#1  
قديم 20/05/2006, 05:05 PM
زعيــم متألــق
تاريخ التسجيل: 11/02/2004
المكان: الخــبر
مشاركات: 1,110
ياجماهير الزعيم هل يحق لكم ذلك ؟

بصراحة


بالعقل


بدون لف ودوران


من جد والله ترى مفقوع قلبي منكم


انتم حيالله مشجعين في المدرجات حدكم الكلمات الآتيه :


الله ياخذه وياخذ من لعبه

وش ذا لاعب ولا سباك ؟؟

ياخي الدرب هذا جاب المرض

لعنــ..... يا حكم يا ابن الــ ..




وهذا يا اغلب جماهير الهلال وكل الاندية تقريبا ..

صح ما ننكر ان فيه نسبة من العقلاء وهذا الشي مو مهم بالنسبه للكلام اللي ودي

اطرحه هنا بخصوص نواف التمياط وتجديد عقد التمياط او المحترف الاجنبي

كماتشو اي لاعب غيره ..

ياناس

يا عالم

يا بشر

يا زعماء


دام حدكم التشجيع والصجة واللجه والتنظير والتحليل ( المجاني )

ودام الواحد منكم حده يدعم الهلال بتذكرة دخول المباراة اللي مقسمة

على سبعين نفس
قبل تدخل خزينة الهلال منـــها هللات ويمكن يتحول

الدخول للملعب مجانا وصارت بمناسبات كثير ..

:

الشي الثاني جوال الهلال ..

167 الف مشترك يعتبر رقم كبير قياسا بالفرق الثانية لكن انا اعتبره

قليل قياساً بجماهيرية الهلال اللي انا متوقع ان مشجعين الهلال ( المهتمين )

على الاقل على الاقل 2 مليون مشجع مهتم ومحب للهلال ..

واذا حسبناها 2.000.000 مشجع نقصنا منهم 276.000 = 1736000 مشجع هلال

بخل على ناديه بكم ريال اخر كل فاتورة لجواله ..

:

وعلى فكرة اشتراك الجميع مو حباً في الدعم ..

لا ..

اشتراك الجميع رغبة في متابعة اخبار الهلال ومبارياته ونتائجة كمشجع يستمتع

بفريق ايجابي في كل شي حتى في معلومات اوقات الصلاة وصالات الاسم واخبارها


ماعلينا ..

خلاصة الحكي اللي ملحه منه فيه ..

نواف ابن بندر التمياط اذا حدد مبلغ كبير او صغير فهذا من حقه كلاعب ابن التمياط

وليس ابن الهلال كما يدعي البعض والهلا استفاد من التمياط سنوات كثير وبطولات كثير

والتمياط استفاد من الهلال بالمثل حتى وصل سن الثلاثين ..

:

سؤال ..

لو طاح مستوى نواف مثل ما طاح مستوى تركي الصويلح !!

( اللي كان بيوم من الايام بيزيح الدوخي من مركزه )

من منكم بيفيد نواف ولا بيطالع فيه ؟؟

احلف انكم اول من يطالب بتنسيقه او بيعه للشعله او الرائد ..

(وبيتحول نواف الذهبي طيي النسيان )

:

اللاعب كويس ويتنافس عليه عدد من الاندية الكبيرة

واللاعب على وشك توديع الملاعب بعد سنتين او ثلاث

اذا ظفر به الهلال ( حب وكرامه ) واذا لا فالله يستر على من راح

:

على فكرة :

الى الان نواف ما قال شي ولا تكلم عن شي ..


:

ادارة الزعيم ..

طبعاً ارجع بكم شوي لسالفة حدكم تشجعون بالمدرج ودعم تذاكر وجوال الهلال

اللي ما تغني ولا تسمن ربع لاعب محترف عليه الكلام ..

:

اما ادارة الهلال واعضاء شرف النادي اللي تطالبونهم باشياء مو من حقكم تطالبونهم بها

مثل جددوا لفلان او اشتروا فلان او نسقوا فلان ..

من انتوا ؟ من جد بالله قولوا وين تتوقعون يصير مصير النادي اذا صارت ادارته مئات الالاف

من المشجعين تطالب باشياء توجع الراس ..

:

انا متاكد ان اللي يدفعون ( ملايين ) الريالات هم اكثر حرص ومعرفه بالمكان اللي تروح فيه

( دراهمهم ) واذا هم شايفين ان التجديد لنواف بـ 200 مليون بيجلب للنادي مكاسب اكبر

بيجددون واذا التجديد معاه حسب وجهة نظرهم بـ مليون ريال او عشرة هو الانسب فهم اعرف

وادرى وهم الاحق بالقرار واللي يشوف ان له الحق في بقاء نواف او غيره يجي حياااااااااااه

الله الباب مفتوح ويدفع ويوقع مع نواف ..


:

الامير محمد بن فيصل يتعب ويسهر ويدفع ويسافر ويدير النادي بمئة قلب ومئة عقل ..

وهو ادرى بناديه وظروفها ..

لاتحسبونه ما يقرا مواضيعكم اللي ادوختونا بها عن نواف وكماتشو وغيرهم ..

لا ..

هو يقراها ويتابع ويتأثر ببعضها والدليل واضح امام الكل ..

مره ابستقيل ومره بجلس سنه ومره يقول هذي اخر سنه لي بالنادي ومن هالكلام

ظنكم لو كان وراه جمهور هلالي واعي مدرك لمصلحة النادي وتارك ادارته تشوف

الصح وين وتضع الامور نصاب عينها بتتقلب نفسيته كذا !!

:

اجزم بان الرجل اللي يترك كرسيه جوار الاحتياط ويقوم يرفع يديه مع الجماهير

يشجع ويرفع معنويات الجمهور ويمتدحهم في كل مناسبه مع انه رئيس نادي

من فصيلة ( سمو امير ) انه رجل جماهيري ويعايش هالجمهور معاناته ويعايشهم

كل احوالهم ..


لذلك انا ارى والله اعلم ان يقتصر دورنا بالتشجيع والفرح عند الفوز والحزن

عند الخسارة وان نترك الادارة للادارة والتدريب للمدرب واللعب للنجوم ..

ونترك مواضيع البلوي اخذ نواف والادارة مطالبه بالتجديد ..

:

واعتقد ان ادارة ناجحة جدا كالادارة الحالية لها الحق كله في تسيير النادي

كما ينبغي وعلينا ان نقف داعمين بالتشجيع والوقوف معها معنوياً فقط ..


:

ودمتم بخير

جذاب
اضافة رد مع اقتباس
  #2  
قديم 20/05/2006, 05:14 PM
زعيــم مميــز
تاريخ التسجيل: 02/01/2006
مشاركات: 2,581
معك وانا اخووك نواف لاعب كبير وفنان ومهاري والفروض يحترف في الدوري الإوربي


لكن مو 30 مليووون


ممكن 15 مليووون او مبلغ في هالحدود


ولا تنسى ان الإداره راح تجيب لاعب وسط ايضا


يعني محتاجين للكل مليون الي يطلبها نوووواف



ويستاهل كل خير ابو بندر



ويجب ان يكووون هناك ملعب للهلال كبير السنه القادمه وياليت يكووون ذالك فعليا
اضافة رد مع اقتباس
  #3  
قديم 20/05/2006, 05:34 PM
زعيــم متألــق
تاريخ التسجيل: 11/02/2004
المكان: الخــبر
مشاركات: 1,110
هلا بالغالي ..

من قال 30 مليون ؟

الجرايد !!!!!!!!!!!!!!!!!!!!!!!!!

الجرايد كذابه وستين الف كذابه

الامير محمد بن فيصل نفى ان يكون هناك تحديد مبلغ

والرياضية وبقية جرايد الكذب خلتنا في مواقف محرجه مع نجومنا

ياخي هذي الجرايد اللي تلم جستنيه وجمال عارف وش تتوقع يكون هدفها

الا زعزعة الهلال وبث الفتن بينه وبين لاعبيه

:

شوف السيناريو المخطط له وخليك مركز معاي ..

اليوم ينشرون اشاعة ان نواف يساوم بـ 30 مليون

زين !!

مع ان نواف ما قال ولا خطر بباله ..

بكره نبدأ يا هلاليين واولنا مؤسس الهلال قال لا نقبل المساومه

وبعده يطلع عضو شرف يكرر نفس الكلام

وبعد جماهير الهلال تصف نواف بناكر الجميل

ثم ننتقل لكلمة الخائن

ثم يجي من يجي ويقول الله لايرده اللي باع نفسه للبلوي

طبعاً كل هذا ونواف يشوف جماهير النادي اللي يحبهم ويحبونه كيف قلبوا عليه

مع انه ما بعد قال كلمته

:

طبعا نواف مو مطالب بالنفي خاصة اذا كان صرح قبل كذا انه الان متفرغ لمهمه وطنيه

مع المنتخب في كاس العالم ..

:

وطبعا حنا نواصل الضغط على نواف

والبلوي يزيد على النادر قااااااااااااز

( الله يحرقه )

ومع تواتر الاخبار والاشاعات هناك من ينبش مع نواف في المعسكر الوطني تداعيات الجماهير

ونكرانهم وجحودهم لنواف النجم المحبوب ومن هالكلام

:

يرجع نواف ( وهو مستوي ) جاهز للمفاوضات المتوترة

وتلقى الكل ( متوجس )

الادارة متخوفه من كلمة نواف وطلباته

ونواف بين تامين مستقبله من جهه وتقلب الهلاليين عليه من جهه واغراءات الدب من جهه

:

فندخل حوسه ما وراها حوسه

:

الحل

:

الادارة ولله الحمد حتى الان متزنه ومتعقله

نواف برضو الولد ماسك نفسه ولا قال شي

الجمهور يجب ان يضع ثقته في الادااااااارة

ويجب ان يكون هلالي فقط وبكل هــدوء

:

وحتى انجلاء الغمه

يبقى حبيبنا نواف قلب المنتخب النابض

في معترك نوج العالم وهو الامل بعد الله في مقارعة النجوم

لانه املنا بعد الله في تالق الاخضر هناك

:

تحية حب لكل ماهو ازرررررررررررررررررق
اضافة رد مع اقتباس
  #4  
قديم 20/05/2006, 05:43 PM
زعيــم مميــز
تاريخ التسجيل: 02/01/2006
مشاركات: 2,581
بإذن الله يكووون كلام صحافه


وانا متإكد ان نووواف هلالي




وثقتنا في ابو سلطان كبيره ان يجدد مع نووواف



ويبقى الفتى الذهبي نجم خط الوسط في المنتخب السعودي واسيا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:05 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube