بصراحه الشوط الأول .. اكثر ناس قهروني راؤول وقوتي ..
لكن مع دخول روبينيو .. او بالأصح الشوط الثاني تغير كل الفريق وقدم هالاثنين مستويات اشوفها جيده بالنسبة لي .. خاصه راؤول
روبينيو لعب دور المنقذ وليته يستمر كذا ..المشكله في هالولد .. اذا لعبته بديل ابدع .. واذا لعب أساسي قام يحتفظ بالكره ويراوغ واخرتها يصفقونه وياخذونها منه !!
يذكرني بقوتي المواسم الماضيه اذا طب اساسي قام يبربس وان طب بديل انقذ الفريق
الشوط الثاني كان غير الشوط الأول مره .. تغيير كاسانو كان أهم التغييرات
مع انه قدم لمسات جيده اذا عرفنا إنه من زمان عن الملاعب !!!
هيقواين اكتشفت انه راعي فاولات !! ياليت لو احد ينزل لنا الفاول الي شاته .. ما شاء الله حطها بزاويه ألييييييمه !!
بس حارس جيمناستيك استبسل اليوم وإدهر !! وقدم مباراة كبيره وماحد ينكر هالشي !
صدته للفاول .. وانفرادة راؤول الي اشوفها ابداع من الحارس اكثر من انها تأخر من راؤول لأنه لاحظنا اول مااستلم راؤول الكره وديور للباب لقاه بوجهه !!
النتيجه اليوم كانت تكون مفروض اكبر .. خاصه وان نستلروي بدّع بتضييع الفرص اليوم عكس عاداته !!
ديارا اليوم كان افضل لاعب .. وبكل جداره ..
اسوء لاعب بالنسبة لي نستلروي !
جمهور البيرنابيو اليوم كان غير .. التصفيق مستمررر وما شفنا حركات الشميسي الي كانوا يسوونها للاعبين بالمباريات السابقه !!
واتمنى يستمرون بدعم الفريق لنهاية الموسم !
الفريق حالياً تنقصه الثقه (فقط) ..واقصد ثقة اللاعبين بأنفسهم ! .. ومع الوقت .. والإنتصارات .. راح يستعيدون ثقتهم بأنفسهم ان شاء الله
والأهم الجمهور يصبر عليهم مهما كان الحال..