هل تؤيد فكرة التجديد مع كماتشو ؟ - نادي الهلال السعودي - شبكة الزعيم

ArTiStE PeN · #1 13/05/2006, 05:14 PM

بعد ان تردد في الآون الأخيره حول قضية تجديد كماتشو من عدمها بسبب رفضه التجديد بمبلغ يقل عن مليوني دولار ويعتبر هذا المبلغ غالي للاعب مغمور في البرازيل ولن يتقاضى لـ مثل هذا المبلغ في بلده ويمكن للهلال ان يجلب لاعب آخرى كـ بديلاً لكماتشو

هل تؤيد فكرة التجديد مع كماتشو إذا كان المبلغ المطلوب مليوني دولار ؟
ام تفضل البحث عن لاعب آخر ؟

هلال دوت كوم · #2 13/05/2006, 05:19 PM

بكل تأكيد

مهندس الوسط الهلالي ومن غيره وبكل صراحه ومن غير زعل وسطنا ضايع

وصدقني لو راح راح ندفع اكثر من مليونين للبحث عن بديل ولن نجد

اتمنى التجديد له وهو يستاهل هالمبلغ

يعطيك العافيه

ابو عراده متيم هلالي · #3 13/05/2006, 06:51 PM

بكل تاكيد هذ كماتشو مو اي احد

وانا اايد تجديد عقد كماتشو

زعيم زعيم زعيم · #4 13/05/2006, 07:03 PM

أكيد أكيد أكيد

لووفيت · #5 13/05/2006, 07:14 PM

بكل تأكيد هذا كماتشو يا جماعه وش السالفه

عطــر الأمــاكن · #6 13/05/2006, 07:37 PM

الظاهر انه اللي ردو فوقي طاقه عندهم الفيوز شوي هههههههههه

مليونين دولار=7500000ريال

يعني تحط سبعة مليون ريال..........عشان موسم واحد اعارة

ياهوووووو

وين عايشين انتم

اشتري عقده بسبعة مليون..........قولو عشرة مليون

ولا استعيره عام واحد فقط بسبعة مليون ونصف

الزعـــ شموخ ـــيم · #7 13/05/2006, 08:13 PM

نعم

موهوب القصيم · #8 13/05/2006, 08:15 PM

صح لسانك ياعطر الاماكن والله مو معقوله يجدد بالمبلغ هذا ولموسم واحد بس

والشي اللي قاهرني اننا مستكثرين على نواف اللي بيطلبه والا ها لخواجه عندنا استعداد نلبي مطالبه

والله انك معذور يانواف لو طلبت اي مبلغ وخلونا من فكره ابن النادي؟؟

المهم كماتشو حامض على بوزه هالمبلغ درب يودي ولا يجيب واللي جابه يجيب غيره

الهـــلال وبس · #9 13/05/2006, 09:01 PM

صح لسانك ياعطر الاماكن والله مو معقوله يجدد بالمبلغ هذا ولموسم واحد بس

والشي اللي قاهرني اننا مستكثرين على نواف اللي بيطلبه والا ها لخواجه عندنا استعداد نلبي مطالبه

والله انك معذور يانواف لو طلبت اي مبلغ وخلونا من فكره ابن النادي؟

الشبل الازرق · #10 13/05/2006, 09:06 PM

اذا كان بيجدد بمبلغ معقول اؤيد التجديد معاه
والمبلغ اللي طالبه كماتشو يمدي الاداره تجيب لاعبين موهوبين فيه

هلالي وافتخر بسامي · #11 13/05/2006, 09:28 PM

نبي كماتشوا

ونبي العريف

يا شباب من شافه يبدع في قطر

والله لعيب وقسم بالله

زعيمووف · #12 13/05/2006, 09:37 PM

والله اذا دافعين لجوفانى 700 الف دولار لسته شهور كماتشو يستاهل مليونين ومعه حق يطالب..

العريف لاعب قوى هجومياً ضعيف دفاعياً وهذا لايناسب الكره الحاليه واسالوا نيبوشا..

=مـاجــد= · #13 13/05/2006, 09:44 PM

ما فيها شك لابد كماتشو يكون متواجد في الهلال لاعب اجنبي فنان واندمج مع الفريق وناجح معاه

نروح تدور غيره وحتى لو جبنا غيره مو شرط يندمج مع الفريق زين

اانا برأيي كماتشو افضل شي يعرفنا ونعرفه ومندمج مع الاعبين والنادي صح..........