ياالرياضيه أصلحوا أنفسكم حتى يصطلح حال المنتديات السلام عليكم قرأنا في جريده الرياضيه ليوم الثلاثاء عن اراء الإعلاميين في المنتديات الرياضيه وأغلبهم مستاء من الطرح في المنتديات بس أحب أولا أن أقول شيء توجد بعض المنتديات نعم ضررها أكبر من نفعها وأشهرهم الجار النصراوي كل المنتدى سب وتجريح وقذف في المسؤولين والشخصيات الرياضيه المعروفه والمشكله لو أنه الأعضاء فقط هم من يسبون لهانت المشكله لكن المصيبه المسؤولين عن الموقع هم من يزرعوا في اعضاء النصر كلوب التعصب كلنا نتذكر حينما وضعوا علامه x على صوره الأمير سلطان بن فهد في واجهه الموقع الرئيسيه وأيضا اتهامهم لرئيس الهلال بالرشوه والمواضيع المثبته كلها سب وقذف وتجريح لكل ماهو هلالي وفرحاتهم بهزائم المنتخب أما المنتديات الهلاليه فيوجد بها مشرفين على قدر كبير من الثقافه والإحترام فرغم ماتعرض له الهلال من ظلم واضح من الإتحاد السعودي لم نجد اداره الموقع تضع علامه x على الأمير سلطان أو نواف فهذه أول نقطه حبيت أوضحها أن يحددوا المواقع المسيئه والمواقع المحترمه. ثاني نقطه أحب أقول للرياضيه المنتديات مرآه مايطرح في الإعلام أصلحوا أنفسكم أولا حتى يصطلح حال المنتديات ارجعوا للمنتديات قبل 4سنين أو خمس تجد مايطرح في المنتديات طرح عاقل ورزين نتيجه مايطرح بالإعلام من طرح عاقل ورزين أما الآن تجد سب وتجريح بسبب مايطرح في الإعلام أيضا كيف تريدوننا أن لانكون متعصبين في طرحنا وأنتم تحتضنون التعصب بعينه 1-عدنان جيستينيه 2- أحمد الشمراني هؤلاء أشهر الكتاب المتعصبين خلهم يطرحون بموضوعيه بعيد عن التعصب تجد هذه ينعكس على المنتديات أما تخلون واحد مثل عدنان يهاجم سامي قائد المنتخب الأول باستمرار ويشبهه بمنى سليمان يطلق على ياسر لقب النونو وهو أحد لاعبين المنتخب مثل ماأنتم تطالبون أن تكون رقابه أشد علينا نحن أيضا نطالب أن تكون رقابه أشد عليكم واكبر دليل على كلامي عدم رضا سمو الأمير تركي بن سلطان عما يطرح في الإعلام وهذه اقتباس مماقاله فيكم في صحف اليوم إقتباس:
وليس دفاعا عن المنتديات ولكن قرفنا مما يطرح في اعلامنا الرياضي من تعصب حتى الجهل. |
صح لسانك انا اعتقد ان سبب التعصب هم الصحافه |
هههههه يا خي والله انك جبتها الله يهيدها الرياضية مقلعة هاليومين بالمنسبة للمنتديات والله اني اعترف انه منتدى الزعيم يوجد به تعصب و بعض العيوب ولكنها ( ولا شيء ) بالنسبة لمنتدى العالمي كلوب لأنه الفرق بيننا وبينهم انه مشرفين منتدياتهم سيئين جدا و لا يديره سوى اسماء متعصبة مفتقرة للحوار ويبدو انهم بالقولة العامية (( غاسلين وجيههم بمرق )) اتمنى من مشرفين منتدى الزعيم تنظيف المنتدى والبحث عما هو افضل وارقى لنتقدم اكثر تحياتي |
صح لساانك |
إقتباس:
|
انا اعتقد ان سبب التعصب هم الصحافه |
أخوي صادق بكل كلمة قلتها واحنا كهلاليين أشخاص بصفه عامه يعني اغلبنا ان لم يكن جميعنا نحترم انفسنا ولاتسمح لنا أخلاقنا قول أو فعل القبيح وهذا شيء قدوتنا فيه رجالات الهلال الذين تعلمنا منهم هذه الأشياء وصدقني أخي كل شعب يقتدي بقائده |
هلا أخوي مارد البطولات: شرفتني بمرورك وفعلا سبب التعصب الصحافه والمشكله طايحين نقد في المنتديات ولايشوفون نفسهم. هلا أخوي عطــر الأمــاكن: يوجد تعصب في الزعيم لكن على خفيف مومثل الي عندهم وغير كذا نجد بعض العذر للمشرفين عدد الأعضاء فوق 130ألف صعبه يسيطرون عليهم بسهوله<-----يتمصلح معهم:d أما النصراوين تلقى الموضوع يقعد اسبوع ومافيه إلا رد واحد ومع ذلك المشرفين يتركونها رغم غباء موضوع والطرح الهابط فيه. هلا أخوي شعــ الهلال ــلان:صح بدنك ياغالي. هلا أخوي ابو فيصل قلب الزعيم: المشكله أنهم لايشاهدون أنفسهم والطرح المتعصب الي يطرحونه. هلا أخوي أحلاهم: أكيد 100% هلا أخوي !!! كم أحبكم!!!: اي والله هذه صدقت فيها رجالات الهلال علمونا كيف نحترم الناس والدليل رئيسنا الظاهره محمد بن فيصل مشكور أخوي وكلامكs60s . |
والله انك صدقت فيما قلت مشكلة الصحافة وبالتحديد الرياضية انهم دائما يتكلمون عن التعصب واسبابه هم اساس المشكلة ومع ذلك يسألون عن الحلول . يكفي وجود رمز التعصب جستنيه في الرياضية وما يحتاج نقول وش هي كتاباته . |
صدقت اخووووي |
هلا أخوي أوتار الهلال:فعلا ملاحظتك في محلها الرياضيه دائما تناقش مسئله التعصب وهي نفسها اساس التعصب. هلا أختي هلاليه ذووق:تشرفت بمرورك. |
كلامك صحيح اخوي وعين العقل بعدين انا بكلمك عن منتدى الزعيم لان ذاك المنتدى مهوب صاحي لا هو ولا أعضاءه لكن بيني وبينك عندنا هنا بين قوسين ( مبزره ) ياخوي مادري وش يبون ؟؟ تلقاه يتكلم ويسب ويشتم وهو مايدري يارجال وش الهلال وحاط لي صورة سامي وهو ماعرفه الا من سنتين .؟؟ قسم بالله اليوم وبالذات اني كرهت المنتدى من الاعضاء وبعض ردودهم والشي الثاني تخش بنت بموضوع صار في مدرستنا اليوم كذا وكذا << سواليف بايخه والردود في يوم توصل 50 << يعني 20 بنت مثللها والباقين يتميلحووون ويجيك موضوع لرجال فاهم وكلامه عين العقل ماتلقى الردود عنده الى عشره معليش يمكن كلامي ماله سنع بس والله من شي شفته اليوم واشكرك اخوووي وماقصرت على طرحك الجميل |
أخوي صادق بكل كلمة قلتها |
هلا أخوي kakaالثنيان: بصراحه ومع الأسف كلامك صحيح يعني أنا كهلالي وش يفيدني إذا البنت راحت المدرسه وكانت زعلانه والتفاهات الي نقرأها والي مالها أي علاقه بالهلال ومع احترامي للمشرفين الغلط الآن منهم إذا مثل هالمواضيع توصل ل60 و70 رد وفي الصفحه الأولى للمنتدى وهم شايفينها وقاعدين يتفرجون لازم مواضيع مثل هذه مالها علاقه بالهلال تحذف أو تنقل قسم المنتدى العام على الأقل ولا تجيك ناس مايعرفون يردون يكتبون لاتعليق ,وبعدين.....,أنت مندس,أنت ماتفهم كوره, وعلى شاكله هالردود والمفروض يكون في حزم من المشرفين قبل 4 سنين يوم يكون في مواضيع مثل الي ذكرتها المشرف يغلق الموضوع ويوضح سبب غلقه حتى لايتكرر من العضو الخطأ وكانت طريقه مجديه أما الآن مع احترامي لهم تاركين الحبل على الغارب والفئه الي أنت ذكرتها مع الأسف الأغلبيه في هذه المنتدى حتى الواحد أصبح يخشى انتقادهم و اشكرك على مرورك وفعلا كلامك لامس الجرح. هلا أخوي الأخطبوط+الذئب: شرفتني بمرورك. |
بالتــوفيق إنشـاء اللـه |
الوقت المعتمد في المنتدى بتوقيت جرينتش +3.
الوقت الان » 12:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd