السلام عليكم ورحمة الله وبركاته

انا اكتب هذا الموضوع حبي اولاً لشعار لا اله الا الله محمد رسول الله وهو علم السعودية وثانياً عشان زعيمنا الاسيوي الهلال وثالثاً وهو الاهم نواف التمياط...

اول شي اتمنى التوفيق من الله للاخضر في مشواره نحو كأس العالم
واتمنى التوفيق من الله للزعيم الاسيوي الهلال في مواجهة الميناء واتمنى ان يتأهل للادوار النهائية بعد توفيق من الله لانه هو الاجدر فيها

المهم ندخل في صلب الموضوع

وهو موضوع نواف التمياط واللي شاغل بال كل هلالي
ونعرف ان نواف التمياط هو لاعب ممتاز والجميع او الاغلبية معجبين بلعب الكابتن نواف التمياط لانه يمتاز بالمهارات العالية وحبهم له لكن !!
الى متى واحنا نتكلم في موضوع نواف التمياط كل ماادخل المنتدى اتمنى ان اجد موضوع غير نواف التمياط
شغل بال الهلاليين اكثر من المباراة الميناء
وشغل بال الهلاليين عن منتخبهم اللي هو بلدهم بلد أبو متعب (حفظه الله واطال الله بعمره)

لدرجة ان نواف التمياط متأثر نفسياً من الموضوع انتقاله والمبالغ التي ذكرت وانقلب عليه التأثير في مباراة بلجيكا ووضح عليه التأثر من الضغوط الاعلامية وماقدم شي في المباراة لانه لاعب عملاق يملك مهارات كبيرة وبدأت الصحافة الفاسده بترويج اخبار تعتبر اشاعة عشان تأثر على نفسية اللاعب وهذي تبقى اشاعة الى ان تتأكد من لسان نواف التمياط بنفسه وليس من جرائد

واتمنى من ادارة الموقع وضع حد لهذه المواضيع لان كل دقيقة والثانية يجي واحد يكتب انا متصل بنواف انا متأكد انا ولد عمه انا من الجماعه انا صديقه انا اعرفه في واحد يعرفه الخ....

الان احنا في فترة مهمة جداً جداً جداً وتحتها خطوط حمراء

وهي اولاً يجب علينا تغير هذا المنتدى من بعد لقاء الميناء الى اخضر وابيض ليس باالوان المنتدى لكن اقصد بمواضيعه الهادفه البناء عشان منتخبنا عشان بلدنا اللي نعتز فيه بأي مكان نروح له اسمنا مرفوع دايم خفاق في السماء
اتركوا عنكم كلام الجرايد اللي يبون يلعبون في عقول جماهير الهلال من عقود نواف الى مشاكل مع كماتشو الى ماادري ايش الى متى يعني ....؟؟؟؟؟

ان كنتم تحبون أبو متعب ملكنا الغالي فااتركوا عنكم المواضيع اللي مامنها اي فائده لصالح الهلال وهي تعكس نفسياً على اللاعب وعلى النادي ولاعبين المنتخب السعودي

فاان رحل نواف التمياط فاالله يستر عليه ويوفقه في مستقبله وكل انسان يبحث عن مستقبله واحنا في عصر الاحتراف لاعبين عالميين ينتقلون من اندية عالمية الى اندية اخرى ولا احد يسوي اللي احنا نسويه لان كل لاعب يبحث عن مستقبله ونواف بنفسه يحدد مستقبله وللمعلومية رئيس نادي السد او احد اعضاء النادي نفى ان في عرض مقدم لنواف التمياط بثلاثين مليون ريال يعني خلاص قفلوا الموضوع انتهى

لكن اتمنى من الان ايقاف جميع مواضيع نواف التمياط ومسحها من المنتدى او تخصيص موضوع واحد لنواف التمياط لاني من كم يوم مللت من هالموضوع ماعاد في مواضيع تنصب في مصلحة المنتخب ولا حتى في مصلحة نادي الهلال ولاحتى عن لقاء الميناء اللي بيقام الاربعاء المقبل ولا اي شي سوا المواضيع اللي تطرح من ادارة المنتدى الغالية عن المنتخب تقرير يومي وصور وغيره وتشكر شكر على ماتقدمه من مجهود واتمنى يتواصل هذا المجهود من الجميع

واتمنى ان تكون جميع المواضيع تنصب في مصلحة المنتخب ولا تميل للاعب فريق معين او غيره اتمنى طرح نقد بناء يفيد المنتخب

واخر امنياتي هي دعواتكم للصقور الخضر لاني كلي أمل ان المنتخب يحقق شي يرفع الرأس فوق ويرفع كلمة لا اله الا الله محمداً رسول الله في كأس العالم القادمة
فالمنتخب الان بحاجه لكم ولدعواتكم لانه في المرحلة الاخيرة من مرحلة الاعداد واتمنى من الصحافة اغلاق جميع المواضيع انتقالات اللاعبين وغيرها مثل ما أمر الامير سلطان بن فهد اغلاق ملفات هذي المواضيع التي لاتفيد منتخبنا وتأثر على اللاعبين نفسياً ومعنوياً

وبالله التوفيق وآسف جداً على الاطالة لكن حبي للوطن اولاً ولنادي الهلال ثانياً واحنا الجمهور الواعي جمهور نادي الهلال


تمنياتي لكم بالتوفيق
تحياتي للجميع
9ساميووو9

S3oOoOoD
شكرا لك اخوي ويعطيك العافية

اخوي Without name
المنتدى ادارته ممتاز وافضل ادارات منتديات رياضية وواعيه جداً وهي ماتحذف مواضيع الا لانه متكرره او حدث فيها تجاوزات لكن انا ذكرت موضوع نواف التمياط عشان يحدون من تكرار المواضيع والتجاوزات من بعض الاعضاء اللي مالها اي فائده للاعب او للفريق

والان تفكيرنا في المنتخب وقلوبنا معهم

واتمنى لهم التوفيق

مشكور اخوي

العفو اخوي dr_m7ammad

كلامك صحيح والله يوفقك يا نواف !!