|
كدنا نفوز على التشيك لولا أنهم سجلو هدفين >>> من عناوين إعلامنا الفاشل لنكن منصفين ياشباب فمباراة المنتخب التجريبيه لم أرى فيها أي بوادر مبشرة بالخير بتاتا وحتى أثبت لكم ذلكم ببساطه طوال 90 دقيقه من عمر المباراة سنحت لمنتخبنا فرصة واحده هجومية بتكتيك رائع طيب هل هذا طموحنا إننا نبني هجمة وحده طول تسعين دقيقه ؟ لاتقولي التشيك ثاني أقوى منتخب في العالم ؟ فالتشيك تعادلت في ملعبها قبل فترة قصيرة مع كرواتيا التي كادت تهزمها إيران على ملعبها وبين جمهورها لولا الدقيقه الاخيرة من الوقت بدل الضائع الذي راضت بهِ جماهيرها وحينما لعبنا مع البلجيك ورغم أنهم لاحظو يلعبون بالصف الثاني واصلا من الاساس لم يتأهلوا لكأس العالم إلا أنهم غلبونا وسيطروا على مجريات المباراة لتتكلم من غد صحفنا بأننا كنا الأقرب للفوز بل وبنتيجه ساحقه !! يعني وصلت طموحاتنا الا ان نصل فقد لمرمى الخصم ولو لمرة واحده حتى نطبل ونصف المنتخب بالقاهر . أخشى إن فزنا على تركيا بعد غد أن ترشحنا صحافتنا وإعلامنا للفوز بكأس العالم ! ترى ماهي مستغربه يسوونها فياعجبي من هذا الإعلام الفاشل والذي لايجيد سوى المجامله .. العجيب ان وجهة نظر الشارع السعودي تختلف معه بتاتا فهل هم يحاولون رفع المعنويات من لاشيء والضحك على الذقون أو لايعلمون في الكرة شيئا ؟؟ يعني مايدرون إن الإنتقاد هو الطريق للإصلاح من الخلل الواضح اللي يعانيه منتخبنا أم الانتقاد محرم على منتخبنا (( البرازيلي )) وماقيل عن مباراة التشيك أضحكني إلى النخاع بسبب هجمة واحده منسقه كدنا نفوز على التشيك .. دعوة مفتوحه للضحك على إعلامنا .. ولكن ماادري إلى متى ينصلح الحال ؟ ! نفسي أشوف إعلامي فاهم ويقول لنكن واقعين فنتائج المباريات التجريبيه لاتؤهلنا للمشاركة في الإحتفالية إلا كبوابة عبور سهله وياليل ماأطولك |
لا ما نختلف المنتخب هذي أفضل مباراة له في الوديه و بعدين وش صف ثاني متى صار نيدفيد صف ثاني و ذا النجوم إلي معه و بإذن الله الأخضر بيشرفنا في المنديال |
انا اعني البلجيك لما انهزمنا منهم اثنين واحد كانوا يلعبون معنا بالصف الثاني اما التشيك فأتمنى تقولي كم هجمة منسقه شفت لمنتخبك غير هجمة كريري اللي طار المعلق فيها بالعجه أخشى ان يكون المتأثرين باعلامنا كثير |
ههههههههههههههههههههههههههههههههههههههههههههههههههههههههههههههههه الله يرج صحافتنا واعلامنا .... اصلا من اول ماشفت الصحافة والنقاد يركزون على النتيجة اكثر من المستوى .. ونا غاسل يدي منهم ... اااايييييه يارجال .. هونها وتهون ... اهم شي المنتخب مايركز على النتيجة المهم يدخل في الفورمة .. يعني يدخل جو وحساسية المباريات القوية ولكم تحيااااتي ;) |
ههههههههههههههههههههههههههههه |
وانا اخوك مع احترامي لك حتى انت صاير مثل الصحافه .. ياخي انا مثلك بعد مباراة بلجيكا وتوغو استغربت من ردة فعل صحافتنا ... كنت اتمنى انهم يعلقون تعليق حيادي .. لايلعبون على انفسهم ولا يحطمون الاعبين .. يوضحون ان فيه اغلاط بطريقه احترافيه .. مهوب همجيه .. ونروح نكتب ان المنتخب مايستاهل يلعب في بطوله مثل هذي !!!! لان مابقا على كاس العالم شي .. وماعاد يفيد اي شي تسويه .. لاكن اختلف معك في مباراة التشيك .. في هذي المباراة الكل يشهد ان الاعبين قدموا مستوى (مطمئن) وليس رائع ... مستوى يوضح لك ان المنتخب ارتفع مستواه وتحس ان فيه شغل قاعد يسويه باكيتا .. واتمنى ان المنتخب يكون جاهز مع بداية صافرة مباراة تونس .. مانبيه قبل كاس العالم يصير جاهز ... اعود واوضح لك ان المستوى كان (مطمئن) لدرجه كبيره وليس رائع .. وانا معك ان الصحافه بالغت في المدح ولاكن مهوب هالشي يخلينا نقول المفروض انكم تسبونهم مهوب تلعبون عليهم .... وخلونا ياعاااالم نشيل النظره التشاؤميه للاعبينا في كل بطولة .. والله ان الاعب السعودي ماعاد صار يخاف من الخصم .. كل خوف الاعبين من ردة فعلنا .. خلونا نرتقي شوي ونشجعهم .. ونكون واقعيين .. |
أبو سعود وماأغربك أشكركم على المرور والمتابعه الأخ الكاسر الياسر ياخوفي إنك متأثر في صحافتنا أجل في مباراة التشيك مستوانا مطمئن بالله مطمئن من أي ناحية ؟ قوة الهجوم الضاربه عندنا ! ولا الدفاع المتهالك اللي دخل كل الهدفين بأخطائه ! ولا الوسط اللي حاشر لي 3 محاور فيه ! والمشكله لو تلاحظ كل واحد يغير مكانه ماله مكان محدد يعني لو انه في حالة الهجمه ممكن تنهضم بالعكس احسن , لكن في حالة الدفاع يكون كذا يعني هذا التخبط بعينه وعلمه وماودي أستبق الأحداث ولا أتشاؤم لكن هذا الواقع المشاهد وبيني وبينك بداية إنطلاق مبارياتنا في كأس العالم ونشوف |
حلوه كدنا نفوز لولا انهم جابو هدفين :) ان شاء الله مايكون فيه 8-0 في هالكاس :D الخلل في المنتخب من كم سنه بالدفاع فقط :) اذا التشيك لعبو في حسبة دفاعنا وهم يلعبون على الواقف :) وش بتسوي اسبانيا !! بالتوفيق للصقور :) |
عييين العقل اخوي شكل صحافتنا جايتهم اوامر اكبر منهم تقول ارفعوا معنويات اللاعبين <<<هذا رأيي بس لاتنسى قبل كاس العالم 2002 فزنا على الاروغواي والسنغال وبدعنا في كم مباراة وديه بس المانيا قالتلنا روحوا العبوا بعييييييييد ! وقبل كاس العالم 94 اكلنا هزايم اليين ماتعبنا في المباريات الوديه وبدعنا وتاهلنا للدور الثاني على العموووم المستويات اللي اشوفها في منتخبنا قدام التشيك و بلجيكا وحتى توغو باختصار خياااس يجيبون النوم! |
الله يعين |
ياحبيبي مـارح نعتمد علي الودية اهم شي كاس العالم والاعبين مو متحمسين الا في مباريات كاس العام وبتووفيق للصقور الخضر |
لا أعتقد يجب على الصحافة أن ترفع معنويات اللاعبين نعم أنه مو لهذه الدرجة الي فيها تعليقات مبالغ فيها وإذا كان هذه وجهة نظركم عن المنتخب طيب ليه تأهل المنتخب لكأس العالم هؤلاء هم لاعبين المنتخب وهذا أفضل مستوا لهم |
الله يوفق الاخضر في المونديال |
والله كلامك عين العقل والله انا مستغرب من اعلامنا الفاشل حتى في الهزائم يمدحوون اين الصراااحه يا اعلامنا الاعلام سبب من اسباب كارثة 2002 نسينا يوم فزنا على الارغواي في المباراة التجريبيه بوجود نجومه امثال ريكوبا مدح المنتخب مدح كنهم فازوا بكاس العالم وهل الاشياء كبرت راس لعيبتنا وجت ال8 |
| الوقت المعتمد في المنتدى بتوقيت جرينتش +3.
الوقت الان » 08:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd