|
أيــــــن المـــــــــــــــــــــــاء بسم الله الرحمن الرحيم الحمد لله والصلاة والسلام على رسول الله صراحه استحي اكتب عن هذا الموضوع وانا في بلاد النفط والبترول بلاد الخير والخيرات بس انا مليت من الموضوع هذا قلت افضفض في شبكة الزعيم بين ربعي واخواني:yes: السالفه وما فيها هو انقطاع الماء عن غرب الرياض:sad: وبالتحديد السويدي الغربي ياشباب والله لنا شهر تقريبا واحنا منقطع عنا المويه يعني رايحين جاين على الوايتات نتصل على مركز الصيانه يظنون انهم يكلمون اطفال كل شوي يقول بعد ساعه يصب الماء وكل مانتصل عليهم يقول بعد ساعه :wallbash: ولا يصير شي :no: ترى مو انا لحالي المتضرر كل حارتنا تقريبا :sad: ومقر الوايتات الله لا يوريكم زحمه وعالم وصالة الانتضار زفت لاقصى درجه مافي تهويه ولا تكيف الا مكيفين من العصر الحجري متكسره وحالتها حاله راح لهم الوالد الله يحفظه من بعد صلاة الجمعه مارجع للبيت الا الساعه السادسه بعد العصر :bigeek: المهم اجتمعنا احنا الشباب وشيبان الحاره ورحنا لفرع وزارة المياه الي في حارتنا دخلنا على المسؤول عن جدول فتح الماء على الحارات والبيوت للاسف لقيناه مايدري وش القصه :sleep: رحنا لموظف ثاني قال لنا أن السبب هو انكسار ماصورة مياه :nono: يعني كسر في ماصوره يستغرق شهر لاصلاحه :cry: أنا اتسائل لو هذي الماصوره انكسرت في شمال الرياض :confused: كم سيستغرق الوقت لاصلاحها ساعه ساعتين يوم يومين بالكثير ثلاث ايام وكل شي تماااام الى متى واحنا كذا كل صيفيه ولا ويقولون حافظ على الماء كيف احافظ عليه والماء اصلا غير موجود عندي واسف ياشباب على هالموضوع الي يمكن بعضكم يقول احنا وش دخلنا بس حبيت ان الناس تعرف معانتنا هنا وخصوصا احنا ايام اختبارات واسف كذلك على الاطاله شـــــــــــــــــــكرا لكم |
عشان ميه اشغلتنا ونزلت موضوع اجل لو رزان بنتك شتسوي ;) |
إقتباس:
لكن من حقه يشتكي وش فيها..؟؟ موظفين الموية وش لهم دخل برزان..؟؟ اخوي خل كلام منطقي..!!.. و الله يعيينكم :) |
أخوي العنا وش دخل رازان في موضوعي رزان موضوع وهذا موضوع ثاني :rolleyes: وشكرا يالكناري الازرق على مرورك الحلو :thumbup: |
عــــــــــــــــادل من حقك تفضفض وتشاركنا همومك وتشير الى جوانب القصور لعلها تجد من يحلها الله يعينكم وشكرا على الموضوع،، العنا ليه مستكثر على الرجال يشارك بمشكلته .. صحيح ان من رأى مشاكل غيره هانت مشاكله عليه، ولكن هذا لا يعني السلبية وعدم محاولة اصلاح الأخطاء بحجة وجود أكبر منها!! على مفهومك، فلا أعتقد انه يحق لك ان تتذمر من أي شيء في حياتك سواء من خلال المنتدى او الواقع،،، أبسط شيء، ربما عليك أن تذكر في المرة القادمة التي يقدم فيها اليك عشاءك باردا (في المنزل او المطعم) او به اي مشكلة أن تأكل وانت ساكت وتقول لنفسك "على الأقل أكلت شيء، كيف لو كنت في النيجر اللي يأكل أهلها التراب من الجوع!!" دمتم بخير،، |
السكوت عن أصغر المشاكل معناه أن أكبر المشاكل سوف تطفو على السطح !! بالعكس أنا أرى أن مشكلة الماء من أكبر المشاكل (( وجعلنا من الماء كل شي حي)) كيف تصلي من دون ماء !! كيف تعيش بلى أكل وبلى شرب ! كيف تلبس ملابس نظيفه من دون ماء!! كيف تكون نظيفاً من دون ماء !! بصراحه مشكله كبيره اذا كان حي من احياء العاصمه يشتكي من ندرة الماء هذي سقطه في حق وزارة المياه!! وطرح المشكله والتعاون في حلها او الشعور بها شي واجب واذا كان السكوت عن المشاكل بحجة ان المشاكل الاكبر اولى بالاهتمام او ان من رأى مصيبة غيره خفت عليه مصيبته هذا الخلل بعينه !! لان المشكله تتسع وتصبح مصيبه فلو تم علاجها وحلها لما كانت هناك مصايب حل المشكله الصغيره هو العلاج لتفادي المصيبه ان شاء الله ربي يسخر لكم وترجع لكم المويه عن قريب |
بجد الله يعينكم .. وياقربنا منكم ودايم الماء ينقطع عندنا .. وتعبنا من تكرار الكلام على الماء وانقطاعه .. وباذن الله راح يصلح الحال .. ويرجع الماء لمجاريه .. تحيه خاصه لك ,, وخاصه انك سميّي .. |
في عاصمة دولة تبيع يومياً ما يقارب التسعة ملايين برميل من النفط بسعر لا يقل بحال من الأحوال عن 60 دولار ينقطع الماء عن بعض سكانها ! ما هو حال بقية المناطق ؟ إننا نتحدث عن ماء ! عن ماء ندفع له مقابلاً ! الكناري لا أستغرب ردة فعله على تعليق العنا ! لكني أستغربها من الجاحظ الذي أفترض فيه معرفة العنا جيداً ! عموماً يستحق العنا ما ناله ! |
يا أخي وش فيك ؟!! الماء أمانة ..!! الماء ثروة ..!! الماء عصب الحياة ..!! الماء يشكل ثلثي الكرة الأرضية ..!! <---- واحد يحسب الموضوع تعبير عن الماء :D.. أخوي الغالي ..الحل أظنه إنكم تنقلون سكنكم لشمال الرياض وتنسون مثل هالمشاكل ;):).. ما أقول إلا الله يكون بعونكم ..:( تحياتي ،،، |
هلا بـك عــــــــــــــــادل :) . عن أذنك أخوي بـ مسك العنا :rolleyes: العنااا:mad: جعلك تعاني من الجروح وتطيح بين أيدي أطباء مايعرفون شي بالطب ، وتموت ونفتك من شرك :p ! ----> موب هينه ع هالدعوهـ . عاد إذا مت خالك بيرتاح منك ، نجي نعزيه يقول الله يبارك فيكم :d :razz: . المهمـ نرجع لموضوعك يـ عــــــــــــــــادل ، الله يعينك ياأخوي ويصبركم ع هالمشكله :) وإن شاء الله تنحل بعد ساعة :razz: :d .. البارق 2000 ، شكلنا بنوصل للقصيم :razz: ، وبتصير القصيم حي من أحياء الرياض ليش لأ :rolleyes: ! ترانا نزحف للشمال :d ... الفيروسه الزرقاء |
طيب وين وزارة المياه معقوووله اغنى دوله باحتياط النفط: المويه فيها بالعله :confused: المشكله انا كل ماادخل منتدى الا وفي ناس يشتكون من المويه بجده وغرب الرياض وجنوب الرياض وين المويه وين تحليه مياه البحار :confused: :confused: مااقول الا لاحول ولاقوة الا بالله:upset: |
لا تعليق !! |
^ ^ ^ طب دامك ماتبي تعلق ليش ترد:razz: :d ----->> ناويه طقاق :rolleyes: فـيـّـو |
الأخ عادل اسمح لي بإضافة رد أرسله لي العنا عبر البريد و قد طلب مني تنسيق الرد و تعديله و تلوينه بلونه المفضل و لكن فضلت إضافته كما هو فعذراً .. " اخوي عادل كنت اقصد لا تشتكي لي ابكي لك وجه حزين الناس ماتو عيالهم والمسولين مشغولين يفكرون وين يقضون الصيفيه يعني محد حولك وعاش وطني وسارعي للمجد والعليا وطن طننن وجه زعلان عبدالرحمن وش الفرق بين زعلان وحزين والله مدري بس متعيجز اغير وحده فيهم < اقتباس فيو > اول شي انا خاله يعني هو ولد اختي يعني انا اخو امه اجيب مدرس خصوص عشان تفهمين وجه يضحك شكل رقمك الجامعي 1424 وبتتخرجين 1436 وجه يضحك من زود الفلاحه بعدين وش هالدعاوي وجه معصب صايره كنك عجوز والله لو يجتمعون عجز الرياض الضحى لكه ماقدرو يطلعون وحده من دعواتك وجه يضحك هذيك المره مشيتها لك هالمره باخلي امي من جد تدعي عليك عاد امي دعوتها مو مثل دعوتك او دعوتي حدها الزر حق ارسل المشاركه وجه يضحك المهم انت عساك الفيروس اللي يعشعش براسك ويخرب مخك هذا اذا فيه مخ وجه يضحك ويمشي مع دمك واذا جاك جرح ان شاالله ما يجيك >>>>خبل ما يطلع دم تطلع فيروسات وانا الله يخليني لبوريمان وعين ترجيني هذا اذا فيه عين ترجيني وجه يضحك من دون سنون زي ما اتفقنا مستر ابدوالرهمان " |
" كنا مرتاحين أيام الاختبارات ! يالله ( صيفية ) خير " |
| الوقت المعتمد في المنتدى بتوقيت جرينتش +3.
الوقت الان » 03:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd