&&أنا عندي الحل لبديل جيوفاني && ^@لاعب فنان مستواه عالي ^@ - نادي الهلال السعودي - شبكة الزعيم

the legend killer · #1 23/05/2006, 04:40 PM

تكاثرت الاراء حول مين يكون بديل جيوفاني وفاوضوا كوستا بس رفضت زوجته وفاوضوا اوكوشا رفضت زوجته (الله يقلع هالزوجات )
وانا عندي الحل لبديل جيوفاني لاعب عماني فنان وكان يلعب بالدوري السعودي
وهداف مستواه عالي جداً
وبتكون صفقة الموسم الجاي
اللاعب هو عماني ولاعب صغير بالسن وفنان
وكان يلعب بنادي
.
.
.
.
.
.
الرياض وكان من هدافي الدوري السعودي الموسم قبل الي فات
اللاعب هو

عماد الحوسني

لاعب مهاري وممتاز وسريع وهداف واعتقد ان عقده لايزال مع الرياض بس اعير لنادي قطري (اعتقد)

والله لاعب كبير اتمنى من إدارة النادي ان تتعاقد معه وتفاوضوا لأنه قال انه يتمنى يلعب مع اندية كبييرة

والان النادي الاهلي يفاوضوه ياريت من الادااراة ان تسبق النادي وتتعاقد معاه قبل الاهلي

ياريت من الإدارة في النادي ان تتفاوض مع هاللاعب المبدع

شرايكم ؟؟

ابو فيصل قلب الزعيم · #2 23/05/2006, 04:42 PM

عماد الحوسني جيد

the legend killer · #3 23/05/2006, 05:06 PM

وين

the legend killer · #4 23/05/2006, 05:07 PM

وين آراء باقي الشباب المسلم

الوافي001 · #5 23/05/2006, 05:11 PM

لا اخوي حنا مانبي مهاجمين الحمدلله اللي عندنا فيهم الخير والبركة انا اقول بدر الميمني الله لو يجي هاللاعب يا سلااااااااااااام ..

الوافي001

الأزرق 11 · #6 23/05/2006, 05:15 PM

عماد لاعب خطير وفنان ويسجل من أنصاق الفرص
بس أتوقع عندنا كفايه بالهجوم حاليا

ياسر والصويلح والعنبر والخراشي والجمعان وطبعا سامي

أتوقع إننا نحتاج لظهير أيمن وصانع لعب

the legend killer · #7 23/05/2006, 05:25 PM

الجمعان دايما احتياط وسامي بيعتزل والخراشي الاصابات دائمة معاه
والصويلح ثقيل يلعب بس ثقيل بسبب العضلات لانه يلعب حديد يعني مابقى غير ياسر والعنبر طيب

يعني يبقى يااسر والعنبر والجمعان دايما احتياط

طيب ليش النادي ففاوض اوكوشا وكوستا وهم هجوم ؟

اكيد والله بيكون ال حوسني صفقة الموسم الجاي

الوافي001 · #8 23/05/2006, 05:30 PM

لا اجل روي كوستا واوكوشا هجوم ..

الله يهديك هذولا كلهم مثل جيوفاني وسط يتقدم للهجوم يعني لاعب خلف المهاجمين ..

الوافي001

G A T T U S O · #9 23/05/2006, 05:32 PM

إقتباس

الرسالة الأصلية كتبت بواسطة the legend killer


	الجمعان دايما احتياط وسامي بيعتزل والخراشي الاصابات دائمة معاه والصويلح ثقيل يلعب بس ثقيل بسبب العضلات لانه يلعب حديد يعني مابقى غير ياسر والعنبر طيب يعني يبقى يااسر والعنبر والجمعان دايما احتياط طيب ليش النادي ففاوض اوكوشا وكوستا وهم هجوم ؟ اكيد والله بيكون ال حوسني صفقة الموسم الجاي

الله يهديك روي كوستا يلعب قلب دفاع مهوب هجوم !!!

واوكوشا حارس ممتاز !!!

( عجبي ) للي يحتج ولا يدري وش السالفة !!

the legend killer · #10 23/05/2006, 05:51 PM

ياااسلام اللهم لاشماتة

كـحـيـلان · #11 23/05/2006, 06:01 PM

تجيب مهاجم بدل صانع لعب
...
..
.
يا بعدي هذا صانع لعب وعماد مهاجم ومشكلة الهلال في صناع اللعب مو المهاجمين
..
.
يعني ظهير ايمن ولاعب وسط وبس

{vip} · #12 23/05/2006, 07:36 PM

سلامـّ ..

يالغالي عماد الحوسني لاعب فنان لكن انه هجوم وقالوا لك الزعماء اللي فوق ان الزعيم متشبع بالمهاجمين ..

وبعدين انت تقول ان اوكاشا لاعب مهاجمـ .؟! ،، اعتقد وحسب علمي ان اوكاشا لاعب وسط متقدم !!

إقتباس :-
يعني يبقى يااسر والعنبر والجمعان دايما احتياط

هاذلوا اللاعبين هم نجوم الموسم القادم بإذن الله ..

وتُشكر اخوي على طرحك للموضوع ..

45 بطولة هلالية · #13 23/05/2006, 07:51 PM

والله ماعندك سا..............

hilali qasemi · #14 23/05/2006, 09:13 PM

كييييييييييييييييييييييييييييييييييييييف الحاااااااااااااااااااااااااااااااااااااااااال ؟؟؟؟؟

the legend killer · #15 23/05/2006, 09:57 PM

اخوي 45 بطولة والله عندي سالفة وسوالفي احسن من سوالفك

واخوي هلالي قصيمي

والله الحمدلله بخير