دخل ملعب النادي !! - نادي الهلال السعودي - شبكة الزعيم

T U R K I · #1 18/05/2006, 10:55 PM

السلام عليكم ورحمة الله وبركاته ..

في البدايه أقول هاردلك للزعماء على الخروج المر واللي كان بفعل فاعل ولكن عزائنا هو مشاركتنا في البطوله القادمه وإن شاء يكون المنتخب إستفاد من المعسكرات اللي حرمتنا لعيبتنا ويبرد قلوبنا في المونديال ..

أما عن موضوعي فهو بخصوص القرار الصادر من الرئيس العام لرعاية الشباب و اللي يسمح بإقامة المباريات على ملعب النادي و إعطاء النادي حق تسويق التذاكر و الإعلانات داخل الملعب ..

بصراحه القرار جاء متأخر و المفروض قرار زي ذا يصدر من خمسه سنوات لكن الظاهر أن الخمس سنوات أنقضت في الدراسه ..

المهم من خلال حسبتي البسيطه تفاجأت وما كنت أتوقع أن ملعب النادي يمكن يدخل لنا في الشهر الواحد ما يقارب نص المليون وذلك من خلال إقامة مباراتين فقط على ملعب النادي واللي بيكون دخلها للنادي بالكامل ..

ولو فرضنا إن الملعب يتسع لحوالي 10 ألاف متفرج أو ما يقارب هذا العدد فيكون دخل المباراه الوحده إذا ضربنا عدد الجمهور فـ سعر التذكره واللي هي 20 ريال بيكون الدخل هو 200 ألف ريال للنادي ..

أما لو جينا للإعلانات اللي داخل الملعب فأنا بصراحه ما أعرف أسعارها لكن الواضح لي أن الشركات اللي تعلن دايمن هي الكبيره زي موبايلي والإتصالات ومن هذا يتضح لي أن سعر الإعلان مو بسيط يعني مو أي شركه تعلن ولا كان شفنا مكاتب العقار حاطين إعلاناتهم بالمعلب , المهم نقول إن راح يطلع للنادي من الإعلانات بالميت 20 ألف ريال ..

وبكذا راح يكون دخل النادي من المباراه الوحده 220 ألف ريال وهذا والملعب بـ مدرجاته وإمكاناته الحاليه ..

أما لو تم بناء مدرجات خلف البابين بيزيد الدخل حوالي 40 ألف ريال , وأما عن أرضية ومساحة الملعب اللي هي على ما أعتقد من الفئه c فأمرها سهل تتوسع مقاسات الملعب على حساب خط الجري وبكذا راح يطلع لنا ملعب ما بقول عالمي لكن ملعب يليق بـ مكانة الزعيم ..

يعني بكل بساطه الشغله مربحه وفوق ما الواحد يتصور وراح تدخل خير على خزينة النادي ..

وياليت تفيدونا يا أخوان إذا كان في تحركات من الإداره بخصوص الملعب ولا بيتم زي ما هو عليه ..