|
اي مغترب خارج المملكة .. يدخل ابغاه في موضوع مهم؟؟ السلام عليكم طبعاً هذا الموضوع لأي شخص يكون خارج المملكة سواءً للدراسة او للعمل واللي يهمني أكثر الشخص اللي مغترب لغرض الدراسة:yes: الموضوع ومافيه الى كل شخص عايش خارج المملكة حبيت أسئلو كيف الغربة خارج البلاد:sad: وهل هناك اي صعوبات سواء في التعامل الخارجي او حتى من خلال الأكل والشرب وكيف المعيشة بصفة عاااامة:no: لأن احتمال تجيني بعثة الى خارج المملكة لدراسة المرحلة الجامعية ومع العلم انا متخرج هذي السنة ومحتار وين أكمل دراستي في المملكة أو اطلعلي بعثة طبعاً مع العلم انو البعثة شهادتها عالية بس المشكلة في الغربة فهل تنصحوني بالبعثة او اكمل دراستي أفضل في السعودية زي باقي الناس؟؟:sad: ومع ذكر اهم الأسباب أتمنى من كل شخص يقرا الموضوع وهو متواجد خارج المملكة للدراسة ان يضيف ايميلي الموجود في التوقيع حتى اقدر استفيد اكثر واكثر بس كمان مايمنع ان الكل يشارك بالرد وخاصة المغتربين.. وان شاءلله يارب تفيدوني ،، أخوكم ،، عبدالله من مكة |
هلا وغلا حبيبي الدراسه خارج المملكه تختلف يعني بريطانيا ملل وغلا وضيقة الصدر انا في بريطانيا لكن يمدحون كندا وخاصة فانكوفر وترا بتحصل عرب وسعوديين واجد خاصة في بريطانيا وكندا يعني ماعليك خوف انا اول ماجيت كنت خايف وذا والحين تمام لكن ملل اما كندا روعه انا مارحت لكن اسمع عنها اي خدمه والا شي امر |
هلا اخوي انا احد الطلاب المغتربين وادرس بالاردن تحديدا الصراحة الواحد مهما يروح مافي مثل بلده بس الطموح وحب التجربة يجبرك على الغربة وانا برااي الدراسة بالخارج افضل من الدراسة داخل السعودية اقصد افضل للي بيطلع يدرس مو يطلع عشان ........ يعني لو تبغى الدراسة وتبغى الشهادة وعندك طموح انصحك بالدراسة بالخارج اما اذا كنت مو راعي دراسة فالسعودية افضل لك خصوصا وانك بتواجه مشاكل او متاعب كثير بالتوفيق لك اخوي |
ايه اخوي بس كيف الغربة معاك خاصة ان أهلك بعيدين عنك؟؟ وفي الأخير ابغا نصيحة تقدمها ليا تساعدني في اتخاذ قراري |
اخوي لورنس انا اكيييد ابغا الدراسة ولو عن الخراب ترا حتى بالسعودية الواحد مداه يخرب! بس انا اكيد ابغا الدراسة ولا ايش اللي جابرني عالغربة -بس انا ابغاك تقلي ايش واجهت من من مشاكل ومصاعب في دراستك -واي جو مناسب للدراسة في السعودية او في الخراج -وفي الأخير ابغا نصيحة تقدمها ليا تساعدني في اتخاذ قراري |
مافي اي مشاكل ان شاء الله من ناحية الدراسة بتواجهك مشكلة اللغة غالبية البلاد تدريسهم باللغة الانجليزية ويمكن تواجه صعوبة التعود على البلد وطيقة عيشهم وتعاملهم في ناس كثير اعرفهم يعني درس ترم او سنة وترك الدراسة بس اللي يبغى يدرس يدرس مهما كان الجو موفق ان شاء الله واي سؤال او استفسار تبغاه حاضرين |
والله ياخوك صحيح الغربة صعبة .. لكن مادامها مدة وتروح مايهم .. تروح الايام وانا اخوك .. توكل عى الله بس .. بالنسبة لتعامل الناس الصراحة فيه وفيه .. والغلاء فاحش جدا في بريطانيا .. |
والله تختلف من مكان لاخر ومن شعب لشعب....لكن والله الغربة شينة وضيقة صدر واذا كان قدرت تدخل احد الجامعات في المملكة وتتخصص في احد كليات الطب او الهندسة او الصيدلة ... فوالله اصرف لك عند اهلك تعطل معهم وتدرس مع الناس وتصوم وتعيد عند اهلك والله تفرق كثير...هذا بالإضافة الى مخاطر الغربة وكثرة الفتن ورفقاء السؤ...وهذي نصيحة مجرب((لكن صل الإستخارة وشاور اكثر..وبالتوفيق )) |
هلا اخوي انا مجرب كندا و امريكا **أمريكا ** *بلد راقيه جدا جدا جدا .. *شعبها من اروع الشعوب و هم لطيفين جدا .. لدرجة عزوني في الملك فهد الله يرحمه و هو يحترم المسلمين كثيرا * ارخص من اوروبا و كندا بكثيييييير .. * الاكل من احسن ما يكون اذا كنت في عائله * في كل منطقه فيها مسجد و الناس تحترم هذه المساجد * اتحدااااااااااااااااك تمشي و تنظر في واحد او وحده و ما يبتسملك * فيها اماكن تجمع (((( سعوديين )))) * من احلى المدن ( لوس انجيلوس) * احلى الاسواق فيها و احلى الترفيه فيها **** من ناحية التعليم .. اقوى التعليم تجده فيها .. و اذا تخرجت من جامعه بامريكا تتوظف براتب اكثر من انك متخرج من اي بلد و انا مستعد لأي استفسار |
إقتباس:
والله أمريكـا بلد حضاري جدا جداً .. تمنيت نكون فيـها .. شعب فعلاً رائع .. مشكلتهم حكومتهم بس :d |
مشكوووور اخوي لورنس بس انا حتعبك معايا وابغاك تستحملني شوية .... بالنسبة لخويانك اللي وقفو الدراسة ورجعوا انا خايف اكون منهم وارجع خوفي من الوضع والغربة تكفى لورنس انا متردد عالعموم انا راح اضيفك عندي بالأيميل وان شاءلله نتواصل واستفيد منك وعاد كمان نبغا من باقي الشباب يشاركونا |
أنا ما عندي شئ بس ابدعيلك أن الله يوفقك للي في الخيرر وبالتوفيق إن شاء الله !! |
لو تعلمنا بالظبط وين رايح يكو ن احسن ... لأن الاماكن تختلف .. لكن عموما انا في بريطانيا وكلش تمام اهلي مافقدتهم مرررة لأني متعود والدراسه بالخارج افضل لي ماوراك شغل غير دراستك واذا رجعت تكون معك شهاده زينه لو انك بالسعوديه ماراح تركز زين يعني اخوياك وذا وطلعات بس برا زين عموما صل الاستخاره والله ييسرلك بالتوفيق |
هلا اخوي انا مجرب كندا و امريكا **أمريكا ** *بلد راقيه جدا جدا جدا .. *شعبها من اروع الشعوب و هم لطيفين جدا .. لدرجة عزوني في الملك فهد الله يرحمه و هو يحترم المسلمين كثيرا * ارخص من اوروبا و كندا بكثيييييير .. * الاكل من احسن ما يكون اذا كنت في عائله * في كل منطقه فيها مسجد و الناس تحترم هذه المساجد * اتحدااااااااااااااااك تمشي و تنظر في واحد او وحده و ما يبتسملك * فيها اماكن تجمع (((( سعوديين )))) * من احلى المدن ( لوس انجيلوس) * احلى الاسواق فيها و احلى الترفيه فيها **** من ناحية التعليم .. اقوى التعليم تجده فيها .. و اذا تخرجت من جامعه بامريكا تتوظف براتب اكثر من انك متخرج من اي بلد نـــــفس كلامـ اخــــوي اللي فـــي أمـــريكـــا :) :) انا عن نفسي انصحك بأمريكـــا,, |
هلا اخوي شوف انا كنت في كندا وبالتحديد فانكوفر والله كانت من اروع ما يكون بس لي فتره راجع السعوديه عشان بسجل في البعثه ان شاء الله... وبالنسبه للدراسه خارج المملكه اول الايام بتكون صعبه عليك مره بتشتاق لأهلك بس مع الوقت عادي واكيد تجيب شهادة من برا بتكون احسن بمليون مره خصوصا اذا كان التخصص مو موجود هنا بالسعوديه عموما الله يوفقك ويوفقني ويوفق كل اللي بيدرسون برا وهنا آمين |
| الوقت المعتمد في المنتدى بتوقيت جرينتش +3.
الوقت الان » 09:47 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd