فكره حلوه لبناء ملعب الزعيم بشكل راقي بدون ان تخسر خزينة النادي ريال واحد - نادي الهلال السعودي - شبكة الزعيم

البدررر · #1 19/05/2006, 11:43 PM

الفكره هي

نكلم رجل اعمال نقوله زين الملعب ويكون عشر سنوات يكون الربح المادي من الملعب ثلاث ارباعه لك والربع لنادي

اكيد رجال الاعمال بيكون فيه تنافسس بينهم لان بالعشرر سنوات هااذي بيتقاسموون مع الهلال دخل الجماهير والاعلانات والخدمات الي داخل الملعب

اتوقع بضل 10 سنوات الى 15 سنه بيكون رجل الاعمال استفاد ضعف المبلغ الي دفع

بعد عشر سنوات او خمس عشر سنه يطلع رجال الاعمال من الملعب ويكون الملعب هلالي ميه بالميه

فهمتم قصدي اكيد

تحياتي

البدررر · #2 19/05/2006, 11:49 PM

فمثلا نقول سعة الملعب 60 الف متفرج

وحضر الملعب في مباراة الهلال والنصرر 40 الف والتذكره بعشرين ريال

يكون الدخل من المباره من الجماهير فقط

40000 في 20 يساوي 80000

ومباراة الاتحاد والاهلي بالاضافه الى اربع مباريات مربع ومباريات كاس ولي العهد نصف النهائي وربع النهائي ونهائي كاس فيصل والبطولات الخارجيه بدون الاعلانات بيصفي اكثرر من 10 مليون بالسنه

غير الاعلانات طبعاا في الملعب والخدمات التي في الملعب مثلااا العصيرر والفصفص بدال ريال يكون ريالين
والاعلانات بالشاشه وحقوق المباريات بالنقل يكون له نصيب منها

اتوقع بيطلع هو كسبان

تحياتي

يسلم راسك · #3 19/05/2006, 11:55 PM

وش يضمن لنا ان رجل الاعمال بيعيش 10 سنوات

spyer · #4 20/05/2006, 12:09 AM

فكره ممتازه.. رجل الاعمال.. او الشركه.. تقوم ببناء الملعب و يكون ثلاثة ارباع الدخل للشركه و الربع الباقي للنادي..

ولو مات على فولتك اخوي... ابناءه او الشركه برضه.. تستلم الارباح طبيعي.. و النادي باقي للهلال..

والله فكره رائعه جداً

الهـ محمد ـلالي · #5 20/05/2006, 12:12 AM

إقتباس

الرسالة الأصلية كتبت بواسطة يسلم راسك


	وش يضمن لنا ان رجل الاعمال بيعيش 10 سنوات

بموجب الصك

للورثه

ابو فيصل قلب الزعيم · #6 20/05/2006, 12:18 AM

و انت على بالك الموضوع سهل
يبي له دراسة جدوى المشروع لرجال الاعمال ولو بنو ملعب اقل فترة لاسترداد اموالهم هي عشر سنوات بدون ما ياخذ النادي قرش واحد

M O U R I N H O · #7 20/05/2006, 12:22 AM

والله فكرة حلوه ..

البدررر · #8 20/05/2006, 12:28 AM

الفكره مطبقه ومجربه

والان تجربها وزارة المعارف

تقول لرجال اعمال زين مبنىى على حسابك وتاجره لنا عشر سنوات مقابل 100 الالف بالسنه بعد العشر سنوات تكون المدرسه ملك لوزارة المعارف

اما الي يقول انها مو لعبه تبي دراسه لو نرفع الى عشرين سنه اعتقد حنا مستفيدين ملعب وراحة بال وبالاخير بيكون ملك لنا

تحياتي