31/05/2006, 03:12 PM
|
| برشلوني مخضرم | | تاريخ التسجيل: 05/08/2004 المكان: somewhere I belong
مشاركات: 6,701
| |
هلا وااااااااااااللللللللللللله
--
والله الموسم الأوروبي هالسنه حلو واجد .. اصلا كل سنه حلو .. بس هالسنه غير لنه فزنا
بس بشكل عام .. كان مستوى البطوله منطقي ورائع .. فيه مفاجآت خاصه من الدور الأول .. بس في النهايه الا يتعب يلقا ..
-- بصراحه افضل مدرب لايختلف عليه اثنان .. هو فرانك ريكارد .. الا اثبت انه يمتلك الكثير .. مع انه الرسم التكتيكي حقه واضح للكل .. لكنه يمتلك لاعبين يغيرو من رتم المباراه في أي لحظه .. واثبت هالسنه انه بالفعل الشوط الأول شوط اللاعبين .. والشوط الثاني للمدربين .. ورأينا تكتيكات ريكارد تتغير في الشوط الثاني من خلال لعبه بمحوران .. وعدم ترك مساحات كثيره ..بالفعل انت الأفضل ياريكارد .. ومع انه فريقه عانى من اصابات كثيره .. الا انه اكتشف لعيبه .. واعاد الثقه الى لعيبه .. وتسلح بأسلحه متنوعه .. وتحلى ببرودة دم عاليه..
لكن انا باخالف الاثنين الا تكلمت عليهم فوق هههههه .. وباقول افضل مدرب هو مدرب فياريال .. لأنه صنع فريق رائع .. ولعب بالتكتيك الا يفوزه .. فهو اعتمد على الدفاع .. والكرات الثابته .. واستطاع ان يحرج انديه كثيره كبيره ...
--
افضل هدف .. في هدف روني في تشيلسي .. وهدف ايتو في تشيلسي ( الهجمه المرتده كانت جميله ) .. وهدف كاكا في فنربخشه .. لكن انا بختار هدف جونينيو في مرمى ايندهوفن ( فاولاته مو صاحيه ) ..
-- افضل مباراه .. في مباريات كثيره .. منهم مباراة الريال والآرسنال الاياب .. ومنهم مباراة البارسا والميلان الدهاب والاياب .. ومنهم مباراة ليفربول وبنفيكا الاياب .. ومنهم مباراة شالكه والميلان .. وفي مباراة باريس الفاينل .. ومباراة الانتر واياكس الدهاب ..
لكن بختار مباراة تشيلسي والبارسا الدهاب.. لأنها كانت النهائي الحلم للبطوله .. وكانت فيها ابداعات الشاب ميسي .. وكانت فيها ابداعات تكتيكيه من ريكارد .. وكان فيها تألق غير عادي للصخره جون تيري ..
--
وبصراحه النهائي .. على الظروف الا جات في المباراه .. الا انه على الأقل افضل من نهائي ( اليوفي والميلان ) ..
-- افضل معلق .. الشوالي ..
افضل محلل .. الجوهري هههههه .. طول وقته يقول البارسا رائع والبارسا مدري ايش ..
اعتقد بيومي .. مع انه عندي ملاحظه على البيومي .. وهو اني شكله يعني والله اعلم .. ياكل فول قبل كل مباراه مباراه .. ودي اشوفه يوم يضحك ..
-- في النهايه .. اعتقد التشكيله المثلى للبطوله ككل .. هي كالتالي .. ليمان جيو .. بويول .. توريه .. ايبوي ايدملسون فابريقاس .. جونينيو رونالدينيو .. شيفتشنكو .. تيري اونري
--
افضل لاعب في البطوله .. انا باخلفكم كلكم .. البعض يضع صانعي لعب والبعض هجوم ..
لكن انا بوضع كارلوس بويول .. الا اثبت انه لاعب لايمكن تعويض غيابه بأي طريقه ..
--
وافضل بديل .. هو لارسون .. الا اثبت انه من يدخل يحرك الهجوم الكتلوني بشكل فعال ( خاصة مباراة تيشلسي .. والأرسنال )
-- وشكرا .. وعدرا للاطاله |