هل يحل الأتحــاد السعـودي لو أخفقـنا في كأس العالم ؟؟ دعـوه للنقاش ..
 

السلام عليكم ورحمـة الله وبركاته ..

أسعد الله أوقاتكم بالخير واليمن والبركات ...

أخواني أعضاء وزعماء شبكة الزعيم ..سأحكي معكم بكل عقلانيه وبعيدا عن تعدد اللغات وتنوع اللهجات والبعد كل البعد عن مفاهيم المكابره والفلسفه الزائده في الكلام ومحاكاة الناس بمفهوم الاستفزازيه والتوهج في عالم المجهول بأنني أعلم وأفهم وأتقن ماليس لديكم أو مالاتعرفــــــــون ...!!!

بعيـدا عن هذا وذاك سأتكلــم معكم بالواقع منهجا والعربيــة لغتاً والعاميــه لهجـةً ..

الجميع يعرف الرياضه والجميع يمارسها ولكن قليل وقليل جداً من يستطيع إتقانها والتفنن والاستمتاع بها كما يفعل رونالدينهـــو .. هذا على مســتوى اللعب !؟!؟

أما على مستوى الادارة فمن هو صاحب القرار أو بالأحرى صانع القرار الذي تكون فيه قراراته دائما أو أحياناً صائبه ..
وماهي الاشياء المترتبه دائما في صنع القرار الخاطئ في أي شي وليس على حساب الرياضة وفقط ..

الجميع يجمع على أن الشخص الذي لايفيد يجب أن يرحل ..
وهذا حالنا في الرياضه السعوديــة وفقط

جميع الأنديه السعوديه بلا إستثناء قدمت إدارات خلال السنوات الماضية ولكن السؤال هل بقيت الإدارات الفاشله على كرسي الرئاسه إلى اليــوم ؟؟؟ الإجابــه بالتأكيــد لا وألف لا
نحن كهلاليين أنتقدنا وبشده الرئاسه السابقه للهلال وطالبنها بالاستقاله لإنها لم تقدم مايشفع لها خلال فترة ترأسها معي أحترامي الشديد للأمير عبدالله بن مســاعد وكنت أنا أول المنتقدين له من خلال موضوع لي تم حذفه من قبل إدارة المنتدى وذلك لأسلوبي القاسي في الطرح .

وكذلك حال الأنديه الأخرى فاالنادي الأهلي قام بتغيير الإدارة وكذلك نادي النصر والشباب والإتحاد وجميع الفرق بلا إستثناء ..

ولكن السؤال الذي يحتاج الى إجابه وإجابه واحده فقط :
من هي إدارة المنتخب حتى نطالب بحلها إذا أخفق الأخضر في المونديال ؟؟
أليست الثالثه ثابتــه كما هو معروف لدى الجميع ؟؟ يعني لو أخفقنا راح يكون ثالث مونديال نخفق فيه على التوالي
( يعني مثل مارحنا مثل ماجينا ) ماأستفدنا من أي شي أو من أي خطأ وقعنا فيه مسبقا .

الابداع السعودي في كأس العالم 1994م لايحسب للاعبين ولايحسب للجهاز الفني أو الاداري وإنما الامر أكبر من ذلك
التأهل والابداع يحسب للأمير الراحل فيصل بن فهد رحمه الله وأسكنه فسيح جناته
فهو بصراحه صاحب اليد الطولى في تحقيق الصعود والا ترى المنتخبات كانت أقوى منها الحين بس الأمير كانت بصراحه عنده حنكـه إداريــه ولديه فكر رياضي واعي .

السؤال الذي يحتاج للنقاش والذي أريد من الجميع الادلاء بآرائهم :

لمــاذا لايحــل الاتحاد السعــودي بأكملــه في حالة إخفــاق المنتخب السعودي ؟؟

في كأس العالم 1998م خسرنا من أمام المنتخب الفرنســي بأربعــة أهداف
في كاس العالم 2002م خسرنا من أمام المنتخب الألمـــــاني بثمانيـة أهداف ( يعني الضف )

المفروض كنا نستفيد من دروس 98 ولكن لاحياة لمن تنادي كل الدعوة تخطيط علمي مدروس والمنتخب راح فيها بدال مانفوز والا نتعادل صرنا نأخذ معانا الضعف ونمشي على قولة يالله عسا نصعد المونديال الجاي .. صح

الخوف كل الخوف أن نهزم بزيادة أربعة أهداف أخرى يعني لنهزم من أحد المنتخبات بــ12 هل يعقل هذا ؟؟

أنا لاأتمنى ولكن كل شي يصير .. أتمنى من رؤساء وأعضاء الاتحاد السعودي الاستقاله وفقط في حالة خروج المنتخب من المونديال بأداء غير مشرف لأنهم بصراحه لم يقدموا مايشفع لهم بالنسبه للانديه أو المنتخبات

لاسيماَ أننا في عصر الاحتراف واللمسه الواحده في كل شي حتى في صنع القرار !!!!!!!!!!!!

تحياتي للجميع ..

للتواصل : [email protected]

تفاءلوا بالخير تجدوووووووووه ..
وان شاء الله المنتخب يبدع ويشرف الكرة السعودية ..
ولو على الإستقالة ... من زمان ليتهم مقدمينها .. ولكن لا حياة لمن تنادي ..
مشكور أخوي ..

خوفي يصير مرة ثانية
كــــــــــبــــــــوة جـــــــــواد

اقرب مثال ما حصل في الكويت قبل عامين تقريبا في بطولة العرب او الخليج الماضية
عندما اقال رئيس الاتحاد الكويتي بسبب المستوى الباهت الذي قدمه المنتخب الكويتي في تلك البطولة
وليست بطولة كأس العالم بل الخليج.........................................ز

والله اني حاس المنتخب بيجيب العيد الله يستر

أبشرك

الإتحاد السعودي بيبقى على كبدي وكبدك

اللي قاهرني انهم يجادلون في أمور فنية ولا عمر أحد فيهم طق الكورة

والله موضوعك رائع بس ؟؟


إنت من جدك تقول هذا الكلام

والله اذا بيصير فاأنا أتمنى أن المنتخب ينهزم 27 \0


بس ينحل الإتحاد السعودي لكرة القدم

بس دامنا عارفين من أول إنه مافيه أمل

نقول إن شاء الله ما تجي هزيمه كبيرة وبس ؟؟

سمعت والعلم عند الله ..ان الأمير/:عبدالله الفيصل قادم ,,,

ان بغيت الحق...انا حاس ان هالاتحاد نهايته قربت ...

مدري وش سوو ؟؟

لا ملاعب,, لا نظام دوري صاحي..لا حكام زينين ,, لا جداول زي الخلق,, ولاااااا شي..

ونهايتها يقولون اللاعبين ....

بسالكم ,,, دوله طوووووووووووووول عرض مافيها ظهير ايمن الا واحد وياليت يجمل؟

دوله تاهلت الى كاس العالم اربع مراااااااااات متتاليه ..بفضل من الله ثم بفضل رجال مخلصين ..ع راسهم الامير فيصل رحمه الله ..ثم سامي الجابر..مو قادره تثبت وجودها..


سؤؤؤؤؤؤؤؤؤال ومحيرني ..يابو خطط مدروسه /: هالانديه كله .. واللاعبين كلهم ..ماطلعت موهبه صاحيه فالدفاع ؟

المشكله ..المكابره واذا سالهم احد قالوا " أفضل الموجود"؟؟

افضل الموجود ...اي منطق ذا ؟؟؟؟؟؟

لوووول كيف الحال ؟؟؟
والله ياخوك لو انصفقنا بكاس العالم 30\0
تيتي تيتي مثل مارحتي جيتي .. غيّر باكيتا اكثر من 3 تغيرات وقالوا بناقشه !!
الحين بتناقشون مدرب خذا كاس العالم مرتين وخبرته كبيرته ؟؟؟ يعني انتم ابخص منه ؟ لوول
ياخي شي يفقع المراره ... ليه مانصير مثل الدول الثانيه المتقدمه .. مايمسك الكوره الا الي فالح فيها . وان خبّط يمسك الباب الله لايهينه ...

ع عالعموم بالتوفيق للاخضر بكاس العالم .. واتمنى اني اصير غلطان ويفلحون

أتمنى لمصلحة الجميع انهم يقيلون الاتحاد السعودي كاملا" لكن مستحيل
عشم ابليس في الجنه!
لو كانو بيقيلونه كان من بعد 8-0 اقالوه
وضعوا الامير/عبدالمجيد بن عبدالعزيز رئيس اللجنه العليا يبغون الرجال يفهمها ويتوكل على الله لكن (لا حياة لمن تنادي)!

في حالة الإخفاق ( الإقالة ) واردة بنسبة كبيرة ،،،،،،،،،،،،،،، وكانت قاب قوسين أو أدنى بعد 8 ألمانيا


ولتذهب الخطط العلمية المدروسة الى غير رجعه

ما أعتقد ................. ياناس ... ياسر وسامي

وين راحوا....

أنا أحب التفائل .... والمنتخب بيوصل دور الثمانيه؟؟؟؟؟؟؟؟؟؟؟؟؟؟

إلى جميع من تواااااصل معي

الشكر كل الشكر لكم على قرائتكم للموضوع

وبإنتظار ردود أخرى من بقيــة الاعضــاء

شكرا لكم جميعا ً .. ولاتنســون إني قلت إن هذا الموضوع دعـــوة للنقــاش

يحل الاتحاد السعودي كثر منها

اذا المنتخب خسر ثمانية صفر ولا صار شئ

تبيه يُحل ؟؟؟؟

يصدر امر ملكي <<<<<