#1  
قديم 11/05/2006, 06:36 PM
زعيــم مميــز
تاريخ التسجيل: 15/01/2001
المكان: بريـــده
مشاركات: 2,753
محمد بن فيصل انت ماقصرت بس مساله انه برئاستك يروح نواف والدوخي فهذي قوووويه

الله يذكرك بالخير ياعبدالله بن مساعد كان اهم شي عنده انه يحافظ على نجوم الفريق اللي هم يعتبرون اهم مكتسبات الفريق وسنده القوي واللي يحسدنا الكثير من اللاهلاليين على نجومنا

لكن في عهد محمد بن فيصل فقدنا نجم من اهم نجوم الفريق ويعتبر الافضل بالقاره الاسيويه احمد الدوخي بالرغم من الحزن اللي عم الجمهور الهلالي والذي يحاول البعض عدم اظهاره لكن الى الان يعاني الهلال من الجهه اليمنى :sad:

حاليا نواف التمياط مستواه في تطور مستمر ويعتبر لاعب ذهبي ولاعب حسم ولاعب لمساته ساحره اضافه الى تاريخه الابيض بعدم اختلاقه المشاكل وادبه الجم مع الجميع ويعتبر نقطه قوه للفريق وللمنتخب من هذا المنطلق كان لزاما ان نتمسك به ونعض عليه بأسناننا وان لانضحك على انفسنا ونقنعها بان نستطيع تعويض غيابه بلاعب اجنبي من شاكله جيوفاني


محمد بن فيصل كم نجم لدينا ؟؟ بعد رحيل الدوخي وسامي والدعيع من بقي سيحمل الزعيم على اكتافه

لم يعد لدينا المزيد من النجوم حتى نفرط بنواف

الزعيم مهوب ناقص يامحمد بن فيصل ولن يفيد اي كلام او تبرير ستقوله اذا راح نواف


في هذا الوقت بالذات لانريد مثاليات ولا نريد مكابره لحد يقول لانقبل المساومه او يقول هذا عرضنا واذا مايبي له حريه الانتقال يعني بالله من وفره النجوم او من زين الصف الثاني


خلونا واقعيين وصدقوني راح يكون مصير الفريق بيدين انصاف لاعبين وراح ننظر لتشكيله الفريق ونتحسر على وقت مضى


الان لاتزال الامور بيدينا ولازم الجمهور تكون كلمته ورايه واحد بالمطالبه بتجديد عقد نواف مهما كلف الثمن



محمد بن فيصل ابي اهمس بذنك همسه ( لاتخرب اللي عملته بموسمين بالتفريط بنواف فوالله لن ننسى كارثه التفريط بنواف وستضل وصمه عار باسمك بان نواف والدوخي راحوا باداره محمد بن فيصل )
اضافة رد مع اقتباس
  #2  
قديم 11/05/2006, 07:01 PM
زعيــم متألــق
تاريخ التسجيل: 12/10/2005
مشاركات: 1,106
الهلال ميقويه لاعب او لاعبين
اضافة رد مع اقتباس
  #3  
قديم 11/05/2006, 07:09 PM
زعيــم فعــال
تاريخ التسجيل: 02/05/2003
المكان: الرياض
مشاركات: 300
ماذا تريد ان يفعل الرئيس

هل تريد ان يدفع الرئيس اي مبلغ يطلبه اللاعب ثم اذا كان اللاعب لايريد البقاء هل تريد من الرئيس ان يجبره على البقاء.
ياأخي نحن نشجع الهلال وصدقني لو ينتقل جميع لاعبين الفريق الاول والشباب والناشئين سأبقى محبا للهلال ولن يحرك ذلك في رأسي شعره واحده ارجو ان الرساله وصلت.

اخر تعديل كان بواسطة » مدير في يوم » 11/05/2006 عند الساعة » 07:26 PM
اضافة رد مع اقتباس
  #4  
قديم 11/05/2006, 07:16 PM
زعيــم متواصــل
تاريخ التسجيل: 12/02/2005
مشاركات: 142
للاسف تفكيرك غير صحيح
اذا الدوخي راح فالزعيم جاب ست بطولات
ونواف يعتبر نجك من الدرجة الثانيه في الهلال
والدليل ترشيحات افضل لاعب
اضافة رد مع اقتباس
  #5  
قديم 11/05/2006, 07:50 PM
زعيــم مميــز
تاريخ التسجيل: 12/07/2005
المكان: في المدرج الازرق
مشاركات: 2,410
هل يعقل ان يوافق الامير علي ثلاثين مليون
===وبعدين نواف مبتعد من فترة عن الملعب وبعد كم مبارة بدع فية يجي يطلب هذا المبلغ===
اضافة رد مع اقتباس
  #6  
قديم 11/05/2006, 09:03 PM
زعيــم فعــال
تاريخ التسجيل: 26/09/2005
مشاركات: 328
ياخي الموسم الي راح جبنا البطولات بدون نواف وبعدين لاتسوي تفهم اكثر من الرئيس الظاهره محمد بن فيصل (الهلال باقي بنواف او بغيره)
اضافة رد مع اقتباس
  #7  
قديم 11/05/2006, 09:09 PM
زعيــم فعــال
تاريخ التسجيل: 04/10/2005
المكان: جــــــــــــــدة
مشاركات: 413
يابابا ياكاتب النص اذا راح نواف مع السلامه
وبعد الدوخي الخدمي الأتشادي
رئيسنا على راسي اهم شي مصلحة النادي
اما تبغاه يجدد لناس منتهين الصلاحيه
الهلال كبير بنواف وغيره

مسوي نواف انه اللاعب الخلوق اه اه اه بانت الأخلاق
نسى ان الهلال جدد له وهوه مصاب لكن خير تفعل شر تلقى
الله يسعدك ياسامي
اضافة رد مع اقتباس
  #8  
قديم 11/05/2006, 09:10 PM
الصورة الرمزية الخاصة بـ دمي أزرق
زعيــم مميــز
تاريخ التسجيل: 11/01/2001
المكان: الخبر
مشاركات: 1,801
أبو سلطان ما عليه قصور بيض الله وجهه ما قصر أبدا والله

الدوخي كان خائن بمعنى الكلمة جاته 3 ملايين ريال كاش ما رضى فيها لأنه كان متفق مع البلوي و تقول إننا إلى الآن حزينين عليه ياخي واحد خائن مثل الدوخي ما عليه حسوف و راح الله لا يرده للزعيم

نواف مازال لاعب هلالي و إن شاء الله راح يبقى لاعب هلالي أو ينتقل لأي فريق آخر غير سعودي و بالذات الإتحاد و مستحيل يكون نواف خائن ومتواطىء مع البلوي مثل الدوخي
اضافة رد مع اقتباس
  #9  
قديم 11/05/2006, 09:36 PM
زعيــم مميــز
تاريخ التسجيل: 15/08/2005
المكان: في أرض أبو متعب
مشاركات: 3,620
أعذرني يا صاحب المقال لقد جانبت الحقيقه
اضافة رد مع اقتباس
  #10  
قديم 11/05/2006, 10:32 PM
زعيــم فعــال
تاريخ التسجيل: 29/09/2005
مشاركات: 359
معليش اخوي بس انت تبي اي لاعب يطلب مبلغ خيالي يوافق عليه الامير
طبعا شيء مستحيل انه يوافق ولا كان فلس الهلال ومن زمان
وتبي الصراحه اي لاعب يبي الهلال ويستمر فيه ما يطلب مبالغ خياليه
اضافة رد مع اقتباس
  #11  
قديم 11/05/2006, 10:38 PM
الصورة الرمزية الخاصة بـ عميد الزعماء
زعيــم نشيــط
تاريخ التسجيل: 06/11/2005
المكان: المدينه المنوره
مشاركات: 615
يا جماعه مع احترمي لرئيسنا محمد بن فيصل انا موافق للأخ(بدر)
اضافة رد مع اقتباس
  #12  
قديم 11/05/2006, 10:40 PM
الصورة الرمزية الخاصة بـ عميد الزعماء
زعيــم نشيــط
تاريخ التسجيل: 06/11/2005
المكان: المدينه المنوره
مشاركات: 615
يا جماعه مع احترمي لرئيسنا محمد بن فيصل انا موافق للأخ(بدر)
اضافة رد مع اقتباس
  #13  
قديم 11/05/2006, 11:27 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
طيب وش رايك أنت تدفع 5 مليون من قيمة تجديد العقد؟

أكيد بتقول انه ما عندك,,,, وحتى لو عندك مانت بدافعها!!!!!!!!

طيب كيف تبغى أبوسلطان يجدد بــ30 مليون ريال؟!!!!!

والله إنك ...........
اضافة رد مع اقتباس
  #14  
قديم 12/05/2006, 12:26 AM
زعيــم متألــق
تاريخ التسجيل: 16/09/2005
مشاركات: 1,094
اخطأت ياكاتب الموضوع في كل كلمة ذكرتها وحنا بعصر احتراف واللاعب يبي مصلحته سواء بالهلال

او غير الهلال .

ولكن الي يضايقني اناا بعض الالفاظ الي توجهها بعض الجماهير الهلاليية وليس كلها لاحمد الدوخي الغير لائقة في

مدرجات الملعب لان اللاعب جا له عرض قوي وراح له والله يوفقه والهلال قوي ومايتأثر بغياب لاعب او لاعبيين

والدليل ست بطولات احرزناها بدون الدوخي وبوجود الرئيس الذهبي الامير محمد بن فيصل .
اضافة رد مع اقتباس
  #15  
قديم 12/05/2006, 12:57 AM
زعيــم فعــال
تاريخ التسجيل: 22/03/2005
المكان: الرياض
مشاركات: 326
اخوي بدر


اسمع كلامي زين وانتبه له ابيك تحطه على بالك دائما


,,,,,,,,,,,,,,,,,,,,,,,,,,,,,,,,,,,,,,


نادي الهلال السعووودي عشق الملايين



لن ياتثر برحيل اي كااااااااااااااااان


ولن يعرقل مسيرته رحيل نجم او نجمين او حتى محمد بن فيصل نفسه


فالهلال زعيم وسيضل زعيم مهما كان ,,,


لقد رحل صالح النعيمه قائد القادة وصمام الامان بعد الله


وفي الموسم الذي يله من رحيل صالح النعيمه حقق الزعيم اول بطوله اسيويه


واعتزل ايضا فهد المصيبيح وهذال الدوسري وسعد مبارك وعبدالله البرقان


وعبادي الهذلول وغيرهم من النجوم الذين كتبت اسماؤهم بما الذهب ,,,


رحل الراحل المغفور له باذن الله (عبدالله بن سعد)وجه السعد وسر انتصارات الزعيم


وتالق الهلال وصال وجال وحقق ثلاث بطولات عربيه بعد رحليه واثنتان اسيويه


ورحل التيماوي ابوثنين ولازال الهلال شااااااااااااااااامخ


رحل (اسطورة الملاعب ونجم النجوم )يوسف الثنيان ولازالت القافله تسير


رحل الدوخي والحصيله بطولات الموسمين المحليه جميعها (ماعدا وحده)


ولعبنا على النهائي (والغريب ان الدوخي كان بعد الله سبب من اسباب التاهل)


اذن ناااااااادي الهلال السعوووودي


لا يقف على نجوميه لاعب او على تالق لاعب


الهلال غني بما يملكه من حب جماهيرة الوفيه( وانت واحد منهم )


فلو قدر الله ورحل نواف التمياط وانا استبعد ذلك


فلن يتوقف الهلال عن ممارسة هوايته في اسعاد جماهيرة كما تعودنا


وجهود الادارة ممثله في رئيس الهلال المحبوب محمد بن فيصل واعضاء الشرف


لا ننكر جهودهم في محاولة ابقاء التمياط وغيرة من النجوم ولن نلومهم ابد


اذا ما قرر احد منهم الرحيل وبحث عن الافضل له ,,,


لكن ليعلم رحل من رحل وبقي من بقي ان الهلال سيضل


(عشق الملايين)
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:12 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube