بسم الله الرحمن الرحيم

السلام عليكم ورحمة الله وبركاته

بعد ما قريت موضوع الإخت عسيريه مصرقعه
حبيت ان اضع مواقفي الهلالية في المدرسة

الموقف الالأول/كنت بعد مباراة الهلال و الإتهاد في اليوم التالي
كنت جايب شال الهلال و عليه صور بعض اللاعبين(الشلهوب - كماتشو - سامي - نواف)وصورة الأمير محمد بن فيصل
خذه المدير>>نصراوي/وقال لي تعال لي بعد الحصة الثالثة رحت له بعد الحصة الثالثة قال لي :انت ليه جاي هنا مو علشان تتعلم بعدين نادى اللي يمي قال له روح جيب مقص قلت له اقول ولا تحركه ولا تسوي فيه شي تجيب مثله إذا صار فيه شي قال انت اسكت لوما الإحترام لهذا(يقصد الأمير محمد بن فيصل)و إلا كان مسحت به الطاولة
قلت له و انا معصب ايه يصير خير فيك خير امسحه به الطاولة تبيني امسح بك الأرض>>قوي قوي
بعدين ما ادري خوف أو مدري شنو عطاني الشال و قال يللا روح فصلك.

الموقف الثاني/الفصل فيه 30 طالب 26 منهم هلاليين و 3 اتحاديين و 1ما يعرف شي اسمه كورة بس فالح في السيارات
بعد مباراة العين اللي كانت يوم الأربعا كنا متفقين إذا فاز الهلال نجيب اي شي عندنا عن الهلال وجا يوم السبت و اللي جايب شالات و اللي جايب اعلام و مدري شنو و علقناهم في الفصل صار الفصل(شبه ازرق)وكانت الصدفه إن كان جايين موجهيين من وزارة التعليم و جا المدير معاهم الفصل ودخل و شاف الفصل كذا قال وهو معصب ايش هالمهزلة هاذي يللا شيلوهم بسرعة قال له واحد من الموجهين:بالعكس هذي حركة جميله ان الواحد يضع اشياء رياضية في الفصل أولاً راح تعطي الفصل جمال اكثر و ثانياً يساعد الطالب على الفهم وهو موجود في مناخ يحبه بعدها قال المدير:لا انا اقصد الأوساخ الموجوده على الأرض والفصل انظف من يكون المدير مسكين صار وجهه احمر .

الموقف الثالث هاذا صار امس/دخلت انا و 3 من اصدقاي الفصل بعد (الفسحه)و شفنا مكتوب على السبورة كتابات استهزاء بالهلال
قمنا و صفقنا التشاديين اللي كاتبينهم ونزلونا للمدير قال المدير لنا انتوا 4 وهم ثلاثة ليه تعتدون عليهم قلت له:كان جابوا منتشري يفزع لهم عادي نعتدي عليهم قال لا ليه تعتدي عليهم اهم ماسوو شي غلط قلت له اي يصير خير بعدين قال مرة ثانية لا تعتدون على أحد قلت للتشاديين اقول ابي اعرف من المجنون اللي جايب اصابة حق المولد قال الهلالي اللي يمي هاذا جايب له مدرعه بالحيل جات له اصابه.


مواقف كثيييييرة كثيرة لكن هذي ابرزها

ابي اعرف هل تشجيع الهلال حرام