|
امام اوكرانيا لا مجال للتحفظ يامستر باكيتا ؟ هارد لك لجميع الشعب السعودي ومبروك على هذه الروح والإصرار والعزيمة والعودة لأجواء المونديال بهذا اللقاء الجيدامام الشقيق التونسي ولا اقول غير جيد ..!! حقيقة باكيتا لا يزال يجهل هوية اللاعب السعودي فاللاعب السعودي شجاع وقادر على مواجهة أي خصم يقابلة لأنه يهوى الصعاب انا لا ألوم باكيتا ولكن يجب على باكيتا أن يعرف بأن المباراة القادمة هي الفرصة الأخيرة للأخضر للبقاء أطول فترة ممكنه في المونديال ويجب أن يفكّر جيداً بالثلاث نقاط امام الفارس الأوروبي الجريح اوكرانيا ويجب عليه استغلال موقف الأوكرانيين الحالي والضغط عليهم من البداية على امل تسجيل هدف مبكر قد يكون كفيلاً في لخبطة اوراق هذه المجموعة والأهم من هذا كله أن يدرك السيد باكيتاً أن لقائنا الأخير امام المنتخب العنيد الأسباني سيكون صعب وسنلعب وقتها لفارق الأهداف المسجله فقط ..!! فأتمنى من كل قلبي أن يكون التركيز منصب على اللقاء القادم وأن يدخل باكيتا بكل ثقله في لقاء أوكرانيا فهي الأمل المنتظر لعبورنا للدور القادم بإذن الله 000 :rolleyes: |
المهم تكر لايلعب |
باكيتا الى الان لم يعرف امكانيات الاعبين وخايف ان يخرب سمعته على حسابنا وينهزم المنتخب بنتيجة كبيره مثل 2002........... اذا مع تونس لعب 5-4- 1 ولا نفعت وجاء في المنتخب هدف وبعدين عدل ومشت الاموور وتعادلنا .... مدرب خواف وحتى وهو مع نادي الهلال يعتمد على الدفاع اولا .. يعني بالعربي انسى يهاجم .. ياسر لوحده في الهجوم ........ واذا جاء فيه هدف راح يعدل التشكيلة ... واوكرانيا راح تلعب مباراة المنتخب يا قاتل يا مقتول ..... واخوياك يخافووون من الفرق الاوربية ... وانواع الارتباك راح يصيررررررررررر...... والله يعين |
امام اوكرانيا لازم يلعب بمهاجمين سامي ولا مالك معاذ واتمنى يلعب الشلهوب من بداية المباراة |
شكراً على مروركم وباكيتاً ياناس مدرب جبان حتى وإن كان لديه لاعبين متمكنين بالناحية الهجومية وصدقوني امام أوكرانيا لاتفكرون بالنقاط الثلاث فكروا بالنقطة الوحيدة هذا في حالة التعادل وشكلها والله اعلم النتيجة اوكرانية 100% والمباراة الأخيرة بين تونس واوكرانيا هي اللتي ستحدد الفريق المتاهل الثاني مع الأسبان هذا السيناريو المتوقع ورااااااااااااح تشوووووووووفووووووووووون |
انشاءالله يكون المدرب أعتبر من المباراة الأولى لازم يثق في اللاعب السعودي ولا يلعب بتحفظ مبالغ فيه مثل ما استطعنا من قبل أن نهزم بلجيكا نستطيع الان بإذن الله أن نهزم اوكرانيا |
الحمدلله ان ولا واحد فيكم مدرب المنتخب ولا مسؤل عنه ! اظاهر المنتخب بقابل سيرلنكا ولا بنغلاديش عشان يفتح اللعب ويتبادل الهجمات ! هذي اوكرانيا مهب اي منتخب! اما قدرات اللاعب السعودي كثر منها ! قدراته شفناها ايام 8-0 وقبلها 4-0 مع فرنسا واخر وحده 5-0 ومن العراق ! خلوكم واقعيين لاعيبتنا ولا واحد فيهم محترف خارجيا تبونهم يهاجمون فرق متقدمة علينا بمراحل عشان ياكل 8-0 من جديد لا قدر الله ! الا نبي باكيتا يلعب دفاع ومهاجم مانبي الا واحد ويتراجع للدفاع بعد اذا مسكوا الاوكرانيين الكورة ........ |
عاد تصدقون لو بيدي التشكيله كان حطيت 5-4-1 لان ياأخوان اوكرانيا ماهي سهله وتلعب على الفوز بس يمكن باكيتا عندهـ حلول اكثر لتجاوز الاوكراني سهلاً |
اتمنى يدعم الوسط مثل الشلهوب او امين اخوكم هلالي المحبة |
ياحليل بعض الأحلام ،،،،،،، ياشباب ترى الكره الأفريقية والآسيويه ماوصلت ربع الكره الأوربيه ،،،، يعني مع أوكرانيا التعادل فوز ،،، وأعرفوا مستواكم ومستوى وعقلية لاعبيكم قبل أي أحلام ،،،، هل شاهدتم تكر وهو يحاول عرقلة لاعب تونس في أول خمس دقايق وفي خط الثمانية عشر !!! بأي عقلية يلعب هذا ؟ هل شاهدتم منتشري وهو يتخاذل في مداخلة اللاعب التونسي في آخر دقيقه ليحولها التونسي لزميله داخل الثمانية عشر !!! بأي عقلية يلعب هذا ؟ هل شاهدتم الدوخي وهو يتفرج على الاعب التونسي ليرفع الكره لزميله الوحيد وغير المراقب خلف الدوخي ليحول الكره للمرمى هدف قاتل وتعادل قهر فيه كل السعوديين !!! بأي عقلية يلعب هذا ؟ هل شاهدتم نواف التمياط وهو يلعب للدعايه ويصوب على المرمى التونسي من كل مكان وكأنه عبدالله جمعان على غفله بينما زملاؤه على يمينه وشماله ولايمرر لهم !!! بأي عقلية يلعب هذا ؟ هل شاهدتم بعض الجماهير التي ترشح كل يوم لاعب للإحتراف خارجياً !!! بينما الحقيقه أن بعض اللاعبين لايستحون حتى تمثيل المنتخب !!! بأي عقلية يفكر هؤلاء ؟ تحياتي لكم ولست متشائماً ولكن كونوا واقعيين ولاترموا كل شي على المدرب ،، فهذا المدرب اخذ كأس العالم حينما كان لديه لاعببين بمعنى لاعبين . |
أخونا صالح مقبول كلامك منطقي وفي محله .. وأتفق معاك في المضمون .. ولكن شخصيا .. ما أقول حلم .. لأن حلم كل السعوديين .. بس أتوقع نتيجة تكون مفاجاة وكل شي وارد خاص في كأس العالم في 94 قبل ما نلعب مع بلجيكا اللي ابدعت أمام هولندا .. كنا متخوفين من لاعب صغير السن أصله صربي أو كرواتي .. أظنه رقم 17.. هذا كان في الدوري ضربة راس وهو مغمض والقول ماعنده كلام .. عجز قدام الدعيع .. مرة يمين مرة شمال .. العارضه تصد كورت .. إليما فزنا 1/0 (وليلحين البعض يقول شرينا المباراة) أتوقع لو لعيبتنا لعبوا بتكتيك مشابه ومثل ماسوت اليونان في يورو 2004 .. ممكن نفوز 1/0 ليش لا ؟!! خاصة لو قفلنا شيفا لعبنا نقلة لمسة وحدة بالنص .. على فكرة .. تراها بطالب واحد من الربع بذبيحة لو فزنا ..:clap: |
ياشباب تفائلوا بالخير تجدوه انشالله الفوز والتاهل من نصيبنا اللهم امين بعدين الله يهديكم المدرب الجبان اللي اسمه باكيتا جاب خمس بطولات للهلال ورا بعض واخذ بالبرازيل كاس العالم درجة الشباب والناشئين الله يهديكم بس وانا انشالله متفائل خير في مباراة اوكرانيا اولا مهوب ذاك المنتخب الخطر وبعدين توهم مهزومين باربعه وشفتوا مستواهم وباكيتا مدرب ذكي يقرا المنتخب المقابل الشوط الاول ويمزمز عليه الشوط الثاني وخير دليل مع تونس وراحت الرهبه اللي في اللاعبين وشفتوهم الشوط الاول مع تونس هم خايفين انهم يكررون مونديال 2002 بس شدوا حيلهم والحمدلله راحت الرهبه المهم طولت ويبست اصابعي انا متفائل خير وان ماتاهلنا قدر الله وماشاء فعل ومشكور على الموضوع |
ياليت يلعب بمهاجمين من أول الشووووووط |
ياناس لو قلتو يلعب بمحورين وينظزل لاعب وسط مافيه مشكله بس تقولون يلعب مهاجم بس على العموم باكيتا قال راح افاجئ الاكران |
| الوقت المعتمد في المنتدى بتوقيت جرينتش +3.
الوقت الان » 04:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd