|
ملعب الهلال الجديد في شمال الرياض السلام عليكم و رحمة الله و بركاته كلنا نعرف موقع نادي الهلال في العريجاء...و بعض منا زار النادي لسبب او لآخر الحين النادي قاعدته الجماهيريه كبيره.. و الملعب ما يصلح لاقامة مباريات مهمه او مباريات عاديه حتى لانه المقاعد تقريباُ 10 الاف فقط.. انا لقيت هالتصميم في النت.. و اتوقع انه في المانيا لكاس العالم.. عدلت عليه شوي.. شوفوا الصوره.. http://www.9q9q.org/index.php?image=sBHcgbqrpEe يكون نادي الهلال مشابه له.. بالكتابه على المدرجات اسم النادي.. يتسع لمائة الف متفرج بمدرجات من طابقين تكون له 10 مداخل رئيسيه و ضعفها مرتين داخل الملعب.. يعني 30 مدخل.. هذا غير المدخل الرئيسي للشخصيات و الأنديه الأخرى و الضيوف. ما يكون هناك مضمار للجري ولا شي.. من المدرجات للملعب علطول الزراعه تكون صناعيه لكي لا تتأثر بالظروف.. و الرياض حرر و جفاف.. الزراعه تمووت بسرعه.. و راح يوفر تكاليف الري لاكن لازم يكون هناك تمديد لانابيب الري تحت الأرض للاحتياط فقط يكون فيه فندق, او سكن للفرق الضيفه, مسجد, و كوفي شوب و هذي ممكن تتأجر على شركات تديرها.. و تكون دخل سنوي و ثابت للنادي.. تكون حواليه الموقف الخاصه بالمشجعين و في الأسف.. المواقف الخاصه بالأنديه و الشخصيات الهامه و الضيوف و مادري شو اضافات يحتاجها بعد ان شاءالله تعجبكم الفكره يا رب اخوكم.. spyer |
اخوي ما شفنا صور وين الصوره؟ |
ايه طلعت هو زين ياخوي بس منين قروشه ما نقدر عليه ذا يكلف كثيييييييييييييييييير |
والله اليت بس ماكل مايتمنى المرء يدركه تجري ... المهم تكاليفه هذا ياعزيزي تجي بالمليارات وانا اقترح شراء ملعب الملز او استاد الملك فهد الدولي ياخي شوفو ملعب نادي الشباب احسن من ملعبنا بكثيييييييييييييييييير موقع و كبر مساحه وغير .. بالتوفيق ان شاء الله |
والله حلو .. :) لكن يبيلها $$$ .. :D أحلى شي إنه مايصير فيه مضمار .. مثل الملاعب الإنجليزية .. :) لكن أتوقع إنها مستحيلة .. من وين نجيب الفلوس .. :( |
ياشيخ خلنا نوسع الملعب اول شي بعدين نفكر في ملعب جديد |
والله يا خوان قضية أنك بتسوى ملعب صعبه وعالمي كمان أعتقد أنها مستحيله حاليا .. لكن والله ملعب النادي ممكن يخلوه ملعب على مستوي لو أجرو عليه بعض التعديلات .. يعني أول شي المضمار ينشال وتتوسع مساحة الملعب ويطلعلك بحجم الملز وملعب جده وبعدين يسو ورى كل باب مدرج والله راح يطلع شكل الملعب ما يحتاج .. |
حالياً صعبه .. لازم يخصخصون الاندية اول .. |
مجهودك رائع انا توني اشوف الصوره باذن الله راح يبدون فيه شوي شوي بالرغم انه مكلف بس لو يقعدون عليه 5سنوات عادي |
لا ياحبايبي مو صعبة ترا ملعب بايرن ميونخ مسويته له شركه وانشالله وحدة من شركات الامير الوليد بن طلال تتكفل ببناء الملعب |
لا ياحبايبي مو صعبة ترا ملعب بايرن ميونخ وجميع الفرق الاوربية مسويته له شركه وانشالله وحدة من شركات الامير الوليد بن طلال تتكفل ببناء الملعب |
حاليا صعبه شوي لاننا تونا ما بدينا المباريات داخل انديتنا بعد التجربه نطور |
شكراً على ردودكم.. المسأله ممكن فيها صعوبه شوي.. بس النادي تدخل عليه برضه فلوس.. يعني الحين الملعب يبيله وقت عشان يتسوى و من المباريات اللي بتقام في نادي الهلال من الموسم القادم راح يكون دخل على النادي و الاعلانات اللي بالملايين.. لانها مو شركه وحده.. اكثر من 10 شركات في المباراه الوحده و الاعلان اللي على ملابس اللاعبين.. و غيرها.. هذي كلها ممكن تساعد على بناء الاستاد الهلالي الكبير.. مع دعم الوليد بن طلال كاكبر داعم بحكم انه ملياردير العرب و كبار اعضاء الشرف و المشجعين و غيرهم والله مو مستحيله لو تخللها بعض الصعوبه فكروا فيها شوي و احسبوها.. تلقوها قريبه على ارض الواقع ان شاءالله شكراً لكم.. اخوكم spyer |
لو سوه الأتحاد السعودي بيخسر من قيمة التذاكر؟؟؟ مفهومه لازم خصخصة الأنديه اول |
اعتقد لو شركة هي اللي تتكفل بكل شي والنادي بس يدفع بس مادري احس فيه شيء صعب بالموضوع وش هو مدري |
| الوقت المعتمد في المنتدى بتوقيت جرينتش +3.
الوقت الان » 12:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd