السلام عليكم ورحمة الله وبركاته

كيف الحال شباب وصبايا<<<<<<< يقاله سوري


الزبدة فالزبدة

نبي نخش بالموضوع بدون بوري

هنا استقبل مشاعركم عن مباراتنا اليوم

بالنسبة لمشاعري

ياخي ماعجبني شي يقهر واستعدادات ومدري ايش وعروض مغرية من سلطان بن فهد


باخرته دفاع اللحوج الاتهاد ينكبون ياخي وراه مايوخر هالتكر ويطبب البحري

والمفروض يلعب بخطة اربعة اربعة اثنين ويخلي سام وانهبلي ثابت بكل المباريات ويشكل بين ياسر ومالك بجمبه هجوم


والله ان يطلع الاخضر كذا



والله اليوم اني تغذبت قسم بالله اني انقهرت رجل اختي معه الكرت ونظرت عنده اسبانيا واكرانيا وجا ودا اختي لم بيتنا

وهو راح للإستراحة قالي مظمونه المباراة السعودية تبي تنقل على قناة عين اي ار تي

وصدقته انا <<<<<<< والله من الدباشة يصدق اي شي

المهم وجت الساعه 7 هه وين المباراة ياولد وواثره مهب منقولة

وجاء جدي عندنا وعاد ماعندنا الا تلفزيون(ن) زين واحد والبلشة انه عند جدي وجدي تعبان توه طالع من المستشفى

وقلق ورحت جبت معلاق وحاولت وامي تقول الله ينزعك الله ينزعك سيف حسرتبنا

والمهم حاولت عجزت ثم قلت لجدي ابروح مع سواقكم ابشتري انتل قالي لا والبقالة بعيدة مررررررررة

وجزمت اروح لم البقالة اشتري انتل ورحت شريت ورجعت الا اني شارب جيك كامل بنفس واحد من التعب والركض

وباخرته طلع ايش طلع خربان راسه الله يخرب راس اللي باع لي الانتل قلت لنفسي اروح للبقالة ارجع والله البقالة بعيييييدة مالي خلق

وعاد واخذت المعلاق وحاولت والله وبدت تطلع الصورة وعيوني انا تدمع اربع اربع

وبدقيقة 77 زان علي واشوف وهدف لسامي وانهبل قسم بالله ماصدقت

وباخرته يجي هدف باااااااااااارد لتونس باخر الدقايق من نكبت دفاع هاللحوج

قسم بالله مافيه خبرة ولعب زي الناس وتعامل مع الكورة عن انه كاس العالم الا لاعبين الهلال والله لو الهلال يصير منتخب كان الحين فايز

بس متخلفين هالدفاع فيه افضل لاعب باسيا وماشفنا الا اخيس لاعب باسيا كلهم حقين الاتهاد



اهم شي انكم تحطون بذيا مشاعركم وفضفض هنيا عن المباراة مب جحده تجحدون

يله طولت عليكم

تحياتي