#1  
قديم 19/05/2006, 02:09 PM
موقوف
تاريخ التسجيل: 01/07/2005
مشاركات: 610
قصيدة مؤثره.. يا ليتني خدامه بين اياديك .. منشان اشوفك كل يوم برضايا

<<==____ياليتني خدامة بين اياديك____==>


قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيدة كامله

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا
[ ]

(حسبي الله ونعم الوكيــــــــــــــل)
الله يكون فعونها آميــــــــــــــــن

ملاحظه .... منقوله من منتدى هوامير البورصه ...
اضافة رد مع اقتباس
  #2  
قديم 19/05/2006, 02:29 PM
زعيــم مميــز
تاريخ التسجيل: 26/09/2005
المكان: الرياض
مشاركات: 3,590
مشكور ويعطيك العافيه
اضافة رد مع اقتباس
  #3  
قديم 19/05/2006, 03:47 PM
زعيــم متألــق
تاريخ التسجيل: 22/03/2006
مشاركات: 1,310
الله يعطيك العافيه
اضافة رد مع اقتباس
  #4  
قديم 19/05/2006, 04:21 PM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
إقتباس
يـا ليتنـي خدامـة بيـن اياديـك .. من شان اشوفك كل يوم برضايـا

تكرم والله
تكون خدامه عند ولدها !!!
حسبي الله ونعم الوكيل !!
الجنه تحت اقدام الامهات ياحمدان ومن على شاكلتك !!
ـــــــــــــــ
مشكور اخوي
اضافة رد مع اقتباس
  #5  
قديم 19/05/2006, 04:36 PM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
مووضوع منقول .. وبمنتدى الجمهور .. ومكرر لأنه موجود بالمنتدى العام ...!!!!

ما ادري متى تحترمون الجمهور الهلال وتحترمون انفسكم لأن هالمنتدى للهلال والهلال فقط .. فيه اقسام العام وصيد الانترنت ..!!
اضافة رد مع اقتباس
  #6  
قديم 19/05/2006, 04:47 PM
زعيــم نشيــط
تاريخ التسجيل: 28/07/2005
المكان: مع الزعيم
مشاركات: 634
مشكور اخوي
اضافة رد مع اقتباس
  #7  
قديم 19/05/2006, 06:40 PM
زعيــم مميــز
تاريخ التسجيل: 07/04/2006
المكان: BuRaYdAh
مشاركات: 10,468
إقتباس
الرسالة الأصلية كتبت بواسطة مغرور حدي
مووضوع منقول .. وبمنتدى الجمهور .. ومكرر لأنه موجود بالمنتدى العام ...!!!!

ما ادري متى تحترمون الجمهور الهلال وتحترمون انفسكم لأن هالمنتدى للهلال والهلال فقط .. فيه اقسام العام وصيد الانترنت ..!!


وراك معصب وسع صدرك يبون يزودون مشاركات
اضافة رد مع اقتباس
  #8  
قديم 20/05/2006, 12:20 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
بلا جمهور هلالي بلا خرابيط
الدعوة حرية وكل واحد يكتبي اللي يبييه

إذا بتحاسبو خلق الله حسابوا اللي كل يوم منزلين عشرين موضوع عن الشيخ العلامة منصور الثور

وبالعكس موضوع روعة ويخص الأم ويحث على طاعة الوالدين
اضافة رد مع اقتباس
  #9  
قديم 20/05/2006, 12:33 AM
زعيــم متواصــل
تاريخ التسجيل: 26/02/2004
مشاركات: 122
اول شي حسبي الله ونعم الوكيل في هالولد العاق الله لا يوفقه جعله انشالله في اول تريله
ثانياً : مثل هالموضوع لابد من جمهور الزعيم انه يتفاعل معها لأنها بالفعل مأساة

ولا اقول الا حسبي الله ونعم الوكيل في كل من يسوووي هالسواة

ومع ذلك شفتو الأم ماعدعت عليه

مشكور يا ولدي وتشكر مساعيـك .. وادعـي لـك الله دايـم بالهدايـا

الا دعي عليه لانه مايستاهل ولد عاق حسبي الله عليك من ولد
اضافة رد مع اقتباس
  #10  
قديم 20/05/2006, 12:47 AM
زعيــم مميــز
تاريخ التسجيل: 19/01/2006
المكان: ســواار المقبـــره !
مشاركات: 5,409
لاحول ولا قوة الا بالله

دلوني على ولدها خلوني اوريه شغله
اضافة رد مع اقتباس
  #11  
قديم 20/05/2006, 12:51 AM
زعيــم مميــز
تاريخ التسجيل: 05/11/2005
المكان: قلب االزعيم
مشاركات: 1,860
يا ليت الواحد يخدم اهله على قد ما يقدر
الله يعطي اهلنا الصحة و العافية وطولة العمر
ويرزقنا وياهم ويسكنا فسيح جناته
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:26 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube