السلام عليكم ورحمه الله وبركاته :

أخواني الهلاليين والوطنيين ... السلام عليكم ورحمه الله وبركاته

في الحقيقه مادعاني أن اكتب في هذا الموضوع هو ماشاهدته وسمعته

من كثير من الأخوه الهلاليين وحتى اللاهلاليين . اليكم ماحصل معي:

في يوم الجمعه في تمام الساعه التاسعه والنصف تقريباً

أو عشر ماني متذكر بالضبط المهم أن الدعوه ليل في ليل وضلام دامس ماتشوف أي شي وذلك بحكم عملي في منطقه وعره ورمليه

مايهم المهم قمت من النوم مفزوع , ياولد المباراه راحت عليك
ولا شفتها وش صار فيها من اللي فاز من اللي منهزم والله حاله

هذي والله المشكله , هاللحين أنا مركب الساعه على 5:30 وعطيتها ركبه ولا قمت عادي مثل كل الناس بس المشكله أن المنتخب بيلعب مباراه مهمه مع المنتخب البحريني الشقيق ( كثر منها)

قلت في خاطري خلني أروح لواحد من أخوياي معي في العمل بس هالحين هو مستلم وشلون أشوفه ولازم ادخل له في المعمل ببطاقه والبطاقه بسيارته لأن نفس السياره اللي استخدمها يستخدمها

المهم قلت خلني اروح بسيارتي الخاصه لأقرب محطه وشوف يمكن عند أبوهنود تلفزيون اقرب محطه يبعد 12 كيلو

المهم رحت يم المحطه , والمحطه كلها ظلام وماتسمع الا صوت شخير العمال

طققت هرنات , ياسديق ياسديق

قام واحد منهم وشكله قافله معه ايوه ايس فيه

قلت له عندك تلفزيون

قال ( عبي فول )

قلت له تلفزيون ياشيخ ايش عبي فول انت الثاني

قال تلفزيون خربان ممكن خمسه يوم مافي شغل . هزا كفيل كلام ...

واعشق بالثاني واهمله ( ترى السياره عادي ) ركزوا معي الله يخليكم

المهم ورجع للسكن قلت مالي الا أني اخربها واستخدم الجهاز الخاص بالشركه

واتصل بواحد من الشباب تقريباً الساعه 11

ويرد على هاه ابو خالد كم نتجه المباراه

قال ابشرك 4-0 وأبداع جابري كالعاده وطرد حارس البحرين وعطاني مقتطفات من المباراه

قلت الله يبشرك بالخير

ولما سلمت من العمل ورجعت للبيت وجلست اسولف مع الشباب

عن المباراه

تكلموا عن نقطه مهمه وقالوا الكرت الأصفر اللي خذه سامي مايستاهله لأن الشيحان سدد ولا عطاه شي

قلت لهم وشو كرته اللي خذه سامي
قالوا الكرت الأصفر اللي خذه سامي وهو في حاله تسلل

قلت أفا عسى ماهوب الثاني

قالوا لا نبشرك أنه الأول والله يستر قدام
وقالوا تدري أن الكرت هذا احدث ضجه من كل الناس وجميع القنوات تتكلم عنه وكل واحد يقول هذا الكرت الثاني

لدرجه أن قناه الجزيره تكلمت عن الكرت ووضحت أنه الأول
وكانت أول قناه تنقل الخبر

الحمدلله على كل حال
بس اذا أنهم يقولون أن سامي لاعب مصنوع من اقلام الصحافه
ليه هاللجه كلها اللي صارت , وفعلاً شاهدت الكثير من المنتديات تتحدث عن هذه النقطه وعن الكرت بالذات

ماأقول الا الله يخلي لنا سامي
والله يخلي ريسهم لنا بعد

ودعتكم الله

سامي هو كل المنتخب !! وسامي لا عيش للصحافة من دونه>> وسامي لا شهرة للغوغائين والمتسلقن من دونه>> وبصراحة سامي كل شئ في كل شئ ...

ذيب نجد والله مالك حق ,مصحي ابو هنود ولا عبيت بنزين ياخي كان جابر بخاطرة ومعبي لو ديزل. :p :p
.
.
تسلم حبيبي,وصراحة هاللاعب بحياتي ماشفت ضجة أعلامية صارت ,مثل الضجة اللي صايره ألحين .
من جد لاعب يحيّر حتى منتقدية.

تاني مرة قلي ان احتجت شي:p

يا ذيب نجد المفروض انك ماقوم وتروع روحك دام سامي اضمن الفوز لا وبكومة اهداف بعد
اما الكرت الحقيقة مثل ماقالها ياقاهرهم ياسامي فهو كرت القرن الاسيوي

الضجة اللاعلامية اللتي يقوم بها سامي كل مرة ماتعادل نصف
الضجة اللي صارت في احداث امريكا الاخيرة

بس فعلا لا قالوا ذئب ..والذئاب قليل

مع خالص تحياتي واشواقي