التمياط اتحادي ((( "اذا تكلم احمد العجلان فصدقوه"))) - نادي الهلال السعودي - شبكة الزعيم

عيون خالد · #1 08/05/2006, 07:20 AM

تحيه طيبة للزعمـــــــاء

صعقت كما صعق غيري بخبر جريدة الجزيرة هذا الصباح

ولأني من اشد المتابعين للصحف اليومية

واعرف من هو احمد العجلان وما عنده من أخبار

وماهي مصادرة

ولو إن إدارة الهلال سبق وأن نفت خبر سابق للعجلان بخصوص نواف وتجديد عقدة ! ! !

وتحداهم العجلان بصحة خبره

والعجلان لايتكلم من فراغ فهو هلالي صميم

ومحب للكيان الهلالي منذ نعومة اضافرة

ومنذ ان خط قلمه اول خبر صحفي

لكن الحقائق لاتخفى ...

وداعـــــــاً نواف ولن اعلق على انتقالك للاتحاد

لان في فمي ماء يا ابوبندر

رح الله يوفقك مع المنتخب يابطل . . . .

وتـــــــــأكد ان الهلال لم ولا ولن يقف على أي لاعب وسوف ترى

ومبروك الثلاثين مليون

alzaeem only · #2 08/05/2006, 07:29 AM

كبيررررررررررررررررره يابو بندر معقووووله 30مليوون ((والله ماتستاهل الا 6مليوووون وتخب))حسافه عليك ((شمر))

وصدقت أخوووي ماراح يتأثر الزعيم يكفي تجديد كماتشو وباقي لاعبي الوسط الشلهوب وعزيز والغامدي وسامي

وياسر في الهجوووم

بخيت · #3 08/05/2006, 07:36 AM

الله يمليهم بركته ...مع السلامه....وخل برميل الزباله والمخلفات ينفعك يا خاين العهد.....والله لا ..لا يوفقك ..لا مع المنتخب ..ولا مع أي فريق بعد الزعيم...وجعل الاصابه ترجع لك ثاني مره وأعظم من الاولانيه...

وتأكد أن الزعيم باقي غصبن عنك وعن ابتزازك يا مستغل....وغصبن عن ابو اللي جاب البلوي

!!! كم أحبكم!!! · #4 08/05/2006, 07:38 AM

نا من الاول مو مطمن وعندي احساس انه بيروح باين عليه وده يروح عن الهلال

طالب1 · #5 08/05/2006, 07:47 AM

الزعيم غني عنك وحقق بطولات برجالة وشعار الازرق في العلالي
ثلاثين مليون وتترك ديرتك واهلك وناسك الي سندوك ورزوك
منك الي البلوي واخرتها يطردونك وتمسح سيارات مثل باقي لاعبينهم
قم بس قم الزعيم

باقي

عيون خالد · #6 08/05/2006, 07:51 AM

alzaeem only

بخيت

!!! كم أحبكم!!!

شكراً على المرور والتعليق !!

لكن ما اعجبتني قولة (حسافة عليك شمر )

وإلا قولة اخوي بخيت ( وجعل الاصابه ترجع لك ثاني مره وأعظم من الاولانيه...)

مايصير أولاً نخلط المواضيع مع بعض ! !

ولازم نرتقي باساليب حديثنا ونبتعد عن الشتم والدعوات الجائرة

حقيقة لو كان احدكم بمكانه وجاه عرض (( فلوس ياجماعة الخير)) ثلاثين مليون او سته مليون ما اقول انك على طول بتوافق بس أمانه جاوبوني ماراح يستدير مخك ويمكن يطق براس الواحد عرق من الذهول ابن ادم بطبيعته يحكم عقله ويقدم مصلحته ! !

ادعوا للتمياط بان الله يوفقه مع المنتخب واما الهلال فما عمرة وقف بوجه من طلع منه ويا زعيم ماتهزك ريح ! ! !

alzaeem only · #7 08/05/2006, 08:07 AM

أخوووي عيوون خالد ((الرجاجيل ماتنشرى بفلوووس))ولنا في ياسر القحطاني مثال

انا قلت حسافه عليك شمر لان بني شمر رجال مواقف((وانت عارف من نكر المعروووف ووقف معه في أصابته))

أخووووي اذا ماتدري ترى نواف ((الله معطيه))يعني حالته ممتازه مره...

على فكررره نواف مبيت اللنيه للانتقال((مايبغى الهلال بالعربي))

ومعقووووله يطلب 30مليوون حتى من أي فريق اتحدى أي فريق محلي يعطيه هالمبلغ لو كان برميل البلاوي

لكن الله يوفقه ومايشوف شر انشاء الله

عزوز-9 · #8 08/05/2006, 08:16 AM

ماله داعي السب وشتم وتمني الاصابة لة

قل الله يوفقة والهلال ماراح يوقف على لاعب

وهذا هو عصر الاحتراف الكل يدور رزقة

وبتوفيق لنواف انشالله يبدع في النهايات مع المنتخب

هلالي الروضه · #9 08/05/2006, 08:18 AM

مفاجأة مذهلة تبعد التمياط عن الهلال

كشفت مصادر (الجزيرة) أن نواف التمياط قد طلب في تفاوضه مع إدارة الهلال مبلغا خياليا، وهو 30 مليونا للتجديد مع النادي مدة موسمين فقط، ولوّح التمياط بعرض من السد القطري وآخر من الاتحاد السعودي.

_____________________________________________________________________________________

روووووووووووح والقلب داعيلك مع الف سلامه ( وراح نذكرك بالخير )

ياروح يابو عبدالله يوقع بدون اي شروط على ادارة النادي ((((ســـــــامي والبقيه أسامي ))))

والله ما على ابن البن البرازيلي كاماتشو شرهه اذا اشترط على النادي

اذا ابن النادي والذي تم التجديد معه وهوا مصاب ب 3 مليون\\

خله يروح يابوسلطــــــان براحته والهلال لان يتوقف على نواف او غيرة

على قولتهم راح جيل بأكمله

وتستمر مسيرة البطولات ان شاء الله

والله ما ني زعلان والموضوع عادي

والموجودين فيهم الخير والبركه حققوا الموسم الماضي كل البطولات

يكفينا بروز فهد سرور \\

تحياتي

KaRRoM · #10 08/05/2006, 08:22 AM

واذا راح طيب؟؟؟

راح منهو افضل منه (ابويعقوب) وحققنا بعده 6 ميداليات ذهبيه وميداليه فضيه من اصل 7 بطولات

الزعيم برجاله قادرين يعوضون اي نقص واللي صنع نواف قادر باذن الله انه يصنع ميه نواف ويوسف وشلهوب وسامي ...... الخ

هذا فريق الواسطات زي مايقولون

كل الفرق تتذابح على لعيبته ويبونهم بالملايين

ياجماعه لا تصيرون زي الجيران يشجعون لاعب وينسون فريقهم

فكونا من سالفه نواف خلاص رجاء وخلونا نساعد لعيبتنا يركزون في مباراتهم الجايه

ommany · #11 08/05/2006, 08:34 AM

الخبر غير صحيح

نواف

اكبر من كذا

خلونا بمباراة الميناء

يمكن نتأهل

سبحان الله

koko · #12 08/05/2006, 08:36 AM

نواف ما راح يروح الاتحاد
نواف بيطلع بره السعودية
و بعدين يا زعماء لا تنسون ان نواف كم افرحنا و اسعدنا و اسهم في بطولات الزعيم علي كل حال حنا قدامنا مباراة مهمة جدا يوم الاربعاء بعد القادم خلو اللاعبين يركزون و خلو تواف لبعدين

صدقوني الهدف واضح من خلال اثارة موضوع نواف في الوقت الحالي

و بعدين العجلان نفسة نزل خبر ان الهلال وقع مع نواف و الان يخالف نفسة بخبر اخر
ما تصيييييييييييييييييييييييييييييييييييييييييييييييييييييييييييييييييييييييييييييييييييييير
فكرو بالعقل مهوب بالعواطف

جحفاني · #13 08/05/2006, 08:56 AM

الله يكتب الي فيه الخير
ومشكور

الوســـــمي · #14 08/05/2006, 09:19 AM

التميــــــــــاط ( أقول في أمان الله ) واقفة عليك يا زيدان تبي 30

نزيه المشاعر · #15 08/05/2006, 09:20 AM

4 مليون وكثيره عليه