#1  
قديم 25/09/2001, 07:04 PM
زعيــم متواصــل
تاريخ التسجيل: 23/07/2001
المكان: الرياض
مشاركات: 140
Cool خلافي مع (عاشق النمر)..تعالوا واحكموا بيننا

هاي اخواني وحبايبي....
هذا نص الحوار اللي دار بيني وبين العضو عاشق النمر أمس على المسنجر، واللي تهاوشنا فيه وتضاربنا.

الحنووون:
السلام عليكم ابو وليد <== ذكرني بمطعم وليد.

عاشق النمر:
آآآه...وعليكم السلام،خير؟؟

الحنووون:
ياخي وش فيك ترد بدون نفس؟؟ من اللي غاصبك تسولف معي؟

عاشق النمر:
ترى توني متضارب مع الحلاق...ولالي خلق احد...!!!

الحنووون:
ليش؟؟ وش السالفه ابو وليد؟

عاشق النمر:
لا سالفه ولاش...دخلت الحلاق بأحلق فرنسيه...حلقني موس ولد الأيه.

الحنووون:
بعدين وش سويت له يالذيب؟ :p

عاشق النمر:
جلست الهندي على الكرسي وجبت الموس وحطيت حرتي بوجهه..

الحنووون:
يووووووه....تصدق توني اعرف انك قوي،، ماتنفخ الا على العماله يالداج

عاشق النمر:
انا داج؟؟ لو بأحلف انك ما (تسطي) تذبح دجاجه يالدجاجه.

الحنووون:
شف شف شف....تراها طالت وشمخت ياهوه، وقف عندك لا أتمردغ ببطنك.

عاشق النمر:
اسمع عاد من اللي يتكلم...انت لو تشوف وش صار بوجه الحلاق كان انطميت ولا فقيت أثمك.

الحنووون:
يممممممه....خوفتاني ياشيخ،، ماخفت من باباي وفاندام اخاف منك انت ووجهك يالمتعجرف <=== متعوب عليها هالكلمة:p :p

عاشق النمر:
اقول تضارب؟؟؟

يرغب الحنووون في إرسال ملف (jbg مسدس) في انتظار قبول الطلب

تم قبول الطلب من عاشق النمر....جاري نقل الملف.

المهم بعد ما استقبل ابو وليد الملف...طلعت لي رساله>>
قد لا يرد لأنه غير متصل او غير موجود على قيد الحياة.
____________________________________________________

عاد كل اللي ابيه منكم تحكمون بيني وبينه...من تتوقعون الغلطان على الثاني...ومن اللي المفروض يروح يتأسف؟؟



ترى كل هالسالفه من اختلاقي.....ولا صار بيني وبينه اي شيء،، بس حبيت ارفع ضغطه شوي، نيهاهاهاها
اضافة رد مع اقتباس
  #2  
قديم 25/09/2001, 07:22 PM
زعيــم فعــال
تاريخ التسجيل: 21/08/2001
المكان: الرياض
مشاركات: 475
السلام

قهر ماتزعلوا

امزح لا تصدق عاد

تصدق عاد خيالك واسع قعد تفكر بهل حوار الرائع والطريف
اضافة رد مع اقتباس
  #3  
قديم 25/09/2001, 09:01 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
مادام وصلت الأمور لهذه الدرجة ... وبعد جايبين أسمي في الحوار مع زيادة بعض الحروف أقول نرفع القضية لحلال العقد رامبو

يقفل موضوعك ومشاركاتك أنت واياه / عاشق النمر ... الا أشعار أخر :p


ماعندي حل غيرة

احد عندة حل أخر

ترى ماعندهم مانع

ترى انا ماعندي مانع
اضافة رد مع اقتباس
  #4  
قديم 25/09/2001, 09:17 PM
زعيــم مميــز
تاريخ التسجيل: 02/12/2000
المكان: أدغال فيتنام
مشاركات: 1,777
بعد رفع موضوع الخلاف إلى مقامنا السامي من الأخ J.A.J قررنا ماهو آت :

- قفل هذا الموضوع بآخر موديل من شحنة الأقفال الجديده المستورده خصيصا من ألمانيا باللون الفوشي ,,,

- إيقاف العضوين ( الحنووون - عاشق التمر ) إلى أجل غير مسمى ,,,

- رفع ملفاتهم الشخصيه إلى وكالة الإستخبارات الأمريكيه ( C.I.A ) للإشتباه في تعاملهم مع منظمات إرهابيه ,,,

- إحالة أوراقهم لمحكمة التمييز للمصادقه على الحكم الصادر بحقهم وهو الإعدام رميا بالزبيريات ,,,

- هع

اخر تعديل كان بواسطة » ابراهيم النجيدي في يوم » 25/09/2001 عند الساعة » 09:22 PM
اضافة رد مع اقتباس
  #5  
قديم 25/09/2001, 09:57 PM
زعيــم نشيــط
تاريخ التسجيل: 20/04/2001
المكان: أيام الأسبوع بالبحرين والويكند بالسويدي
مشاركات: 630
هلا اخوى ابراهيم

ياليتك تعلمنا هم بأى توقيف الحاير و الا الملز

وتعلمنا موعد الزيارة الساعه كم

واحدن فيهم ودى ازوره خابره يحب الطحينيه.

<<< واحد زعلان على خويه.
اضافة رد مع اقتباس
  #6  
قديم 25/09/2001, 10:07 PM
زعيــم مميــز
تاريخ التسجيل: 20/12/2000
المكان: (@ د @)
مشاركات: 1,802
تكفى طحينيه وخبز تميس


انا ابعرف وش ذنبي انا
اضافة رد مع اقتباس
  #7  
قديم 25/09/2001, 10:32 PM
زعيــم فعــال
تاريخ التسجيل: 03/03/2001
المكان: الرياض
مشاركات: 388
الله يرجك والله اني قريت الموضوع مرتين عشان اعرف مين فيكم الي غلطان
اضافة رد مع اقتباس
  #8  
قديم 25/09/2001, 11:00 PM
زعيــم متواصــل
تاريخ التسجيل: 23/07/2001
المكان: الرياض
مشاركات: 140
Cool

محب الفن الازرق :
اقول...ياحبك للشر
بس تصدق انك اعجبتني يوم انك ما حكمت بيننا،ادري انك بتودينا بخرايطها.



J.A.J :
انت شكل اهلك ماطبخوا لك عشاء...وجاي تحتك بالهاهاي مثلي:
ههههههه....الف شكر على المشاركه ولو انها جابت لي المشاكل الله يهديك.


ابراهيم النجيدي:
فوشي هاه؟؟
والله لو بحلف انك ماعرفت هاللون الا يوم رحت مع اهلك للخياط..
والا انت حدك اخضر و زيزفوني...واذا خربتها قلت بنفسجي:p

لكن لا أوصيك تكف...خل موضوع الإيقاف بيننا لا تشين سمعتنا عند الشباب.:p :p


عاشق النمر:
انت اللي جنيت على نفسك..
بس اشوى انك حي الى الحين، ياخي احسب اني استاثمت فيك وذبحتك.


ريمانة:
المشكله انك قريتيه مرتين ولا حكمتي بيننا...
بإنتظار قرار الحكم من سعادتكم، وشكرا على المشاركة.
اضافة رد مع اقتباس
  #9  
قديم 25/09/2001, 11:15 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
الحنووون :- مابعد تعشيت والظاهر اني بأنوم على لحم بطني ... بس كلاني بطني من الطحينية والتميس ماراح يجيني نوم

أخخخخخخخخخخ جعت من ريحت الطحينية والتميس بالسمن البلدي... وعلى الهواء.
ومعها حليب ساخن مطعم بنكهة الهيل + جبنة بلدي مملحة ... ؟

















الحنووون :- وين العشاء ..........؟



أضافة مجانية :- عسل سدر حضرمي مجاني ممكن
اضافة رد مع اقتباس
  #10  
قديم 25/09/2001, 11:37 PM
زعيــم فعــال
تاريخ التسجيل: 01/01/2001
المكان: K.S.A
مشاركات: 435
الله يرجك يالحنننننون
اضافة رد مع اقتباس
  #11  
قديم 25/09/2001, 11:51 PM
زعيــم متواصــل
تاريخ التسجيل: 23/07/2001
المكان: الرياض
مشاركات: 140
J.A.J :
قم بس قم


سعود279 :
ليه قالوا اك انا بيبسيه ام نص
مشكور على المشاركه.



وين الباقين؟؟؟؟؟
اضافة رد مع اقتباس
  #12  
قديم 26/09/2001, 02:58 AM
زعيــم نشيــط
تاريخ التسجيل: 05/06/2001
مشاركات: 996
الله يهديك بس ..

قطعت الاتصال على بالي باحل المشكله بكل ما اوتيت من تمعن وحكمه وحنكه ..

وآخرتها طلعت دلع ..


على العموم .. الغلط منك انت .. لانك انت اللي بديت وقلت له داج ..



والمشكله انكم كلكم داجين .. :p :p

اما الحكم فهو عند المتخصص( جاج ) , كويه مع لسانك في مواضع نطق حرف الدال والالف والجيم , بعدها ماتقول الكلمه مره ثانيه ..


( فلسفه زايده )

تحياتي ,,
اضافة رد مع اقتباس
  #13  
قديم 26/09/2001, 10:14 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
## الا وش رائكم تصالحون وترائ الصلح خير ياجماعة ...
اضافة رد مع اقتباس
  #14  
قديم 27/09/2001, 12:12 AM
زعيــم فعــال
تاريخ التسجيل: 03/03/2001
المكان: الرياض
مشاركات: 388
بعد التدقيق والتمحيص في المشكله قررت مايلي :
1-الحكم على عاشق النمر بدفع غرامه ماليه لي انا شخصيا وقدرها 20000ريال امريكي
2-الحكم على الحنون بتهميز عاشق النمر كل يوم لمده ساعه ونص مع البوديكير والمونيكير
3- والحكم الاخير هو الزج بكما في السجن العام وذلك لازعاجكما للسلطات
وسيكون حد القصاص يوم الجمعه الي فاتت الموافق 6/15/1322م
وذلك ردعا لامثالكما ولمن تسول نفسه بنشر الفساد والمخدرات في بلادنا الامنه


طق طق رفعت الجلسه
اضافة رد مع اقتباس
  #15  
قديم 27/09/2001, 01:11 AM
زعيــم متواصــل
تاريخ التسجيل: 23/07/2001
المكان: الرياض
مشاركات: 140
Cool

عنود الصيد20002:
قولي آمين..
جعلك ماتصيرين قاضيه والا واليه عشان مايروحون الشعب بشربة ميّه
نيهاهاههها


حبي تيماوي:
ياخي ليش مايجي هو ويصالحني....هو الغلطان




ريمانة:
يوووووووووووووه
لالالالالالالالالالالالالالالالالالالالالالا

ارحمني يامقرم ياسفاح
اقول..كل اليوم وعاشق قاعد يدور ريال امريكي في البنوك
وانا مسيكين...مابقى احد ماسألته وش البوديكير،
والمشكله كل ماسألت واحد صفقني...شكله شيء خطير.والله اني مزنوووق
بس تصدقين...حلوة كلمة (الزج) متعوب عليها.
الا ورى مايصير القصاص يوم الخميس عشان الجمعه بنحضر مباراة المنتخب مع البحرين
بعدين وين المخدرات؟؟؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:01 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube