بسم الله الرحمن الرحيم
السلام عليكم ورحمة الله وبركاته

******************************************************

يم الاثنين اغتنا.. وصار بين الاغنيا ترتيبه الثالث

يوم الثلاثاء الفجر.. مات في حادث



فريق كورة .. دائما ترتيبه في الدوري الاخير

واذا لعبوا واستبسلوا .. قبل الاخير

وبعد السنين الممحلة .. جاهم رئيس ثروته كثر التارب

عين مدير .. عنده من الخبرة كثير

شال الكبار ولعب شباب

وجاب المدرب اللي له اسمٍ مهاب

واتقدموا .. واصلوا للدور النهائي

ويوم النهائي..قبل المباراة بدقايق

في البلد حصل انقلاب



مسكين.. شين وفقير

وفي الدراسة حاول انه يستمر.. ومستطاع

وضعه صعب..ابوه مات وهو صغير

وماتركله الا الفقر..وامه واخته .. والهم من فوقه وتحته

ومالقا لجل الهروب من الضياع..الا انه يدور وظيفة..أي وظيفة

ولقى من ضيقته مخرج..وظيفة دخلها معقول..يمشي الحال لو اعرج

ومرت سنة وسنين..

والمسكين..صارت كل اماله زواج

واتزاحمت في داخله الاسئلة..

منهي اللي بتقبله..وليه

وفي يوم مامثله ابد..شافها..اجمل من اجمل مارأى

واضحكتله ...مستحيل!! ...اضحكتله

ومشت من اول الحارة..ولحقها

وادخلت في بيت جاره..

سأل عنها وعرف... قنوعة واسمها سارة

تصير اخت لمرة جاره

ارسل لها اخته ..تجس النبض

جت البشاير

راح لمه .. وفرحته كبر السما والارض

وافقت !! ..ابشرك يمه ..لقيتها يمه

سارة اخت حصة مرت منصور..

ابيها وهي تبيني ..وابغى منك الشور

خلاص يا يمه خلاص.. بقول لهمومي الوداع.. بقول لهمومي الوداع

قالتله امه : يولدي .. بس هذي اختك في الرضاع

************************
عبدالرحمن بن مساعد