بسم الله الرحمن الرحيم
السلام عليكم . اخواني ارجو عدم الحكم على عنوان الموضوع قبل قراءة ماعندي . انا قبل فتره قريبه كنت العب بالتاسع وبالذات ( ويندتا لاب 3) صراحه كنت استمتع باللعب فيه وانتظر متى ارجع للبيت عشان اكمل الماستر ليق . المهم قبل كم يوم دخلت على قسم وينينق اليفين ولقيت البعض قاعد يمدح بالجزء العاشر وبالذات ( بال اكس ) قلت ياولد مالك الا انك تطمر للبنقالي وتشريه . المهم : شريت اللعبه وشغلته وصراحه الفيديو كليب شدني الي فيه زيكو قاعد يفتح فمه ويصارخ . ايضا القائمه الرئيسيه ذات خلفيه جميله وبالوان زاهيه . لكن الشي ء المؤلم وهو اثناء اللعب تفاجأت بأن اللعب جدا صعب وفيه زحمه شديده في الوسط وكأن الفريق بأكمله يبغى ياخذ الكوره يعني تصدقون في اربع مباريات ماقدرت اجيب الى هدفين بس . اما الخصوم ف أمطرو مرماي بالاهداف . والأشنع من ذلك ( النفيخه ) عفوا اقصد الكورة .بمعنى ان تسديد الفاولات صار وكأنك تشوت بالون وليس كره قدم . الكره اذا ارتفعت بالهواء يكبر حجمها ويتغير اتجاهها وتكون ضعيفه جدا . ايضا بالنسبة لقوة التسديد لللاعبين . تخيلو مسك الكوره ادريانو ( الدبابه ) على خط الثمانيه عشره . وسددها ارضيه لاكن الغريب انها جت ضعيفه والحارس مسكها بسهوله . ايضا فيه مشكله اخرى وهو اذا الخصم كانت له ضربة زاويه فان الكمره الموجوده خلف الاعب الي يبي يسدد الركله تكون زاويتها صغيره جدا ( يادوب ) يضهر حارسك وبعض من الدفاع . لاكن في التاسع زاويه التصوير كانت اوسع واقرب للواقع .بحيث تستطيع توجيه لاعبينك بشكل افضل . اما بالنسبه للمنتخب السعودي طالع كانه منتخب كولومبي . سامي الجابر طالع طويل واسمر والوجه عافسينه ومغيرينه وايضا بالنسبه لياسر القحطاني والكثير من لاعبينا . يمكن يقول البعض ان المراوغه والمهارات الفرديه تم تطويرها . انا اقولك غلطان . فأثناء لعبي احيانا يمر مهاجمي بثلاثه مدافعين بدون محد يلمسه . وفي مرات ابغى احاول اني اتفنن بالمراوغات لاكن مافيه امل تبقى الكوره معك . عموما فيه عيوب كثيره ماتحظرني الان . لاكن لللامانه فيه اشياء تم تطويرها مثل تحركات الحكم في الملعب ولو انه يوزع كروت بكل سهوله . ايضا من المميزات هي مسك الكوره اثناء الفاول ولكن الحركه هذي ( نكبتني ) قبل قوس الثمانية عشره كنت ناوي اشوت مباشره على المرمى لاكن ناولها للخصم . ايضا من ضمن المميزات اضافه ملعب القاهره الجميل ( تحيى مصر) ويازين اللعب فيه بالنهار . ايضا من ضمن المميزات : زيادة عدد الكور المسموح للعب بها واااااه على الكوره العاديه ام دوائر سود . وفي النهايه ارجو ان الكل تقبل وصفي للاصدار العاشر والسلام عليكم