المواصفات تختلف

ما اشتكو منه ولا مره

بعدين الـacer حمار كرف

اعرف لك واحد شاشته مكسوره و محرق بسجاير من كل جهه بس شغال زي الحلاوه و لا يعلق و لا قد اشتكى منه

و صراحه انا ودي اغير الـacer الى dell

بس الميزانيه ما تكفي