شخص واحد خرب الكرة السعودية.....
اية نعم الكل يبصم بالعشرة ان منصور البلوي هو من هدم الكرة السعودية بثروتة اللي ما شاء اللة كلاها حلال ..
هو من فتح الباب الذي لا يغلق بهذة الثروة ... رفع أسعار اللاعبين بشكل خيالي ...
ياسر القحطاني عرض علية 40 مليون ونواف 30 مليون واللة يستر من الجاي واللة يرحم أيام التوقيع على بياض ...
لماذا يا منصور ؟ هل تعتقد أن رجالات نادي الهلال السعودي لا يقدرون أن يدفعوا هذة المبالغ ؟
لا واللة تخسى . لو بغوا يدفعونها دفعوها بس ليش ؟ ليش يرفعون أسعار اللاعبين السعودين حتى يصير أسعارهم مثل
اللاعبين العالمين وبعدين وش نستفيد ؟ نجيب لاعب عالمي وانتهت الحكاية .
رجالات نادي الهلال يميزهم يا سيد منصور عنك العقل والحكمة
وليس التهور ...
يا سيد منصور إذا كان هدفك تدمير الهلال وأخذ لاعبية فأنت لن تستطيع ... لأنك إذا أخذت لاعب أو اثنين من نادي الهلال
فلن تضر النادي شيئا لأننا وللة الحمد لدينا قاعدة ناشيئين وشباب قوية جداً بقيادة الأمير بندر بن محمد فبدال اللاعب
عشرة فليش العباطة ؟
فلوسك لن تنفعك إذا كانت هذي سياستك يا سيد منصور ....
الاتحاد السعودي والاسيوي لم يستطيعوا تدمير الهلال فعفوا أستاذ منصور حتى أنت لن تستطيع
( همسة في أذن مشجعي نادي الهلال )
لو أبسألكم يا جمهور نادي الزعيم من اللي يشجع النادي ويهتم لمصالحه بأخلاص ؟ لأجبتم كلكم ب ( كلنا نحب النادي
ونشجعة بأخلاص ) بس واللة يا شباب يظهر لي العكس ... طريقتكم بمواضيع نواف كلها غلط بغلط بدال ما تقلون نواف
احنا نحبك ونتمنى تقعد معنا . تقولون اللة يستر عليك يا نواف ومع السلامة .. لا واللة يا شباب هذا غلط أفرضوا أن نواف
(وأنا قلت أفرضوا ) دخل المنتديات ولقى نواف مع السلامة أو نواف ما نبيك علطول يبي يحقد ويقول خل أدور مصلحة
نفسي .. بس لو لقى كل المواضيع نواف لا ترحل واللة راح تهز بخاطرة صح وإلا لا . فيا شباب واللة هذا من مصلحة النادي
وبعدين إلى الحين ما سمعنا أي تصريح رسمي من نواف ... يعني حرام نظلم الرجال
( إلى رئيسنا الظاهرة محمد بن فيصل )
تأكد يا سمو الأمير أن الهلال أنت والهلال بدونك لا يسوى شيئا ... أنت من شلت النادي من القاع بعدما كنا نهزم
بالخمسات وأعدتنا إلى منصات التتويج وأعدت الجماهير إلى المدرجات ..تأكد أننا لو نخسر عشر بطولات لكانت
أهون علينا من خسارتك كرئيس .. تأكد أنك الوحيد القادر على رد ظلم الاخرين لنا ولنادينا
سيدي أنت بتواضعك هذا تكسب قلوب الجماهير فيا سيدي انت الوحيد القادر على نشر الفرحة في قلوبنا
فلا ترحل