|
ســامـي يـســوّي حـركــات .. يا بـعـدي والله حــركـــــات ســـامــيّـــــة @@ سامي يكتب ( أنا أحبكم ) قالها الذيب لكل الجماهير .. قالها لمن أحبه .. قالها لمن استنشق هواه .. قالها لمن سكن أفئدتهم و عاش في ألبابهم و في المقابل .. قالها أيضا لكل من اساء له .. قالها لمن هتف ضده .. قالها لمن قطّع لحمه و جلده يا سامي .. من اي أنواع البشر أنت !! أقولها .. و الحر تكفيه الاشارة ! @@ سامي يسجل سامي الذي يلعب خلف المهاجمين كلاعب وسط و صانع العاب .. سجل هدفين !! و قبلها في التصفيات الأولية سجل خمسة !! كم يا ترى سيسجل سامي لو كان هو المهاجم الأساسي !! لا يهم .. المهم هو الأخضر .. المهم هو الفوز المهم هو أن تبقى راية الأخضر خفاقة .. بأي لاعب كان .. و بأي مكان و زمان !! اقولها .. و الحر تكفيه الاشارة ! @@ سامي و الخشبات الثلاث في هذه التصفيات .. خمس كرات جابرية تصطدم بالعارضة أو القائم .. و بشتى الأشكال و الأوان أهو الحظ يا سامي !! .. أم أن العين عليك حارّة !! و رغم كل هذا .. لا زال البعض يهاجم و بضراوة !! نريد المزيد من الابداع يا سامي .. لكي نرى هجوما أكثر شراسة .. و لا بأس :) أقولها .. و الحر تكفيه الاشارة ! @@ سامي و الكرت الاصفر حصل سامي على الكرت الأصفر بسبب لعبه للكرة بعد صافرة الحكم .. و للمعلومية فإن الشيحان و عبيد و لاعب بحريني كلهم فعلوها .. و لم يحصلوا على هذا الكرت !! الجواب عند ابو جسيم :) و مع ذلك .. فأنا أتمنى و من كل قلبي أن يكون هذا هو الكرت الثاني لسامي .. و لأكثر من سبب :) أولا .. سنرى كيف هو شكل المنتخب أمام إيران بدون سامي ! ثانيا .. لو تعادل المنتخب أو انهزم لا قدّر الله .. سيقولون سامي ! و تذكروا الجزء الأول من حوار سامي مع الرياضي .. ألم يقل ( عند الفوز يقولون الأخضر .. و عند الهزيمة يقولون سامي !! ) أقولها .. و الحر تكفيه الاشارة ! @@ سامي و التسديحات في دبي الرياضية .. و بعد لقاء البحرين .. يخرج المحلل و يقول سامي نجم الشوط الأول .. و جلس يحلل ( و باستمتاع ) تسديحة سامي لخميس عيد ثم تمريرة الهدف ! عموما .. ما فعله سامي بخميس عيد .. ما هو إلا امتداد لما فعله بزميلة البحريني في لقاء الذهاب .. و بينهما مدافعي تايلند الثلاثة في بانكوك :) اقولها .. و الحر تكفيه الاشارة ! @@ سامي و القيادة مسؤولية كبيرة يا سامي .. لكن أثبت إنك لها !! و من النعيمة إلى سامي .. لا جديد .. فالقيادة سمة الرجال :) و بإذن الله .. ستقود المنتخب للتأهل للمرة الثالثة إلى كأس العالم !! أقولها .. و الحر تكفيه الاشارة ! |
الله الله عليك يا ساميو ياليت الملونين يشوفون كلامك ويفهمون :cool: لكن زي ما قلت الحر تكفيه الاشاره وهم ما اظن تكفيهم:D |
الله الله عليك وعلى كلامك الحل واسمك الاحلى والله يوفقك سامي ونتأهل يارب:) :) |
الله ااااااكبر ... اخيراً ظهر ساميو :) هلا وغلا والله .. وموضوع بالصميم .. بس انا ضدك بامنيتك بكرت سامي الثاني .. يهمنا سامي يلعب والمنتخب يفوز .. واللي في بالك والله لو يسجل سامي ضد ايران 1788546328 هدف ما يقتنعون ... والعمى عمى القلب وانا اخوك .. تحياتي |
يا سلااااام عليك يا ساميو روعه كلامك بروعه الذيب في المبارات تسجيل وصناعه أهداف... و قد ما يقولون فيك يا سامي قد ما أنت مبدع... و كثر ما تحبنا يا الذيب حنا نحبك و أكثر... |
ساميو المنتديات .. سامي يبدع ويقدم أجمل فنون الكرة هناك ... وساميو الانترنت يبدع هنا .. ساميوأين انت .. فوالله لقد اشتقنا لـ ( روائعك ) .. ساميو ارتبط اسمك بالابداع .. ساميو الكاتب القديم القدير .. المبدع .. لن أعلق على الموضوع .. لأنه خرج من بين انامل ( ساميو ) .. والحر تكفيه الأشارة !! :) صدقني ... انك من اعذب الأقلام التي عرفتها في الانترنت .. فلا تحرمنا منه .. والف مبروك فوز منتخب ( الوطن ) .. ووالله اننا نحبك يا سامي ... |
ياناس هذا السامي في كل شي |
هلااااوغلاااااا ياخوي اذا سامي ماسوي حركات من اللي يسويها؟؟؟؟؟؟؟؟؟؟؟؟؟ مشكور على هالابداع وماقصرت........ سامي انا من حبك احب حتى ثرى الارض اللي تطاها....... |
الأخ العزيز ساميو والله انك مبدع ورائع و .... ما ادري وش اقووووول اخوك : البــ2000ــــارق;) |
طبيعي هذا الحقد على كل ما هو جميل فام يتعودوا الا على الهزائم المخجلة والمسيئه لهم فهل تتوقعون ان يعترفون بافضليتنا ممثلة بالذئب الهلالي سامي الجابر؟ لا اعتقد نحبك يا سامي يا قائد المنتخب السعودي الاول بالرغم من احقادهم الدفينة |
هلا بالجميع الاخ BLUE RISK مشكور .. و ترى صعبة انهم يفهمون .. لأنهم و باختصار لا تنطبق عليهم صفة ( الحر ) :) الاخت هلالية بالفطرة شكرا .. و بإذن الله سيتألق سامي و رفاقه .. و يتأهلون للمرة الثالثة على التوالي الاخ يا قاهرم يا سامي هلا بالعزيز الغالي .. هلا بقاهرهم .. و رافع ضغطهم .. و حابس دمهم :) و تسلم لي يا ابو هيا :) و بالنسبة لكرت سامي .. فصدقني أني ما تمنيت أن يكون الكرت الثاني إلا لمصلحة سامي !! و الحر تكفيه الاشارة :) الاخ مخاوي نجد شكرا يالحبيب .. و سامي مهما تكلمنا عنه .. لا يمكن نعطيه و لا ربع حقه !! لكن المشكلة في من يهاجمه و بقوة رغم أنه يصنع و يسجل !! .. ما تدري وش يبون من سامي بالضبط :) والله هبّل فيهم ابو عبدالله :) الاخ ابو ناصر أهلا بالصديق .. بل أهلا بمن هو في مقام الاخ و الشقيق :) تسلم يالغالي و صدقني أن الفن السامي .. يجبرك على الكتابة بكل جوارحك .. لعلك توفيه حقه .. و لن تستطيع !! مشكور يا ابو ناصر .. و تذكّر أن هذا من بعض ما عندكم :) الاخ نواف العماري أنا اشهد :) الاخ ارفع راسك انت هلالي مشكور .. وهالحركات اختصاص سامي :) الاخ البارق 2000 تسلم يا عزيزي .. و إن شاءالله سامي ورفاقه هم من سيقول و هم من سيفعل في لقاء الجمعة القادم و اللقاءات التي ستليها الاخ هلالي الرياض إذا كانوا إلى الآن لا يفهمون .. فكيف سيعترفون :) |
من زمان من زمان انت وينك ياساميو عسى المانع خير مع الأخضر سامي غير ... وكل من يتسمى باسمه يبدع ... وانت ياساميو ماخليت لاحد شي مثل مايسوي سامي في الملعب مثل ماقلت كل ما سجل وابدع زادو حقد عليه .... هذولا إذا سجل قالوا انا قلنا خلوه يلعب مهاجم واذا صنع هدف قالوا (((انا قلنا سامي ماهو هداف خلوه صانع لعب)))) بس سلملي عليه والله انه ذيـــــــــــــــــــــــــــــــب ... مرمطهم وخلا كل الناس يضحكون عليهم ((أنا وأنا !!!)) وعلى فكرة ترى ماهو لازم يفهمون الله يحرسك ياسامي والله يبقيك ياساميو انشاالله يجب هدفين في ايران ويفوز المنتخب (((((في جدة))) قولوا انشا الله فوضوي:) :) |
ما اقدر اقول الا كلمه مبدع قليله عليك ياساميو وان شالله التاهل للمنتخب السعودي وباذن الله |
الاخ فوضوي شكرا .. و تسلم يالغالي .. و إن شاءالله سامي من إبداع إلى إبداع و مباراة ايران الجاية بإذن الله ستشهد مواصلة سامي للابداع :) و مشكور مرة ثانية الاخ تركي الكبير ما عليك زود .. و بإذن الله التأهل للأخضر على فكرة .. ترى التوقيع رهيب و إن شاءالله بعد مباراة ايران نشوف التوقيع الأحلى :) |
اخي الاستاذ ساميو : مثا ماقال ابوهيا انا ضدك اتمنى يشارك سامي ويكسب منتخبنا بطاقة التاهل والمستوطنين لن يسكتوا وستطال سامي واي مبدع ازرق اسأتهم ولكن في النهاية القافلة تسير والمستوطنين ينبحون .... تحياتي لك وسامي سجل سته في التصفيات الاولى وليس خمسة كما ذكرت ...مجردة ملاحظة |
| الوقت المعتمد في المنتدى بتوقيت جرينتش +3.
الوقت الان » 01:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd