نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)

- منتدى الرياضة العربية و العالمية (http://vb.alhilal.com/forumdisplay.php?f=13)

- - كـرسبو + روبين ][ مقابل .... (http://vb.alhilal.com/showthread.php?t=305027)

R a k a n

21/05/2006 07:23 PM

كـرسبو + روبين ][ مقابل ....

إقتباس:

الرسالة الأصلية كتبت بواسطة man.u&برشا

<CENTER>عرض قوي من تشيلسي : روبين و كريسبو مقابل شيفو :eek:

http://www.dr.dk/NR/rdonlyres/674D4F...7d89b6_400.jpg

قدم نادي تشيلسي الإنجليزي عرضا مغريا لضم مدافع روما كريستيان شيفو ، النادي اللندني مستعد للتخلي عن لاعبيه المهاجم الأرجنتيني هرنان كريسبو (31 سنة) و لاعب الوسط الهولندي أرين روبين ( 22 سنة) مقابل الحصول على خدمات مدافع الجيلاروسي كريستيان شيفو ، .

المصدر</CENTER>

** بصراحه اذا على كذا اتمنى قدومهم بأسرع وقت .. وخصوصا العقرب كرسبو .. اصلا والله لو يقولون كرسبو مقابل تشيفو رأس بـ راس مافيش مشاكل .. :D

يالله ياليتها تتم ماتكون كلام جرايد ..

أن شالله كرسبو يصير باتي ثاني ..

الرجال متشقق من الخبر .. ان شالله مايتحطم بعدين ... اذا جائنا كرسبو خلاص ماعاد نبي أحد غيره ..

** جميع الحقوق محفوظه لـ رابطة ذئاب روما .. s60s

C A S I L L A S

21/05/2006 07:28 PM

اكيد كريسبو باتي ثاني
صراحة صفقة رائعة جدا لوتمت لروما
&&&&&&&&
ديلاس اليوناني وينه الحين؟؟

RoMa4eVeR

21/05/2006 07:30 PM

جاني حول

ياناس كبرووووووووووووو خطكم

ترانا شياب مانقدر نطالع الخطوط الصغيرة

بعدين الصفقة لو تتم بتكون من احسن الصفقات من زمن طويل

كرسبو بيعيد ايام قوة الهجوم

وبالنسبة لكييفو خسارة بس فيه بديل

الأوليمبكو

21/05/2006 07:42 PM

والله ما أظن مورينه مغفل للدرجه هذي

الصفقة من حيث المبدأ يسيل لها لعاب كل روماوي

تشيفو الموسم الماضي غاب عن روما أكثر مما لعب بسبب الإصابات المتتالية

يكفينا كريسبو العقرب يجي

روبين ما يكمل مباراتين إلا وهو غير قابل للعب نهائياً - هذا دوري ايطالي مو لعب عيال -

يقال أن روبين يريد الذهاب إلى ريال مدريد

شكراً راكان

ضحية مجاملة

21/05/2006 07:45 PM

والله بتطلع صفقه ناجحه وقوية .... بالتوفيق للعقرب في كل مكان

يروح له ...........

R a k a n

21/05/2006 07:57 PM

إقتباس:

ديلاس اليوناني وينه الحين؟؟

هلا والله بعزوز ..ديلاس الله يذكر إيامك بالخير ياديلاس .. الحين في الدوري اليوناني يلعب ..الفريق بالظبط ناسي اسمه ..

إقتباس:

جاني حول

ياناس كبرووووووووووووو خطكم

مجود شف الطريقه في الرابطه .

إقتباس:

والله ما أظن مورينه مغفل للدرجه هذي

المشكله مهب في مورينهو .. المشكله كلها في الروسي الفضيخ .. ماعنده كل شيء عنده قدام .. يعني كل شيء توقعه منه .. وبعدين حتى مورينهو ..راز كرسبو احتياط جمبه..

إقتباس:

تشيفو الموسم الماضي غاب عن روما أكثر مما لعب بسبب الإصابات المتتالية

فصول هلابك .. تصدق اسمك حرركه .. معجبني .. s60s

على العموم مثل ماذكرت تشيفوو تأثرنا بغيابه كثير بسبب الاصابات وماخدم الفريق بشكل متوالي .. والاصابات ماركه بأسمه ..

إقتباس:

روبين ما يكمل مباراتين إلا وهو غير قابل للعب نهائياً - هذا دوري ايطالي مو لعب عيال -

يقال أن روبين يريد الذهاب إلى ريال مدريد

روبين بالفعل الريال طالبه .. يعني يجينا ونبيعه للريال بـ 20 مليون او أكثر .. يلعن أم الفلله ..

إقتباس:

شكراً راكان

ولئك تؤبرني حبيبي ..

إقتباس:

والله بتطلع صفقه ناجحه وقوية .... بالتوفيق للعقرب في كل مكان

يروح له

الله يسلمك حبيبي .. ماعاد يدري وش يقوول

:clap: :clap: :clap:

** حاليا المستخدم ..مدري وش فيه .. جاه بلا من هوول الخبر .. اتمنى أن لا أفيق من الحلم ... :sleep:

RoMa4eVeR

21/05/2006 08:01 PM

إقتباس:

الرسالة الأصلية كتبت بواسطة Abo Crestan

** حاليا المستخدم ..مدري وش فيه .. جاه بلا من هوول الخبر .. اتمنى أن لا أفيق من الحلم ... :sleep:

راكان الحين لاتصدق :eek: كل شي كل اللاعبين الحين يقولون عنهم كلام :upset: يعني كله كلام

جرايد لاتبدا تحلم الا اذا جا شي من ادارة نادي روما او تشيلسي اما غير كذا كلام جرايد

G o L d E s T

21/05/2006 08:05 PM

إقتباس:

** حاليا المستخدم ..مدري وش فيه .. جاه بلا من هوول الخبر .. اتمنى أن لا أفيق من الحلم

انتبه لا يجيك شي

اتوقع نسبة صحة هالكلام 30%

R a k a n

21/05/2006 08:11 PM

^^

أقوول أطلع من جووي أنت وياه ... لاتعكرون مزاجي ..

خلوني على كيفي ..

:nono: :nono:

khloodi الهلالي

21/05/2006 08:11 PM

مشكوووور على هالخبر الرائع لمشجعي روما

RoMa4eVeR

21/05/2006 08:27 PM

إقتباس:

الرسالة الأصلية كتبت بواسطة Abo Crestan

^^

أقوول أطلع من جووي أنت وياه ... لاتعكرون مزاجي ..

خلوني على كيفي ..

:nono: :nono:

علشان ماتنصدم حبيب قلبي:wallbash:

SNOOP 187 DOGG

21/05/2006 09:40 PM

ياناس كبرووووووووووووو خطكم

ترانا شياب مانقدر نطالع الخطوط الصغيرة

بعدين الصفقة لو تتم بتكون من احسن الصفقات من زمن طويل

كرسبو بيعيد ايام قوة الهجوم

وبالنسبة لكييفو خسارة بس فيه بديل

والله أنك صادق أخوي
man
وبرشا

THE COACH

21/05/2006 10:16 PM

مشكور على الزرف أخوي راكان

وما أعتقد ولا أتمنى إن الكلام يصير صحيح

لو تم هالكلام فمن اللحين أبارك لنفسي أولاً بالكالتشيو الموسم المقبل بصفتي من مشجعي روما

ولكن في نفس الوقت مشجع لتشيلسي

H U N T E L A A R

22/05/2006 01:15 AM

إقتباس:

الرسالة الأصلية كتبت بواسطة Abo Crestan

أيـــك أثــيــنــا .

أسيــ الزعيم ــر

22/05/2006 01:24 AM

السلام عليكم :)

راكان ماتشوف ان كريسبو وروبين صايرين ملطشة .. أي فريق نفاوضه طلعت لنا أخبار تقول ان هاللاعبين ضمن الصفقة .. شيفشنكو وكريسبو .. روبرتو كارلوس وروبين ....!

المهم ودي أسألك عن مستوى تشيفو .. هل هو كويس

تحياتي للجميع ؛ ؛ ؛

RoSSoNaiRo

22/05/2006 01:30 AM

أووه لو تمت هالصفقه
صدقني روما راح يكون من أقوى المنافسين للكالتشيو لأن روما الا ينقصه لاعب او لاعبين

وصدقني لو أتى روبين وكريسبو راح يشكلون ثلاثي قوي مع المبدع توتي
ولكن أذا ذهب تشيفو راح تكون مشكله في الدفاع

ومشكله روما أنه يستقبل الاهداف كثر ما يسجل وقد شاهدنا روما في الموسم الماضي كان يتعادل أربعه أربعه

أو ينتصر أربعه ثلاثه

أذا لابد من البحث عن مدافع مع ماكسيس ولماذا روما لا يفاوض كارفالو او جلاس
صراحه هذان اللاعبان لا يريدان تشيلسي فمن الافضل جلبهم

RoMa4eVeR

22/05/2006 01:33 AM

الظاهر مورينيو مايبيهم يبي يفتك منهم باي طريقة

توتي القصيم

22/05/2006 02:20 AM

حيا اللـه ابوكرستيـان

تشيـفو واللـه انه حسـافه ويمثل ثنـائي رهيب مع مكسيس والعمر بعد تـوه صغـير
اما لو نشوف كرسبو كبير بالعمر يعتبر واما روبن العـن من تشيفو اصابات
والمشكله ان تشيفو وافي مع روما يعني لو نستغني عنه خياانه وغير كذاا ندبر عمرنا بمهاجم
مثل ياكوينتا

killer life

22/05/2006 02:35 AM

كان اقول خذوه وكان تبون لاعب ثاني معه ميخالف

east	22/05/2006 03:14 AM

مستحيل لاعبين مقابل لاعب مدافع

R a k a n

22/05/2006 09:59 AM

إقتباس:

الرسالة الأصلية كتبت بواسطة أسيــ الزعيم ــر

وعليكم السلام هلا أبوعابد ..

مثل ماقلت ملطشه للكل . ..بس اتوقع في الاخير بنشووفهم الموسم الجاي يناقزون معكم ..

أما سؤالك عن تشيفو فـ بصراحه من أفضل المدافعين لن أقوول في الكالتشيو بل في العالم .. والله ليست مجامله .. ولكن اسأل أي متابع للكالتشيو وخصوصا روما ويقولك ..

إقتباس:

الرسالة الأصلية كتبت بواسطة توتي القصيم

هلا توتي القصيم .. والله أني فكررت أمس فيها .. والله خساره ..تشيفوو .. بعدين راح تكون خيانه منا
اللاعب رافض أكثر العقود من أنديه عالميه كبيره لاتقارن بـ روما حاليا .. وبـ مبالغ خياليه.. ويريد التجديد براتب شووي ومقدم أقل .. خلاص أنا غيرت رأيي .. ماعاد نبي أحد ..

ياكونتا ولافوستنتش . وخلاص .

** كرسبو والله لويجي يحل مشكلة الهجوم كامله .. ويقدر يخدمك لمدة اقل سي سنتين الى ثلاث بمستوى واحد ..

على العموم نشووف الادراه وش بتسوي ..

تشيــ s45s فوو والله انه خساره لو يروح ..لكن ..

على ماقالو ... عندك خيارين أحلاهم مـر ..

تحـيـ تي للجميع ..

T W I N S O U L

22/05/2006 11:03 AM

بصراحة خبر قوي وصفقة ناجحة العقرب يتمنى يرجع لايطاليا اليوم قبل بكرة
وروبين لاعب مهاري وسريع ومكسب لروما
بصراحة أتمنى انضمامهم وبالتاكيد كريسبو سيعيد أيام باتي
بالتوفيق لروما

AMJADG

22/05/2006 12:57 PM

صفقه مربحه للجيلاروسي في حال تمت ... رغم اني اشوفها صعبه

شكـــــــــــــــــــرا

قاهر آسيا

22/05/2006 02:31 PM

السلام عليكم

هلا ابو كريستان

مشكور حبيبي على الخبر

بالنسبه للصفقه
على الورق تعتبر جيده نوعا ما
كريسبو كبير بالسن و روبين سيكون احتياط ولن يلعب اساسي الا بمباريات الكأس و الويفا كاب لان لاعبي الاستعراض مكانهم غرفه العلاج

تشيفو حرام يفرط فيه خصوصا بعد تصاريحه وتعلقه بروما اكثر و اكثر
من الاعبين المحببين مشاهدتهم بلباس الجيلاروسي لكن اصاباته الكثيرة و السهيان بعض المرات في المباريات الضعيفه جابت العيد لروما اكثر من مره سبب ضربه جزاء و اكثر من مره ترك المهاجر لوحده بمواجهه دوني
المشكله ان خط دفاع روما مشكله بوجود تشيفو يعني اذا رحل بيكون شارع 60 في ضل تواضع بانوتشي المخضرم .
يمكن لو دخل كوفري بقلب الدفاع بجانب مكسيس و على اليمين بانوتشي واليسار بوفو اذا اخذنا بالاعتبار خروج تشيفو تشكيله ممتازة لقوة و صلابه كوفري و مكسيس و فطنه بوفو و خبره بانوتشي المطلوبه بس المشكله اذا غاب احد هالاعبين لا كوفور الغاني بيسوي شي ولا حتى الاعبين المعارين الراجعين بيسوون شي ( سكورتو الاعب المدلع او فيراري افضل مدافع صديق للمهاجم )

تشيفو مميز و قائد فذ بس المشكله بالاصابات الكثيرة و السذاجه بأرتكاب الاخطاء بعض الاحيان

كريسبو سيفيد روما كثيرا
اما روبين يا حلاته لو يجي و ينباع للنادي الفرع ريال مدريد

آسف على الاطاله من زمان ما تحرك الاصابع بالكتابه

و الله يعطيك العافيه مره ثانيه.

R a k a n

22/05/2006 02:50 PM

..وعليكم السلام . العفو حبيبي

هلا والله تركي ان كان مانيب واهم .. الله حيه .

كرسبو ليس كما يعتقد البعض .. عمره مثل عمر شيفا كبر بعض ..بل انزاجي اكبر منه بكثير وكل يوم مستواه في تطور مستمر ..

روبين أنا اقول مانبيه وليس محله الكالتشيو الايطالي .بل اذا جاء اعرضه على الريال وهو يبي الريال والريال يبيه ..

يعني صدقني الريال راح يعرض أقل شيء 25 الى 30 مليون ..

ومع هالقيمه بيع فيراري النكبه مثل ماقلت افضل صديق للمهاجم . وايضا ميدو . وكوفور الغاني الللي اصلا يبي يرجع للبايرن.ونوندا ..

صدقني مع كل هذي نقدر نجيب افضل المدافعين . للتعزيز . وايضا ياكونتا او فوسشنتش .مع كرسبو واحد منهم ..
وايضا لاعب وسط كـ بيزارو او يانكو ..

ويبقى في مخبى سينسي وبنته .. ملايين ..

وبأذن الله اذا تم التخطيط هكذا .انا اضمن الكالتشيو الموسم القادم . أذ لم يكن هناك تلاعب كالعاده ..

ويكون خط الدفاع مثل ماذكرت بس بوفو الصلب وميكسيز يكونون قلوب . وكوفري المقاتل وبانوتشي المخضرم الباكات .

وابو التوت ودي روسي ومانسيني وبيروتا .. وسط حرريقه ..

وفي الامام العقرب كرسبو .. ومعه يا ياكونتا او فوسينتش .

الله . شيء مومعقول ..

وبعدين انت تطرقت لسهيان تشيفو .وركلات الجزاء المحتسبه عليه .. الكثير منها ظلم فيها . ام السهيان فهو يفلت بعض الاحيان .بسبب الاصابات . لولا الاصابات لكان من المستحيل ان ترى مثل هذا السهيان .

بس عيب تشيفو لعنة الاصابات ..المتواليه .

ومثل ماقلت اذا صح الخبر فـ ننتظر قرار من الادراه .

والله تحير .جداجدا ..

ومشكور حبيبي على مرورك . ولاتقاطعنا .

إنســـــــــان هلالي

22/05/2006 02:57 PM

عرضوووووهم على ميلان مقابل شيفا .. وعرضوهم على الريال مقابل روبيرتو كارلوس .. !!

king of italy

22/05/2006 04:15 PM

اتوقع كريسبو يبحث عن نادي محتمل ان يحقق بطولات ويضمن مشاركته في دوري الابطال

مالديني الميلان

22/05/2006 04:16 PM

مشكور

R a k a n

22/05/2006 04:36 PM

إقتباس:

اتوقع كريسبو يبحث عن نادي محتمل ان يحقق بطولات ويضمن مشاركته في دوري الابطال

وكل هذي موجود أن شالله .. اليوفي الى السيريا بي .. بعدها تتغير المراكز . يعني الذئاب للشامبيون ..
والاسكديتو الموسم الجاي في الاليمبكو ان شالله . يعني كرسبو جاي جاي.

* * هاه وش سويتو اخر الاستعدادت للسيريا بي . يقولون دل دل مسوي معسكر مغلق .

RoSSoNaiRo

22/05/2006 04:40 PM

إقتباس:

هلا توتي القصيم .. والله أني فكررت أمس فيها .. والله خساره ..تشيفوو .. بعدين راح تكون خيانه منا
اللاعب رافض أكثر العقود من أنديه عالميه كبيره لاتقارن بـ روما حاليا

قمه في التواضع أخوي ابو كرستيان

وانا أعتقد أن كريسبو لن يذهب لروما لأنه يريد الميلان

R a k a n

22/05/2006 04:42 PM

هلا حبيبي وش اسمك ضيعته .. ايه عمر ..

على العموم ماندري وش العلم الصحيح من كلام الجرايد ..

نرى ونشووف . .ستبدي لك الأيام ماكنت جاهلا .

RoSSoNaiRo

22/05/2006 04:47 PM

وش دراك ان أسمي

شكلك كفشتني امس في رابطة الميلان

أنا قايله أنك ما تفوت شي

إعلامي معتزل!

22/05/2006 10:08 PM

حرااام يتم الاستغناء عن الهولندي الفناان والجناح روبين
اذا على كريسبو مافيه مانع ان يتم الاستغناء عنه لانه بصراحه لم ينجح مع البلوز مثل نجاحه مع الميلان

Milan_89

22/05/2006 11:03 PM

مشكورين على الخبر المفرح

وان شاء الله يكون صحيح

Jalardo

23/05/2006 03:23 AM

اتمنى بصراحه رؤيه روبين وكريسبو في روما ..
لتكون القافله الارجنيتنه الهولندي حاضره في العاصمه الايطاليه ..
ابو كريستيان مبروك الصفقه اذا تمت ..
مع ان تشيفو لاعب هادىء ورائع ..
لكن صفقه ما تتعوض ..
وانشالله تكون صحيحه ..
تشااو ..

الوقت المعتمد في المنتدى بتوقيت جرينتش +3.
الوقت الان » 03:43 PM.