نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   وش صار لي مع عزيز ((قصه حقيقيه)) (http://vb.alhilal.com/t303911.html)

Carlton 17/05/2006 05:01 PM

وش صار لي مع عزيز ((قصه حقيقيه))
 
بسم الله الرحمن الرحيم
بالأول اتمنى فوز الهلال وإن شاء الله يرفع الراس ويتأهل

بالأمس اول ماصحيت شفت شوشتي لقيت انها بدت تزيد وقفلت نسبه

فلذلك شفت انه من الضروري اروح احلق شوشتي بحكم اني صرت اطلع في التلفزيون
((صدقت عمري طلعت في برنامج القرار 20 ثانيه وحسيت اني ابراهيم الجابر وبحاول انزل
لكم المقطع بس هو مقطع فيديو ولا اعرف شلون الطريقه بس الي يعلمني اكون ممنون له))
المهم رحت احلق شعري واتصلت على الحلاق الو اهلين اديب شخبارك قالي الحمدلله
قلت له ديبو انا ابي احلق شوشتي حبيبي قالي والله انا فاضي بعد المغرب تجيني ثاني واحد
قلت امممم خلاص ادق عليك المهم ركتب السياره وجلست ادور في التحليه على غير عاده
جيت برجع لشارع الضباب لقيت حلاق عند البيت ماعمري دخلته قلت خلوني اجرب
دخلت الحلاق قلت سلام عليكم نط واحد حواجبه لو يظغط اكثر ممكن يصير فيها حادث من زين الاخلاق
قالي وش تبي تحلق قلت له شعر ودقن قالي اجلس جلست طبعا لاشاهي وقهوه
جلست شوي حلق لي شعري بشكل بحياتي ماشفت مثله
طلعت منه قلت خلاص احلق دقن بعدين عندك رحت وانا جالس اقول حسبي الله عليه حلاقته مثل خشته
لا وياخذ 25 ريال قلت يالله الحمدلله وطلعت مشيت شوي لقيت حلاق ثاني قلت يالله هالحلاق مهب شين
ماطول عليكم نزلت وانا بادي احلق وكانوا حاطيني عند الباب يوم بديت احلق ويدخل واحد وانا
طيرت عيوني واناظر طلع عزيز المهم والتفت على الحلاق فك خشته قال ايه ايه دايم يجي
هو وياسر القحاطني يحلقون هنا وبدا الحلاق يقولي تشوف ياسر وسكسوته الطويله
انا الي اسويها له دايم قلت يالله شورك وهداية الله سوها لي وقبل لايدخل عزيز اقول للحلاق
هذا اللاعب كذا اثر عزيز وراي انا مب انواع الاحراج حسيت ماله داعي وكان معه واحد اتوقع اخوه
المهم كان جمبي وجا معه واحد اتوقع اخوه كان لابس شورت المهم كان ودي اصور معه
بس والله قلت ماحب ازعجه يعني يمكن وده بشوي خصوصيه مع انه فرصه ماتتكرر
مع انه كان مبتسم
انا بصراحه قلت شكلي مشبه بس يوم قريت ان لاعبي المنتخب رجعوا السعوديه قلت
اجل اكيد هذا عزيزو وبس

عاد معليش طولت عليكم واول مره نكتب لكم باللهجه العاميه

اغدي كشنه بالبشاميل ياعزيز يامبدع


اخوكم ابوعبدالله

ابو فيصل قلب الزعيم 17/05/2006 05:05 PM

يعطيك العافية
حط مكان الحلاق على شان تسوق له

Carlton 17/05/2006 05:09 PM

على قولهم تحتفظ الجزيره بأسمه هههههههههههه
بس لابغيته علمني خاص وابشر

ابوعبدالله

جحفاني 17/05/2006 05:20 PM

يعطيك العافية

صج هلالي 17/05/2006 05:29 PM

طيب وش صار بعدين؟؟؟

أسير الزين 17/05/2006 05:38 PM

طيب وش صار

سلطان 15 17/05/2006 05:38 PM

موضوع سخيف جدا جدا جدا

وش دخلنا بشوشتك وحلاقك

وبعدين واذا شفت عزيز وش يصير ؟؟؟؟؟؟؟؟؟

اجل لوشفت ابو يعقوب :d

هلالي و مانشستراوي 17/05/2006 05:42 PM

طيب صور لنا صورت شوشتك ؛؛

Carlton 17/05/2006 05:44 PM

بعض الردود تبين غيرة البعض ههههههههههههه

بس مو مشكله
وبالنسبه لطلب مانشستراوي بصراحه آسف انا بنزلها لمجاهدين الجزيره على قناة السي ان ان

wa7d_hlali 17/05/2006 05:51 PM

اجل لاضغط شوي يمكن يصير حادث هههههههههههههههههه الله يرج يور انمي

عاد الله يهديك لا صملت تتصور معه حلق وخذ راحتك بعدين رح له النادي :D

يعطيك العافية....ياكارلتون.....

Carlton 17/05/2006 05:56 PM

والله ياخي مدري شلون اروح النادي حنا من سكان ولاية العليا العريجا ماعمري رحت له إلا مرتين يمكن
(--------نصاب ماراح بهواه بس كان مضيع كشرته ابتسمت يوم درا انه بالعريجا يدور نادي الهلال


يعطيك العافيه على مرورك وتحياتي لك

هلالي سكر 17/05/2006 06:02 PM

الحلاق ذا وينه الله يرحم والديك

شبية الريح 15 17/05/2006 08:51 PM

انا من شفت اسمك وانا داري ان الموضوع سخيف مثل اسمك

Carlton 17/05/2006 09:03 PM

شبيه الريح وش هالنعصريه الناس ماتاخذهم من اساميهم ودام ان اسمي سخيف الله يهديك وشوله تدخل الموضوع

الله يهديك ترى الملافظ سعد وانا اخوك وشكرا لمرورك وكنت اتمنى انك تصير احسن من كذا تراك هلالي وهذا
منتدى يعني يتقبل اي كلام كان مهم او غير مهم

ابوعبدالله

=مـاجــد= 17/05/2006 09:08 PM

طيب تروشت بعد ما حلقت؟؟

وما قلت لنا وشلون رجعت للبيت ؟؟؟


الوقت المعتمد في المنتدى بتوقيت جرينتش +3.
الوقت الان » 05:45 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd