مشاهداتي بعد الدور الأول

السلام عليكم
كيفنكم شباب و شبابات

بما أني ماهر في ملاحظة ادق التفاصيل فسأملي عليكم ما لاحظته بعد نهاية الدور الأول من كاس العالم لكرة القدم

فأنا مهارتي في الملاحظة كمهارة سامي الجابر في التسجيل (الأهداف طبعا) ومهارة يوسف في التسحيب وتشقيق الكباريات (وهي أن تدخل الكورة ما بين قدمين اللاعب اللي قدامك اواللي وراك أو فالسماء ميب مشكلة )

وعلى طاري سامي الجابر الله يذكر عادل إمام بالخير <<< ما عندي سالفة صح

المهم على طاري سامي ويوسف كنا ناظر مباراة المنتخب وتونس أنا وأخواني ومعنا الوالد (حطوا تحتها خطين الوالد ذي ) كان اللي يحلل المباراة ماجد عبدالله أخوي الصغير ما يعرف ماجد عبدالله فسأل أبوي قاله: من هذا. رد عليه ابوي(ترى أبوي هو نفسه الوالد لأن بعض الناس يختلف عندهم) قال: هذا احسن لاعب سوداني احترف بالمملكة .

مع تقديري لماجد عبد الله

المهم نرجع لمحور حديثنا اللي هو الملاحظات المرتبة من الأخطر إلى اللي هه وهه
إلى اللي ما عندي سالفة.

الملاحظة الأولى :

1- تصدقون إن في المانيا ما فيه لحاقين كور .
الملاحظة الثانية:
2- بدال لحاقين الكور حاطين لحاقات كور يعني حرمات <<< شتسون واحد أمنية حياة يصير لحاق كور

الملاحظة الثالثة :
3- إن الجمهور نصهم صحفيين والنص الثاني أعضاء التنظيم <<صدق ما عندي سالفة

الملاحظة الأخيرة اللي محد في العالم لاحظها
إن المنتخب تعادل <<< يا زيني ساكت صدق


المهم في النهاية أبقولكم سالوفة بس أخاف أطول عليكم

فمان الله

وانتظروا ملاحظاتي بعد الجولة الثانية

يا ثقل دمي