cU♥.o°¨بيــــــالة شاهــــي عالمـاشـــي °¨♥ cU.o - نادي الهلال السعودي - شبكة الزعيم

هلاليه سنعه · #1 23/11/2006, 06:34 AM

.. السلام عليكم ورحمة الله وبركاته ..

عندك 100 بيــالة شاهي وصلّحوووووووووووه ..

8
8

يالله الكميــه محدووده سارعوووو قبل نفاذ الكميــه <<الله وأكبر راس ماله شاهي ..

عاد هالمره منيب ملزّمه عليكم واحرجكم اخاف فيه احد مايحب الشاهي .. ولاعشان فيه سكر مايشربه <<مصدقه

.
.

عاد موضوعي عن .. الشـــــــــاهي .. (Tea ) نظــراً لكثرة الطلبات ..ولكثـــرة عشّــاق الشاهي .. فحبيت أنزّل المووضوع عشانهم وألبي طلبهم ..>> اخاف احد يقوول وش عندها الصبابه .. عاد اعقلوا

.

المووهم جبتــها على الجــرح وأنا داريه ..
الشــــــاهي وما أدراك ما الشــــــاهي .. عشــق لا ينتهي .. وطعم خيــال ..<<تسووي دعايه الأخت

الشاهي او الشاي .. مدري وش الأصح بس لفظة الشاهي أفضل ..
الشــــاهي " مشــروب السلاطين والأمراء " .. "ومشـــروب الأغنياء والبسطاء "نقدر نسميه مشروووب الملاييـــــــن <<تحتك بمعشوق الملايين أزرق أزرق

الشاهي عرف منذ الالاف السنيين .. عرفوه الصينيوون قبل اكثر من 4 الالاف سنه
ويعتبر الشاهي شئ اساسي عندهم تفننو فيه وفي طرق اعداده وتصليحه ..
وحتى سيرلانكا يوجد الشاهي فيها بكثره ..

.
.
مرتبـــة الشاهي ..

والشاهي كما قلنا في القهوه يعتبر في المرتبه الثانيه من ناحية إكرام الضيف
يعني بالاول نقدّم القهوه همين الشاهي <<<يأبرني شو ما أطعمــه
<<لاتلوموني انا مدمنــة شاهي من يوم اني صغيرونه ..

عاد دوّرت ابيات شعر عن الشاهي مالقييت بصراحه تشرّهت على الشعراء
المفروض يحطون قصايد ومدح فيه .. عاد جيت وحرفت البيت حق القهووه
قلت فيه ..
يامحلا البياله مع سيحــــة البـــال .. .. .. في مجلس (قصدي العام ) مافيه نفس ثقيله
هذي عضوه مميزه وهذا عضو فعال .. .. .. وهذي شبكة(قصدي الزعيم ) مالنامثيلها
وسلامتكم .. والوزن رايح في خرايطها

عاد اللي عنده ابيات زينه عن الشاهي الله لايهينه يحطها ..

طريـــــقة إعداد الشاهي ..

الشاهي مهوب مثل القهوه .. يعني سهل التحضير والكل تقريباً يتقنه ..
يعني فيه أحد يغلي الماء مع السكر واذا غلى يحط الشاهي همين يشيله عن النار ..
وفيه أحد يخلط كل شئ الشاهي والسكر في البريق همين يحط الموويه المغليه نخليه يطبخ على النار يعني (نزلّه )بالعاميه ..

بدايـــــــاتي مع الشاهي ..

بداياتي في تصليح الشاهي كانت ماتبشّر بالخير ..يعني دايم اخلّيه خفيف وحلاه زايد
من يقول الزين مايكمل حلاه ,, . ,, كل شئ في شاهيي أكتمل <<<ايه هين

وهذي النقطه الأهل الله يهديهم يفشّلون بعض الأحيان إذا صلحته وجبته يقولون جايبه
لنا (رباص خوص ) وش انت يارباص الخووص؟؟ولا يقولون جايبه لنا دبس هههههههه
ليش جايبه تمر مكنوز

المووهم مع السنوات صرت اضبطه الحمدلله ..

اهلي يبونه خادر على قولتهم لونه مثل دم الغزال .. يوم اني صغيره اذا سمعتهم يقولوون
خدر الشاهي انهبل احسبه انه مخدرات <<براءة الطفووله

أنــــــــواع الشــــــاهي ..

1ـ أخضر .. 2ـ احمر أو اسود <<ياليت فيه ازرق

وانا حديثي عن الاحمر والاخضر ان شاء الله بأمر عليه ..

أشكـــــال الشـاهي ..

1- شاهي ورق كامل <<اخاف تلعبون فيه بلوت

2- شاهي نص ورقه .. 3- شاهي حبيبات مكور يسمونه (فرط )

4- شاهي أكياس اللي هو الليبتون وأخوياه عاد هذا أفضل شئ لأن خدرته ماتتغيّر وثابته
وبعدين مفضل في كل مكان اذا صرنا طالعين أو في مكان ما لسهووله تزيينه

واللي عنده زووود يضيف ..

إضــــافات الشاهي ..

1: النعنــاع يمي يمي بصراحه يعطي الشاهي مذاق اخر ومنعش ..

2 : الحبــق روووعه مع التي ..

3: الدووش هذا عند أهل المدينه بس بصراحه مدري وشلوون طعمه ..
4: الزنجبيـــــل ..أووووه هذا وقتــه عاد مع البــرد ومع حبيبات المطروالجو قارص
وله فوايد كثيـــره منها ينزل الكوليستروول و يدفي وقريت لو تشربوونه في كل وقت يفيد مايضر لانه مافييه كافيين ..
5: الحليب .. ابو قوس الحليب السايل وربعه لمحبين الحليب ..

6 : المرميه ..هذي عشبه تضاف للشاهي يقولون تخفض السكر للي عنده مرض السكر ..
7 : الليمون ..(اصفر ولا اخضر ولا ابو زهيره ) تعصرون قطرات او تطبخونه مع الشاهي زين للانفلونزا والرشح عاد هاليومين مدهر الله يشفي كل مريض ..
8: الهيل <<خير قهوه على غفله

لا بس يقولوون حبتين او ثلاث حبات هيل يقولون تعطي طعم شئ وهذا سر طعم شاهي الزواجات والعروس يكون له نكهه خاصه ماجربته بصراحه ..
واللي عنده اضافات يخبرنا .

مشروبات ساخنه أخرى ..

نعناع مع زعفران ..
غجر (كركديه ) طعمه حامض حلووو ..
دارسين او قرفه ..
الخ ...

مايقــدّم مع الشاهي ..

الشاهي يحلى بتقديم بعض الاصناف معه ومنها ..المعجنات والكيك والمكسرات

وطبعا ااذا جت مباراة ماتحلى الا بزمزمية شاهي تعدل المزاج مع صحن فص فص انا ما افضل الفص فص وقت المباراة لأنه بتعم الفوضى المكان وينتشر القشم .. ومع الحماس مانشتهي ناكل .. ويمكن نغص بالحب وحنا طايره بوهتنا مع المباراة .. شاهي ويالله وعسى بس ماتنكسر البياله هههههههههههههه على طاري البياله مره واحد من قرايبي
مع الحماس طيّر البياله للسقف وعاد امه حرمت كسر بيالاتها صارت تحط له باكواب ورق

..
اذا عندكم مواقف مع الشاهي عطوونا اياها ..

فوائــد الشاهي الأحمر ..

المشكله ان فوائده قلييله

بحثت وبحثت لعل وعسى وقالو ان الشاهي الاحمر منبه ويستعمل لزيادة التركيز <<عشان كذا بالامتحانات زمزميات رايحه وزمزميات جايه

وفي دراسة يابانية حديثة صغيرة العدد؛ تناولت 10 رجال أصحاء، وراقبت فيهم تدفق الدم في الشرايين التاجية للقلب بعد ساعتين من تناول الشاي الأحمر تبين أن تدفق الدم في الشرايين التاجية يتحسن بعد تناول الشاي، ولم يتحسن بعد تناول مشروب أضيفت له مادة الكافئين، وهذا يعني أن الفائدة لا تكمن في مادة الكافئين الموجودة في الشاي، بل تكمن في المواد الفلافونية المعروفة في الشاي، والتي لها صفات مضادة للتأكسد..
يرى الباحثون أن المواد الموجودة في الشاي الأحمر تعمل على تحسين الغشاء المبطن للأوعية الدموية، فيجعلها أكثر مرونة وذات قابلية للتمدد، وزيادة كمية الدم المتدفقة من خلالها. الأمر الذي يحسن تدفق الدم لعضلة القلب من خلال شرايين القلب التاجية.

مضـــــــار الشاهي ..

للأسف الشاهي الاحمر له مضاااار راح انقلها لكم عشان تاخذون حذركم

1-إذا تم الإفراط في تناوله:-
حيث يسبب قرحة في المعدة والاثني عشر.
2-إذا تم غليه كثيرآ بحيث تحول لونه إلى اللون البني الغامق:-<<مثل شاهي المصاريه تقل ببسي
حيث يسبب إضطراب في عضلة القلب وإمساك وكسل بالجهاز الهضمي.
3-إذا تم شربه بعد الاكل مباشرة:-
حيث يسبب عسر للهضم، لذلك يفضل شربه بعد ساعة من تناول الأكل
4-إذا تم شربه على الريق(المعدة فارغة/أثناء الجوع):-
حيث يكون طبقة تسمى(كيتينية) على الغشاء الداخلي للمعدة
والأمعاء، مما يمنع خروج عصارات الهضم ويسبب إمساكآ وعسر هضم.
5-مرضى حصوات الكلى ومرضى القرحة المعدية أو قرحة الأثني عشر
-6اذا شرب مع الأكل حيث يسبب نقص في الحديد ويفقد الأكل العناصر الغذائيه
-7 اذا شرب قبل النووم يقولون يسبب أرق عشان مادة الكافيين ..

الشــاهي الاخضر ( green tea )
عاد الشاهي الأخضر له محبين وله تقريبا مية نووع او اكثر ..
وطاحوو فيه الناس عشاااان فوايده الكثيييره الصحيه

ومن فوايده:

1<الشاي الأخضر يساعد على حرق الدهون
2<الشاي الأخضر يحمي القلب من الأمراض
3<أظهرت الدراسات أن الشاي الأخضر يخفض مستوى الكولسترول في الدم لان تأثيراته المضادة للأكسدة تمنع تأكسد الكولسترول الضار LDL في الشرايين.
ويعتبر تشكل جلطات الدم غير الطبيعي السبب الرئيسي في النوبات القلبية والجلطات الدماغية وقد أظهر الشاي الأخضر أنه يمنع تشكل الجلطات الدموية غير الطبيعية وأن له نفس فعالية الأسبرين في هذا المجال.
4<الشاي الأخضر يساعد في تخفيض ضغط الدم
5<الشاي الأخضر يحمي من الإصابة بمرض السكري
6<الشاي الأخضر يساعد على الوقاية من التسمم الغذائي
نظرا لان الشاي الأخضر يقتل البكتيريا فإن شربه مع الوجبات يمكن أن يخفض خطر الإصابة بالتسمم الغذائي البكتيري. كذلك يمنع الشاي الأخضر نمو البكتيريا في الأمعاء ويساعد على نمو البكتيريا النافعة في الأمعاء.
7<الشاي الأخضر يمنع رائحة الفم
إن تناول الشاي الأخضر الذي يعتبر عاملا طبيعيا مضادا للبكتيريا مع الوجبات يمكن أن يساعد على قتل البكتيريا الموجودة في الفم والتي تسبب نخر الأسنان ورائحة الفم الكريهة

وغيره من الفوايد بس يقولوون ماتشربه وانت جوعان لانه يحرق السعرات الحراريه فلازم يكون بعد وجبة اكل وبعد ماتضيفون له سكر بتاتا لان اضافة السكر تنهي فايدته وصحه وعافيه على قلووبكم ..

وابي اخذ رايكم في كم شئ .. وش تفضلوون الشاهي الاحمر او الاخضر ..؟؟
وش الاضافه الي تفضلونها مع الشاهي..؟؟
هل تعتقدون ان الشاهي هو المشروب العالمي الأول ..؟؟.

وبعد هالجوووله الطووويله مع الشاهي ياليييت استفدتووو واستمتعتوووو والعذر والسمووحه
لوو طولت عليييكم .. والبيالات حلال عليكم لاترجعوونها ..

دمتـــم بخيـــر وعافيـــــه ..’’
أختكم .. ’’ هلاليه سنعه ’’ ..