وش رايكم بمستوى نواف اليوم؟؟
 

السلام عليكم

حبيت أسألكم وش رأيكم بمستوى نواف التمياط أنا في رأيي أنه لم يلعب للمنتخب بل كان يلعب لنفسه

أو بمعنى أصح يروج لنفسه لعل وعسى أن يجد عرض من أحد الأنديه الأروبيه

بصراحه كان سيء جدا جدا جدا

لم أجد أي شيء يشفع له في المباراه أننا نمدحه وأنا كلامي هنا أوجهه للي فاهمين كوره صح

وعلى الرغم من إختلافنا مع نور حينما يكون مع الإتحاد لكن اليوم يمثل الوطن ومثله خير تمثيل وماقصر

ونقولله بدون تعصب ماقصرت يانور وربي يعطيك ألف عافيه على مستواك أنت وزملائك اللاعبين بإستثناء نواف

الذي يبحث عن عروض وحتى باكيتا تنبه لهذه الشيء وأخرجه وأنا متأكد أنه التمياط في المباراه المقبله لن يشارك

حيث من المتوقع أن يشارك بدلا عنه محمد أمين أو سامي الجابر

أتمنى سماع رأيكم حول نواف هل توافقوني أم لكم رأي آخر

الموضوع مفتوح للنقاش.

مشكور على الموضوع

ولكن لم يكن بذلك المستوى

زظهر بأداء عادي




تقبل تحياتي

للاسف يالحبيب كلامك سليم

ياليت سامي داخل مبكر مكان نواف كان والله بننجم بالمباراة

كلامك صحيح لأن نواف سئ وسئ للغايه اليوم
وكان يحتفظ بالكوره كثير واذا مرره يمررها اي كلام
وكان يبي يجيب هدف والسلام

من سيئ لأسوئ !!!
هذا مصير كل من يساوم الهلال ..

الظاهر الحبيب ما شفت الفرصه اللي ضيعها ممادو نور كان سحبت إشادتك فيه !!!

كلام حكيم

نواف سي ولكن اليوم وبس ان شاء الله


وبعدين وهو بشر مو كمبيوتر ومتوقعين من ابو بندر الكثير

يا شباب أنا أعتقد ان سوء مستوى نواف مو عشان الاستعراض قدام الفرق الاوربية لو كان هذا قصده كان شفتوه يحرث الملعب حرث نواف في شي شاغل باله لانه ما كان مركز اغلب وقت المباراة

نواف اناني ولا ابيه يلعب

خــــــــــــــــــــــــــــــــــــــــــــــــــلاص

وقفوا عند حدكم صغار ويتكلمون على نووووواف

وشلون يلعب لنفسه ويوم سجل سامي الهدف

شفت دموعه تنزل ابغى افهم فهموني؟؟؟؟؟

ونواف طول المباره كانت عليه مراقبه ماكانت على نور

ولا غيره من الاعبين من رقم ثلاثه كان يضرب نواف ضرب

وكان يستحق البطاقه الحمرا ونواف تسبب في ضربتين حره

لو كان في المنتخب من يسدد مثل هالضربات كان استفدنا منها

وكل كور نواف اليوم سليمه ولا وحده مقطوعه يالي تقول مقطوعه

وكانت احتكاكته سليمه ويقطع كور ياناس افهموا


نواف افضل خط وسط طلع بعد يوسف الثنيان والله الشلهوب مايقارن فيه

وانت الي تقول مانبيه انت الي مانبيك

الاسد هذا مو اول موضوع اشوفه لك في الاستهزاء بنواف وامكانياته

اذا كنت لاتقتنع بنواف فانا لااقتنع بهلاليتك ولا وطنيتك وهذا كلامي لك ياقطو مو اسد

هلا أخواني

قاهر الاتحاديين:يسلموا على المرور وأداءه لم يكن عادي بل كان سيء بكل ماتحمله الكلمه من سيء.

الرّحال الأزرق:يسلموا على المرور وأنت ثاني المؤيدين لكلامي.

آخر فرصة:وهذه الي بنشوفه إن شاء الله في مباراه أوكرانيا وأنت ثالث المؤيدين.

رونالد10ينو:للأسف يدور له عروض على حساب المنتخب وأنت رابع المؤيدين.

~~~لؤلؤة الزعيم~~~:بالفعل حتى فاولات من متى نواف يشوت فاولات لو خلى عبد الغني يشوت ولا رضا تكر أحسن

منه على الأقل يحطونها في الباب هو نواف في الهلال عمره ماشات يجي يشوت في كأس العالم بس أعيد وأزيد

وأقولها نواف يبحث عن عرض لنفسه بطريقه مكشوفه يعني حتى لو فريق أوروبي شافه راح يقول هذه يبي عرض

بالعافيه فما بال حنا حرق أعصابنا أمس على العموم يسلموا على مرورك وأنتي خامس المؤيدين.

abufaisal99:صدقت إذا هذه مستواه خمس الآف وتخب عليه أما محمد نور كنت أتمنى منك تنطق اسمه بالشكل الصحيح لأني

مثل ماقلت لك هم يمثلون الوطن أما إذا كانوا في الإتحاد حش فيهم لين ماتقول بس حتى لو تشوف مشاركاتي القديمه

تجد أني حاش فيهم ومقطعهم واحد واحد لكنهم دام الآن يمثلون الوطن فكلهم على رؤسنا هذه أولا

ثانيا: بالنسبه للهجمه ماأعتقد أنها راح تمحي ايجابياته في المباراه خصوصا أنه كانت توجد مضايقه من الدفاع له

وهو حاول فيها لكنها كانت صعبه جدا حتى لوتلاحظ أنه حاول يحطها في الزوايه البعيده عن الحارس لأنه لوحطها

صح كانت مسكها الحارس بالراحه لكنه شاتها بوجه رجله وضاعت وثانيا شف التمريره الي ناولها لياسر

وأيضا القناص ماقصر لأن هذه الكره لوجت لأي مهاجم آخر كانت ممكن تضيع وأنت سادس المؤيدين.

الهـ محمد ـلالي:هلا والله يالي مطلع ريحه النصراوين:d يسلموا على مرورك وأنت سابع المؤيدين.

كاتم:أنا داري لكننا نعلم أنه كان بإمكان نواف أن يقدم أفضل من كذا لكنه عشان يفكر بالعروض الي بتجيه

ظهر مستواه بهذه المستوى السيء وأنت ثامن المؤيدين.

نخبة الزعيم:يعني أنت مبدئيا متفق معي أنه نواف اليوم كان سيء وأنت تقول في شيء شاغل باله وأنا أقول كلامك

صحيح بس الي شاغل باله هو الإحتراف الخارجي وأنت تاسع المؤيدين.

crazy_boy1984:يسلموا على المرور وأنت عاشر المؤيدين.

صدقت والله ضاعت لنا كم كوره بسببه

والله ابو بندر مادري شنو صاابة امس
بس انشاء الله مايقصر بالمبارة القادمة